Ititatso 2:18 - Kutsingken Ira Rimam ti Saen Kyag

¹⁸ Bae ru ka na atom Rimam ti ta risu kumbug ande Rimam ti ta Tiyatira baa, “Ira yine ruye unju Umbae Rimam ti site ayib ti si pangma ujaen urwa, ti afxen-wu ama si pangma ikyab kiser tibyaen ti kong ren.

Ititatso 2:18 Iomraidhean Croise

Daniyel 10:6

Ijwe unde-wu ku jijae pangma kutxom berili. Kutxuwe-wu ku jae wur wur pangma imam ti jae. Ayaen ayib-wu ku cwe urwa wur wur. Ajwo-wu ti afxen-wu ku jae wur wur pangma bronzi ti a twen wu twen. Awu tum ira pangma ujwunn ande yang-ba akwen.

Matiyu 17:5

Ti Bitrus ku ri ira yine, kutakujwujwu si ba ta kyi ba. Kutakujwujwu wune jaen wurwur. Aba fxen afxenjwin uwae kutakujwujwu wu baa, “Awune si Umbae-m ti ame site ure te wu. Ame ku tsen utob te wu. Ni fxen wu.”

Matiyu 27:54

Kiye ti unde ti uwe na akyirten, ti ande umbyi-wu ti ku kyir kuskab Yesu nung utense ti kyi ijwe, fa ti meme iken yi ti nde, ikyenricwu ye ba si-yi ti ti ri be. Aba ri baa, “Ayi si kubenti, unde wune si Umbae Rimam.”

Matiyu 3:17

Ti a u nunung, afxenjwin si apupwen ba ku ri baa, “Awune si Umbae-m ti riyaen utob-m, ame ku tsen utob te wu.”

Luka 1:35

Atom wu ri te wu baa, “Kusung Rimam u si ba risu-fu. Kuko na Rimam u si ba munn fu munn. Ikyaen yine umbae wu ti afu u mbae, a u kunn wu baa Umbae ti sisaen, u si Umbae Rimam. Awu u site-wu ti ikentitibi be.

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Yohana 1:49

Nataniyel ri te wu baa, “Unde ti uwe, afu ti si Umbae Rimam. Afu ti si Ukwe na Isirela!”

Yohana 10:36

ame ama re? Awu Itse-m tsab ra m u tom m sang ba yi utense. Ani nde rimang titawe u ku ri-ni baa, ame na rimbeb rinyi Rimam kiye ti ame ri baa, ame na si Umbae Rimam?

Yohana 3:16

“Rimam ye ure te ande ti utense ko timambe, ne iken ti nde awu nda ba Umbae-wu ti si nyáng kinjo-wu amam, ikyaen ti unde titini ti a ru uwae kinjo uwog-wu, awu ā twenji-wu be, amaa, awu ā tu unyang ti tsi kukunn.

Yohana 3:18

“Unde titini ti a ru uwae kinjo uwog Umbae Rimam wu, rikwen u ye-yi awu be. Amaa unde ti a ru-wu uwae kinjo uwog-wu be, rikwen ye pu yi awu, ikyaen ti, awu ru-wu uwae kinjo uwog Umbae Rimam awu kinjo-wu amam be.

Yohana 5:25

Ame ku ri te ni ira ti kubenti, kiye ru ku ba, kiye wu ba mam pu wu, ti ande ti cwucwu u fxen afxenjwin na Umbae Rimam, ama unde titini ti a fxen afxenjwin wune u tu unyang.

Wande Atom 16:14

Kinjo uwae-ba ti fxen ti si Lidiya, unda iki ti ruye uka ti Tiyatira. Awu si unda ti ku jabci te atupwa. Awu si unda ti ku fen Rimam. Itsekuru mbubta riyaen utob-wu ti wu naa atong ira yi ti Bulus ku ri.

Wande Atom 8:36

Ti a kyang ku ru, a sa sa sa ru ba sang uwog iki ti ambyi ta atang. Unde wu ri baa, “Sae! Ambyi ti ta ri! Imi ti u nde ti afu u nde na-fu ame batisma be?”

Roma 1:4

Ama yi uwae ira kusung, awu si umbae Rimam. Rimam ye ayine tsi uwae kuko-wu kiye ti awu kunn nwunn wu uwae iticwu ti unyang, yi wande na Kusung ti Saen Kyag. Awu ti si itsekuru-ti Yesu Kristi.

Roma 8:32

Awu ti byang-wu ati Umbae-wu be, ama cwe, u sa wu ruye ikyaen-ti meme, awu u sha na-wu ati iken ti tsitsi ti utob-wu kinjo be a.

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 2:1

“Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.

Ititatso 2:24

“Amaa, ani ande ti tsitsi uten Tiyatira, ti putsa-ni iken ti kwen titibi ayine be, u kwen-ni iken ti ariki ku kunn baa, ‘Iken ti rurong na Shetann’ be, ame ku ri te ni, ame u ye isu ti rurob iki su-m ani be.