Ititatso 2:14 - Kutsingken Ira Rimam ti Saen Kyag

¹⁴ Amaa, ame site ira iki kpang risu-fu. Ariki uwae-ni putsa iken ti kwen na Balam, unde ti kwen na Balag ti wu na sa kupong cekyi anyisu Isirela, ti aba na ci wuci apxin u nae amae ku kyang.

Ititatso 2:14 Iomraidhean Croise

Matiyu 18:7

Ayae ande ti utense ikyaen iken ti u nda ande kyen kufxen fengo Rimam! Ande u tu kang iken ti ku kyen kufxen utense ike, amaa ayae unde ti u shir kufxen ti kyen yi ba.

Wande Atom 15:29

Icwe yi ta ri. Ni ci-ni wuci ti a sa fen apxin te yi be. Ni ngwa-ni anying ibye be. Ni kub nyáng ibye ti a yerwuwen. Ni nae-ni ajwo ijib be. Ani a putsa icwe yine, ayi u nyang timambe. “Ni som nyinyang.”

Wande Atom 21:25

Ama uwog ande ti ku ru kubenti uwog Yesu ti si-ba Mbayawuda be, ati tom na pu ti aba kutsingken baa, ati na ku tang baa, icwe yi ti aba na u putsa kang na si ayine amam, aba na ci-ba wuci iki ti a sa fen apxin atang be, aba na u ngwa-ba anying ibye be, aba na kub nyáng ibye ti a yerwuwen, aba na nae-ba amae be.”

Roma 11:9

Ukwe Dawuda ama ri ira risu-ba baa, “Rimam ā sa ukwab-ba kafe kubim ti u ye ba. Wuci-ba ā kafe kutxae uwog-ba, u si kukwae itijwunnsi-ba. Ayi ā si kimbab ti Rimam byinn ba.

Roma 14:13

Ikyaen yine, ti ya rikwen ti ati ku pwen atso ta. Iken ti ati u nde, si ti ati u sa utob-ti tsi baa, ati na u nde-ti iken iki ti u nda inja-ti iki kyen kufxen fengo Rimam, ko ti awu u sang uwae ikentitibi be.

Roma 14:21

Asiti afu a nung baa, inja-fu iki na u jwunnsi u nde ikentitibi ikyaen ibye ti afu ku kub, ko ujwab ti afu ku ngwa, ko iken iki ti afu ku nde, ayi nyang skeb ti fu nwaen ru risu-fu uwae iken yi.

Roma 9:32

Imi ti nde nee aba shanum te itinyang Rimam? A shanum ikyaen ti, aba sa ijwe-ba konje uwog wande ti tinyang ti ti nde, ti si-yi te uwae kinjo be. Aba kyen kufxen ijwe kutxom nee a bae uwae Kutsingken Rimam risu-wu baa,

1 Korinti 1:23

Ana-ti, ati ku ri ira risu Yesu Kristi ti a sa wu kwer ijwe kutuku ti cice. Uwog Mbayawuda, ira ayine ku nda ba rinae. Uwog ande ti tsitsi ama ayi si ira ti kuskwab.

1 Korinti 7:2

Amaa, ikyaen ti, ikentitibi ti ti nde te rimenn ijwe ko shisha, ayi nyang skeb ti urom titini ā site uwa-wu, ko unda titini ā site ubaen-wu ama.

Mbaibrane 13:4

Ko aye ā ye su icwe ribaen-ba ti rurob. Unda ti urom ā pu ajib tso-ba risu uwaen ribaen-ba be. Ikyaen ti, Rimam u pwen meme ande ti amae ti iyag rikwen.

1 Bitrus 2:8

A bae kyi baa, “Kutxom ti u kyen kufxen, ti kutxú na iraen ti raen.” Aba ku kyen kufxen ikyaen ti, aba ru-ba kubenti uwae ira yi be. Ayine si iken ti Rimam myae tsi ikyaen-ba.

2 Bitrus 2:15

Aba pyir fengo ti pang atang, u jwe byinn pu ba kutur. Aba putsa rifab Balam umbae Beyor ti sa utob-wu tsi risu rifunn ti awu tu yi fengo na ikentitibi.

Yawuda 1:11

Ayae-ba! Ikyaen ti, aba putsa kufxen Kayinu, u sa ijwe-ba tajwae na ikentitibi Balam, ti aba na u tu aser. Ikyaen risu ti kpag-ba, aba twenji pangma Kora.

Ititatso 2:20

Amaa, ame site ira wune risu-fu. Afu cwe ira unda wune, Jezebel ti ku kunn ijwe-wu baa, unda ti ku ya iskin ira Rimam, ama ku kwen itikwen ku kyaefa apyi-m ti aba na nae amae, u ci wuci ti a fen apxin te yi.

Ititatso 2:4

Amaa, ame site ira wune risu-fu, afu ya ure-fu ti afu ye te m ti kucang ta pu fu.

Ititatso 21:8

Amaa, ande ti ku kyen ikyenricwu, ti ande ti ru ba uwae kinjo be, ti ande ti kambeb pu ba uwae ikentitibi, fa ti ande ti ku wen ande, ti ande ti ku nae iyag ti amae, ti ande ti kisi, ti ande ti ku fen apxin, ti meme ande ti ku wer rifen, uwog ti som-ba ta uwae uvum urwa ti ku ten ku jim-yi jim be! Ayine si iticwu ti fa ti apu-ifaen.”

Ititatso 22:15

Amaa, mbapxu, ti ande ti kisi, ti ande ti ku caen upwen, ti ande ti ku nae iyag, ti ande ti ku wen ande, ti ande ti ku fen apxin, ti ande meme ti sa uwae tsi risu iken tikong ti ti nde, abane meme u som ana-ba kanjag.