Ititatso 2:10 - Kutsingken Ira Rimam ti Saen Kyag

¹⁰ Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 2:10 Iomraidhean Croise

Daniyel 1:12

“Ame ku jwam fu, mam ti uwae usir rijwe. Sha na ti atsing afub ti ambyi ukaen ti ati u ci u ngwa ka usir rijwe,

Daniyel 1:14

Tiri unde wu cwe u mam ba ka usir rijwe.

Matiyu 10:22

Ande meme u sa ni kuka ikyaen-m. Amaa, unde ti a tsi ti kubenti ru ba sang usir ti ricwunnkyi, awu u nwangru.

Matiyu 10:28

Ni kyen-ni ikyenricwu ande be. Aba ku wen nyang ijwe rimenn amam, aba wen fob-ba kusung be. Amaa ni kyen ikyenricwu Rimam ti site kuko ti u twenji rimenn ijwe ti kusung meme uwae urwa ti ku ten u ku jim-wu jim be.

Matiyu 24:13

Amaa, unde ti a ye utob ba usir ti ricwunnkyi, awu u nwangru.

Markus 13:13

Ande yang akwen u sa ni kuka ikyaen-m. Unde ti a bom utob ba kwar usir ti ricwunnkyi, awu u nwangru wu.

Markus 8:35

Unde titini ti ku sha ti wu u txen unyang-wu txen, awu u shanum unyang-wu. Unde titini ti a shanum unyang-wu ikyaen-m ti ikyaen ira-m ti awu ku ri te ande, awu u tu unyang ti tsikukunn.”

Luka 21:12

Ande u ye ni u nda ni rikaen titawe meme iken ti tsitsi yine u nde. A u pu ni ru yi asog Rimam-ba u ru ka pwen ni rikwen atang u pu ni ru ka kusog pursuna. Ikyaen na ira-m, a u shir ni ba tsi uwe akwe ti ande ti uwe uten.

Yohana 12:25

Unde titini ti awu a sa uwae tsi skeb risu unyang-wu utense ike, awu u shanum unyang-wu ti kubenti. Amaa unde titini ti awu a ku pyir unyang-wu utense ike, awu u site unyang ti tsi kukunn.

Yohana 13:2

Usir jwo ureb Yesu ti ande-wu rijwe asu ifaen ta uwog iken ti ci. Ukwe Kukyaefa sang mam pu wu utob Yawuda umbae Siman Iskariyoti baa, awu na u ye Yesu jabci.

Yohana 13:27

Ti ritsen ti Yawuda mbe ra buredi yi, Shetann sang ka riyaen utob-wu. Yesu ri te wu baa, “Nde ti kife ti nde iken ti afu ku sha ti fu u nde ne!”

Wande Atom 20:24

Amaa, ame sa-m unyang-m baa, awu na si iken iki be. Iken kinjo ti ame ku sha si ti, ame u nde tag wande-m ti Itsekuru-m Yesu nda m, ti si ti ame na sa ira tinyang na ayibrisi Rimam na ri te ande meme.

Wande Atom 21:13

Ama Bulus rang ti baa, “Ani nde rimang ku jwub aten ku si, ku pwen ti ni u nda m yer anying utob? Ame som ku ji baa, ko a u yir m iji, ko a u wen m wen yi Urushelima, ame cwe pu m, ikyaen na rinyi Itsekuru-ti Yesu.”

1 Korinti 9:25

Unde ti ku ter inyae te ariki, awu ku tsi ting ting uwae iken ti a kwen na wu. Rinyangwae ti aba sa utob tsi atang tsikunn-yi kunn be. Amaa, rinyangwae ti ati sa utob tsi atang ti ti u mbe si iken ti tsi kukunn.

Afisa 2:2

Kiye wu, ani ku kyang ikyin uwae fengo titibi na utense ike. Ani ku nae risu riben na awu unde ti uwe asung titibi, awu ti ku nde wande uwae utob na ande ti kpag risu te Rimam ba kwar ti yaka ne.

Afisa 6:12

Rika yi ti ati ku ta ne si-yi rika ti ati ku ta te ande ti site rimenn ijwe ti anying be. Ati ku ta rika te abikwe, ti ande ti kpakang, ti kujwokwe kufub, ti akyirten asung titibi ti ta apupwen.

Yakubu 1:12

Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

1 Bitrus 5:4

Ama, kiye ti Unde ti Uwe na ande ti ku shi iken a ka ru ba, ani u tu kubur ukwe, ti pangma ana ukwe ti kuko ti rinyang-wu ku fwa-wu fwa be.

1 Bitrus 5:8

Ni tsi ti ujwin! Ikyaen ti, unde ti rika-ni, ukwe kukyaefa, ku paen ritum ku kyang pangma itumu, ku sha unde ti wu ye wen kub.

Ititatso 13:14

Uwae iken yi ti ku fur ayib ti a nda wu nde uwe ibye titibi wu ti kucang, awu kyaefa tag ande meme ti ta utense baa, aba na kyae apxin ti ru ibye ti kucang wune ti a ter wu te kisim rika, amaa, awu cwu-wu be.

Ititatso 13:2

Ibye wu ti ame sae, ru icwu, afxen-wu pangma ana mbuku, unju-wu ama pangma ana itumu. Ama tiri usang ti ricwu wu, sa ribom-wu, ti kutxom ukwe-wu, ti kuko na utense, na ibye titibi wune.

Ititatso 13:7

Ama a nda wu riyae ti wu na ta rika te ande Rimam, ti wu na ci ba rika. A nda wu kuko risu ande ti utense meme, ti unju ti tsotso ti meme kumbub ande ti utense pab.

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 2:9

Ame nung pu m rikaen ti afu ku ngwa, te ti afu si unde ti rijang. Amaa, kubenti, afu si unde ti rifunn. Ame nung ira ande ti ku txun mbeb Rimam, ama ku kunn ijwe-ba baa, ande Rimam, ira titibi ti aba ku ri risu-fu, ame fxen tag pu m ayi. Ama aba si-ba ande Rimam ti kubenti be. Aba si kusog Shetann.