Ititatso 2:1 - Kutsingken Ira Rimam ti Saen Kyag

¹ “Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.

Ititatso 2:1 Iomraidhean Croise

Matiyu 18:20

Ikyaen ti, uwog ti ande ifaen ko ande ita a byir atso uwae rinyi-m, ame te ba som te atso.”

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

Yohana 5:35

Yohana si pangma urwa fitila ti ku cwe u ku nda uwog saen paenine. Uwae kiye kpang, ani cwe ira-wu u ku tsen utob ti uwog ti saen-wu.”

Wande Atom 18:19

Ti aba ka sang uka ti Afisa, Bulus ya Akila ti Birskila ta. Awu ru kusog Rimam na Mbayawuda ti ta atang u ka myae ira te ba.

Wande Atom 18:21

Amaa, ti awu nwunn ka sang kuyae ku ru uten ti Afisa, awu ri te ba baa, “Asiti Rimam a cwe, ame u kafe ba nung ni.”

Wande Atom 19:1

Kiye ti Apolo ta uten Korinti, Bulus kyang ku ru tsa uwae ikyaeb uten ti Asiya. Awu sa sa sa ba sang Afisa u tu ande na Yesu iki atang

2 Korinti 6:16

Imi ti ren kusog Rimam te kufug apxin? Ati ande Rimam si kusog Rimam, awu Rimam ti si Rimam ti site unyang. Pangma ti awu ri baa, “Ame u som usom te ba; ame u kyang ikyin kutampwa-ba. Ame u si Rimam-ba; aba ama u si ande-m.”

Ititatso 1:16

Uwae kujwo rici-wu awu ye su atitaen itsongfaen. Kisim wen ti cin isim ti uwe, ru ku ye unju-wu. Kutxuwe-wu ku jaen kab kab kab pangma usir ti usirtaen.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 12:1

Isim ayine, iken ti ku fur ayib gbug nwunn apupwen. Unda iki tsi atang. Kutupwa ti si-wu si usir, ama ushaen ta askab kufxen wu. Awu bur ubur ukwe ti site atitaen rijwe asu ifaen.

Ititatso 2:12

Bae ka na atom Rimam ti ta risu kumbug ande Rimam ti ta uten Pergamum baa, “Ira yine ruye unju awu ti site kisum wen ti cin isim ti uwe.

Ititatso 2:18

Bae ru ka na atom Rimam ti ta risu kumbug ande Rimam ti ta Tiyatira baa, “Ira yine ruye unju Umbae Rimam ti site ayib ti si pangma ujaen urwa, ti afxen-wu ama si pangma ikyab kiser tibyaen ti kong ren.

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 3:1

“Bae ka na atom Rimam ti ta risu kumbug ande Rimam ti ta Sardis baa, “Ira yine ruye unju Awu ti site Asung Rimam itsongfaen, ti atitaen itsongfaen. Ame nung itikwab-fu. Ame nung ti rinyi-fu kob uten baa, afu na site unyang, amaa, afu si-fu rukom ti tsi.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.