Ititatso 19:9 - Kutsingken Ira Rimam ti Saen Kyag

⁹ Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”

Ititatso 19:9 Iomraidhean Croise

Luka 22:16

Kubenti ti ame ku ri te ni, ame u ci-m Ukwab Itiyafe iki cwucwo be, se kiye ti ati u ru ka ci Ukwab Itiyafe ti kubenti uwae kuru Rimam apupwen.”

1 Timoti 1:15

Ame ku ri te fu ira ti kubenti ti pang ti ande ā kyangte yi u ru kubenti uwae-yi. Yesu Kristi ru ba utense ikyaen ti wu nwangru ande ti ku nde ikentitibi. Uwae-ba ame ti si ukwe.

1 Timoti 4:9

Ira ti ame ri ne si kubenti. Ayi pang atang ti ande meme ā kyangte yi.

2 Timoti 2:11

Ira yine si ira ti kubenti: “Ati ti Yesu cwu tetso, awu nwunn ti unyang, ati ama u nwunn.

Titus 3:8

Ira ti m ri ne si kubenti. Ame ku sha ti fu na ri ira risu iken yine ti kpakang, ikyaen ti ande ti ku ru kubenti uwog Rimam ā sa utob-ba na wande ti tinyang ti ti nde ku ru yi uwe. Iken yine nyang timambe u ku ndeya ande.

Ititatso 1:1

Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 1:19

Ikyaen yine, bae iken ti afu sae ti kucang, ti iken ti afu ku sae tine, ti iken ti u ru ba nde uwe ike.

Ititatso 10:4

Isim ti imam itsongfaen yine taen, ame ku pwen ti m bae ira yi ti ame fxen, ama ame fxen afxenjwin si apupwen ba baa, “Ira ti afu fxen uwae imam itsongfaen ti taen ne, ayi ku cwucwe, bae-fu ayi be.”

Ititatso 14:13

Tiri ame fxen afxenjwin si apupwen ba, ku ri baa, “Bae iken yine: Ti tinyang ā si ana ande ti cwu fengo Itsekuru-ti Rimam.” Kusung ti Saen Kyag cwe baa, “Een, kubenti! Ayi si ahan ara! Aba u pu unyang uwae wande-ba ti ribom, ikyaen ti, kujwo wande-ba u putsa ba.”

Ititatso 17:1

Isim ayine, atom kinjo uwae atom itsongfaen ti ye su kuseb itsongfaen yine, ru ba, u ri te m baa, “Ba ti m tatso fu ititwenji iyaen tiyang wu ti somtsa risu ambyi yang-yi né.

Ititatso 17:17

Rimam sa yi si ba utob ti a na nde iken ti awu ku sha, u ren risu-ba, u sa kuko-ba ana ukwe na ibye titibi wune, se kiye ti ira Rimam a kumunn pu yi.

Ititatso 2:1

“Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.

Ititatso 2:12

Bae ka na atom Rimam ti ta risu kumbug ande Rimam ti ta uten Pergamum baa, “Ira yine ruye unju awu ti site kisum wen ti cin isim ti uwe.

Ititatso 2:18

Bae ru ka na atom Rimam ti ta risu kumbug ande Rimam ti ta Tiyatira baa, “Ira yine ruye unju Umbae Rimam ti site ayib ti si pangma ujaen urwa, ti afxen-wu ama si pangma ikyab kiser tibyaen ti kong ren.

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 21:5

Awu unde ti somtsa kutxom ukwe ri baa, “Nung, tine ame ku kyae meme iken, tishe.” Awu ri kyi baa, “Bae ira yine, ikyaen ti, ayi si ira ti kubenti, tikong ta-yi atang be.”

Ititatso 22:6

Cwucwo, atom wu ri te m baa, “Ira yine si ira ti kubenti, u pang atang ti unde ā sa utob tsi risu-yi. Itsekuru-ti Rimam, awu ti ku sa Kusung-wu jwu sang ande ti ku ya iskin ira-wu, awu ti tom atom-wu ba uwog apyi-wu ti wu tatso ba iken ti u tsi-yi tsi be, u nde.”

Ititatso 3:1

“Bae ka na atom Rimam ti ta risu kumbug ande Rimam ti ta Sardis baa, “Ira yine ruye unju Awu ti site Asung Rimam itsongfaen, ti atitaen itsongfaen. Ame nung itikwab-fu. Ame nung ti rinyi-fu kob uten baa, afu na site unyang, amaa, afu si-fu rukom ti tsi.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 3:20

Nung, ame tsi ufu kusog ku kwer kujwo. Unde ti a fxen ufxenjwin-m, u mbub ufu ta, ame u sang ba tu wu, u te wu ci tetso, awu ama u ci te m.

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.