Ititatso 19:7 - Kutsingken Ira Rimam ti Saen Kyag

⁷ Ti tsen utob, ti ti kam ashwu! Ti nda wu kuko, ikyaen ti, kiye ukwab unda ishe Mbae Utam, nde pu yi. Unda ishe wu ama kyae tag pu wu ijwe-wu.

Ititatso 19:7 Iomraidhean Croise

Matiyu 1:20

Amaa, isim ti awu kab mam pu wu ira yine uwae utob-wu, atom Rimam iki ru ba tu wu uwae kurwa u ri te wu baa, “Yusufu, umbae Dawuda, kyen-fu ikyenricwu be. Mbe Mberimu, ikyaen ti, rishwu ti awu kyaen ne, Kusung Rimam ti nda wu rishwu yi.

Matiyu 22:2

“Kujwokwe Rimam ti apupwen pangma Ukwe ti mbe unda na umbae-wu.

Luka 12:36

Ni som ti ujwin pangma ande ti som ku ji kiye ti unde ti kununn-ba u ka ru uwog unda ishe ba. Kiye ti awu a ka ru ba ku kwer kujwo ufu, ti ritsen, a u mbub na wu ufu kusog.

Yohana 3:29

Uwog ukwab unda ishe, ayi si ubaen unda ishe ti ku mbe unda ishe wu. Urwan ubaen unda ishe tsi te wu atang u ku fxen wu amam. Awu ku tsen utob kiye ti awu a ku fxen afxenjwin ubaen unda ishe wu. Utob ti tsen yine si ana-m tine. Ijwe-m si fa pu yi.

2 Korinti 11:2

Ame ku tsinn kitsinn risu-ni pangma ti Rimam ku nde ama. Ikyaen ti, ani pangma mbawandab ti nung-wu urom be u yer unju te nyáng unde ti awu ku sha ti awu u baen amam. Unde wu ti ame ku sha ti ani na baen si Kristi.

Afisa 5:23

Ikyaen ti, urom ta risu uwa-wu pangma ti Kristi ama ta risu kumbub ande na Rimam. Aba si rimenn ijwe-wu. Awu si risu u si unde ti nwangru ba ama.

Afisa 5:32

Iken ti kwen ti jijang ta uwae ira yine. Ame tang baa, ira yine ta risu Kristi ti ande ti putsa ira-wu. Aba ti si uwa-wu.

Filipi 3:3

Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

Ititatso 11:13

Uwae kiye wu, utense kyi ijwe u taen punn. Kujwo kyab kinjo uwae rijwe na uka wu mbub si u yata kujwo ikyab itsongnje. Ande kumbub itsongfaen twenji, ikyaen utense ti kyi ijwe. Ikyenricwu ye ande ti tsitsi si-yi ti ti ri be. Ama aba teb rinyi Rimam ti apupwen amam.

Ititatso 19:9

Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”

Ititatso 21:2

Ame sae Uka ti Sisaen, ti si Urushelima tishe, sī uwog Rimam apupwen ku ba. A kyae nyang tag wu pangma unda ishe ti som ku ji ubaen-wu.

Ititatso 21:9

Tiri ame nung kinjo uwae atom itsongfaen ti ye su kuseb ti munn te kujwūnn kicaeb titibi ti tsotso itsongfaen. Awu ru ba ri te m baa, “Ba, ti m tso fu unda ishe na Mbae Utam.”