Ititatso 19:4 - Kutsingken Ira Rimam ti Saen Kyag

⁴ Aba ande ndufu rijwe asu inje bane, ti iken inje ti ku nyang unyang, jwunn ikyig uwe Rimam ti somtsa kutxomkwe-wu, u teb wu ku ri baa, “Ayi ā si ahan! Ti teb rinyi Rimam!”

Ititatso 19:4 Iomraidhean Croise

Nehemiya 5:13

Tiri ame fwer kutupwa-m, u ri baa, “Ayi si ahan ti Rimam u fwer ko aye uwae-ni ti a ye su-wu unju ti yer-wu be. Rimam u ye pu anunn-wu ti iken ti awu site meme ru, ama u ya wu ta ajwo ukaen.” Meme ande ti som riben atang ri baa, “Ayi ā si ahan,” ama u teb Yaweh. Ande ti uwe ba ye su unju ti yer-ba.

Nehemiya 8:6

Ezra teb Yaweh baa, “Yaweh Rimam ti site kuko!” Meme ande ba pu ajwo tso ritsen u ri baa, “Ayi ā si ahan! Ayi ā si ahan!” A jwinn ikig riben u pu uwe-ba bur riben u fen wu,

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

Matiyu 6:13

Pu ti ka-fu uwae kumyae be, amaa, nwangru ti uwae ira titibi.’

1 Korinti 14:16

Ayi a si-yi ahan be, asiti ani a ku teb Rimam uwae kusung amam, unde ti nung-wu ira yine be u kyang rimang cwe ira u teb Rimam te ni, ti nee awu nungye-wu imbyi ira yi ti ani ku ri be?

Ititatso 15:7

Tiri kinjo uwae iken inje ti ku nyang unyang yine, nda atom itsongfaen bane, kitu itsongfaen, ti munn te rinae Rimam, awu ti tsi yiyer.

Ititatso 19:1

Isim ayine, ame fxen ritum iki ti pangma ana ujwunn ande ti funn apupwen ku ri baa, “Haleluya! Itinwangru ru uwog Rimam-ti ba. Kuko ti riyinn si ana-wu.

Ititatso 19:3

Aba taen kyi ira cwucwo baa, “Haleluya! Akyang urwa ti ku twen ku tso tsig tsig tsig tine, ititsikunn-yi ta-yi be.”

Ititatso 19:6

Ama, ame fxen afxenjwin ujwunn ande ti funn apupwen ti ku tum pangma ritum ambyi ti ku si utae, ti ana imam ti ku taen, ku ri baa, “Haleluya! Ikyaen ti, Itsekuru-ti Rimam, ti skeb titag, si Ukwe.

Ititatso 5:14

Ama iken inje ti ku nyang unyang yine, cwé baa, “Ayi ā si ahan.” Ande ndufu bane jwunn ikyig u fen Umbae utam wu.