Ititatso 18:3 - Kutsingken Ira Rimam ti Saen Kyag

³ Ikyaen ti, meme ambukwen ande ngwa pu ba ambyi na amae ti nae-wu ayi. Abikwe ti utense nae pu ba amae te wu. Ande kijab ti utense patag nde rifunn ikyaen ti, awu ku kwae rifunn na iyag-wu shag ba.”

Ititatso 18:3 Iomraidhean Croise

Luka 7:25

Ama imi ti ani ru ti ni kaa sae? Unde ti kyae ijwe-wu ti atupwa ti aser a. Kubenti, utso ande ti ku kyae ijwe-ba te atupwa ti aser u ku kam uwae rifunn, aba ta uwae ushi kununn akwe.

1 Timoti 5:11

Pwen rinyi awa icwu ti tsi ti kindab fa-fu atang be, ikyaen ti, kiye ti ijwe-ba a ba ndab skeb risu, aba u teya Yesu Kristi ta u ru ka sha arom ti a baen.

Ititatso 14:8

Atom iki ti fa ti ifaen putsa awu ti kucang, u ku ri baa, “Babila jwunnsi pu wu! Babila uka tiyang mbub si pu wu! Awu unda wu ti kyaefa meme ande utense u nda ba ngwa ambyi itu na amae ti nae-wu ti byag kukwan.”

Ititatso 17:2

Unda wune, abikwe ti utense nde iyaen te wu, ande ti utense meme ngwa ku shishaen uwae amae ti nae te unda wu.”

Ititatso 18:19

Aba mbub ibung risu-ba, u jwub ira u ten ri ten, u ku ri baa, “Kukuuwu, kukuuwu, awu uka tiyang ti meme ande ti site ayae, u ku kyang uwae uyinn, kafe ande ti rifunn ikyaen-wu. Uwae kiye pang, meme rifunn-wu ayine twenji tag.”

Ititatso 18:23

Aba u nung-ba urwa fitila uwog-fu cwucwo be. Aba u fxen-ba afxenjwin unda ishe ti ubaen-wu uwog-fu cwucwo be. Ti kute ande ti kijab-fu si ande ti site kuko siskeb uwae utense. Uwae iken ti kimbag ti ku fur ayib, afu kyaefa meme ande ti ta utense patag.”

Ititatso 18:7

Ti awu yetso risu-wu uwae usom ti som na amae ti nae-wu ayi, ti mbwe-yi ama, myae na wu kitu kumyae na rikaen ti ricwu ti jwub, ikyaen ti, awu myae tsi uwae utob-wu baa, ‘Nee ame ti som pangma uwa ukwe. Ame si-m uwa icwu be. Ame u jwub-m ricwu ama be.’

Ititatso 18:9

Abikwe ti utense ti nae amae, u ci rifunn amae yi te wu, aba u pù nae ukunn ricwu kiye ti aba a sae akyang urwa ti ku tso uwog ti a ku twen wu atang.