Ititatso 18:20 - Kutsingken Ira Rimam ti Saen Kyag

²⁰ Ni kam ashwu ti ni pam ipam, ani ti ta apupwen, risu ititwenji na uka wune, fa ti ani ande Rimam, ti atom, ti ande ti ku ya iskin ira Rimam. Nung! Rimam yir pu wu rikwen ikyaen iken ti awu nde te ni.

Ititatso 18:20 Iomraidhean Croise

Afisa 2:20

Cwucwo ani, fa te Mbayawuda si pu ni kusog ti a mbye som tsa risu umbyi kusog ti a ta tsi kute. Umbyi kusog wu si ande ti atom ti ande ti ku ya iskin ira Rimam. Kusog wune, kutxom ti ku nda wu kpakang si Yesu Kristi.

Afisa 3:5

Kute a tsag te-ba ande ira yi be, amaa tine uwae wande na Kusung Rimam, a mbubta yi uwe ande ti awu tsab ba ti a na si ande ti atom-wu ti ande ti ku ya iskin ira-wu.

Afisa 4:11

Rinyangwae yi ti a ri ira risu-yi ama, awu nda ariki si ande ti atom, ariki ama si ande ti ku ya iskin ira Rimam. Ariki ama ku sa ira-wu tsag te ande. Awu tsab ariki ti a na shi ande na Rimam, ariki ama ikyaen ti a na si ande ti ku kwen iken.

2 Bitrus 3:2

ikyaen ti ni na tangsom te ira ti ru unju ande ti ya iskin ira Rimam kute, fa te icwe na Itsekuru-ti Yesu Kristi unde ti nwangru ti, ayi icwe ti ani mbe uwog atom ti ru ba uwog-ni.

Yawuda 1:17

Ande ti ure, ni tangsom kang te ira yi ti ani fxen ti kucang uwog atom na Itsekuru-ti Yesu Kristi.

Ititatso 12:12

Ikyaen yine, ni kam ashwu ti ipam ti pam, ani atom ti som apupwen, te iken ti ta uwae-yi meme! Amaa ayi u si iken ti ku nde risi uwog utense ti uyinn! Ikyaen ti, ricwu titibi wune si ba tu pu wu ani uwae rinae ti byagkwan wu, ikyaen ti, awu nung pu wu baa, usir-wu na ba pu wu kumae.”

Ititatso 18:6

Ni pae na wu pangma ti awu pae na ariki. Ni pae na wu atsepu ifaen, kujwo wande-wu. Iken ti ngwa ti awu fxaen na ni, ni fxaen na wu atsepu ifaen.

Ititatso 6:10

Aba jwub ira te afxenjwin ti ribom baa, “Itsekuru ti skeb titag, ti si itisaen kyag, u si kubenti, isinn ti afu u ba pwen rikwen, u ye ripab anying-ti kujwo ande ti utense, ti tur yaenmbub?”