Ititatso 18:10 - Kutsingken Ira Rimam ti Saen Kyag

¹⁰ Ikyaen ikyenricwu, aba u tsi ti fengo ti rwen ku ri baa, “Kukuuwu, kukuuwu! Afu uka tiyang, afu uka ti kpakang, Babila! Uwae kiye kpang, a twenji-fu!”

Ititatso 18:10 Iomraidhean Croise

Amos 5:16

Ayine si ira Yaweh, Rimam ti si Ukwe Rika, “A u jwub ira yi meme rishen. Yi meme ukur fengo, a u jwub ira baa ‘Ii! Ii.’ A u kunn ande ti ritom ru ba jwub ricwu. Ande ti wande-ba si ira ti jwub, a u yae ba ba jwub ira ti utob ti byir.

Ititatso 11:8

Ama rukom-ba u shag kyife fengo uwae uka tiyang ti a sunn rinyi uten yi baa, Sodom, ti Ejib, uwog ti a kwer Itsekuru-ba atang.

Ititatso 14:8

Atom iki ti fa ti ifaen putsa awu ti kucang, u ku ri baa, “Babila jwunnsi pu wu! Babila uka tiyang mbub si pu wu! Awu unda wu ti kyaefa meme ande utense u nda ba ngwa ambyi itu na amae ti nae-wu ti byag kukwan.”

Ititatso 16:19

Uka tiyang wu kata ambub ita. A twenji tag uka tiyang tiyang ti ta utense patag. Rimam tangsom te uka Babila ti kuko, u nda wu ngwa tag ambyi itu na rinae-wu ikyaen ikentitibi ti awu nde.

Ititatso 17:12

“Ishin rijwe ti afu sae né, si abikwe rijwe ti tso-ba kutxom ukwe-ba khika be. Amaa, a nda ba kuko ti aba te ibye ti ricwu wune ā nae ukwe kiye kpang.

Ititatso 18:18

Kiye ti a sae akyang urwa ti ku tso uwog ti a ku twen wu atang, aba taen ira u ri baa, “Uka iki ta atang ti pangma uka wune a!”

Ititatso 18:19

Aba mbub ibung risu-ba, u jwub ira u ten ri ten, u ku ri baa, “Kukuuwu, kukuuwu, awu uka tiyang ti meme ande ti site ayae, u ku kyang uwae uyinn, kafe ande ti rifunn ikyaen-wu. Uwae kiye pang, meme rifunn-wu ayine twenji tag.”

Ititatso 18:21

Ama atom ti rurob iki ye ra kutxom ti si pangma ricwo tiyang, u sa jwunnsi uwae uyinn, u ri baa, “Ayine si iken ti aba u nde te uka Babila tiyang. Aba u ye ra wu jwunnsi ti ribom, ama ande u nung kyi-ba awu cwucwo be.

Ititatso 18:8

Ikyaen yine, Rimam u yaen rikaen ti tsotso si wu uwae usir kinjo, iticwu, ricwu ti jwub, rimenn. A u twen mbub wu te urwa. Ikyaen ti, Itsekuru-ti Rimam ti pwen wu rikwen yine si Rimam ti kuko.”