Ititatso 17:2 - Kutsingken Ira Rimam ti Saen Kyag

² Unda wune, abikwe ti utense nde iyaen te wu, ande ti utense meme ngwa ku shishaen uwae amae ti nae te unda wu.”

Ititatso 17:2 Iomraidhean Croise

Yohana 2:10

u ri te wu baa, “A ku sa ambyi anam ti tinyang ru ba uwe ti ande ā ngwa. Afu nde rimang u sa ti nyinyang tam-fu tam u ka sa ku ba tine!”

Ititatso 14:8

Atom iki ti fa ti ifaen putsa awu ti kucang, u ku ri baa, “Babila jwunnsi pu wu! Babila uka tiyang mbub si pu wu! Awu unda wu ti kyaefa meme ande utense u nda ba ngwa ambyi itu na amae ti nae-wu ti byag kukwan.”

Ititatso 17:13

Meme-ba site ira ti kab kinjo, u sa ribom-ba ti kuko-ba na ibye ti ricwu wune.

Ititatso 17:17

Rimam sa yi si ba utob ti a na nde iken ti awu ku sha, u ren risu-ba, u sa kuko-ba ana ukwe na ibye titibi wune, se kiye ti ira Rimam a kumunn pu yi.

Ititatso 17:5

A bae rinyi iki kutxuwe-wu, ti unde iki nung-wu imbyi-yi be. Rinyi wu si: babila, uka ti kuko, iya na iyaen meme ti ana iken ti ku txi iyib na utense.

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.

Ititatso 18:23

Aba u nung-ba urwa fitila uwog-fu cwucwo be. Aba u fxen-ba afxenjwin unda ishe ti ubaen-wu uwog-fu cwucwo be. Ti kute ande ti kijab-fu si ande ti site kuko siskeb uwae utense. Uwae iken ti kimbag ti ku fur ayib, afu kyaefa meme ande ti ta utense patag.”

Ititatso 18:3

Ikyaen ti, meme ambukwen ande ngwa pu ba ambyi na amae ti nae-wu ayi. Abikwe ti utense nae pu ba amae te wu. Ande kijab ti utense patag nde rifunn ikyaen ti, awu ku kwae rifunn na iyag-wu shag ba.”

Ititatso 18:9

Abikwe ti utense ti nae amae, u ci rifunn amae yi te wu, aba u pù nae ukunn ricwu kiye ti aba a sae akyang urwa ti ku tso uwog ti a ku twen wu atang.

Ititatso 2:22

Ikyaen yine, ame u nda wu, awu u jwunn kicaeb bebebeb. Ame u nda itaen ti ku nae te wu kafe iken ti ayae, se iken ti aba a kafe isim ta pu ba kujwo wande titibi-wu ayi.

Ititatso 3:10

Afu putsa pu fu ira ti ame ri te fu baa afu na ye utob uwae rikaen. Ikyaen yine, ame u nungkyi fu kiye kumyae ti ku ba risu utense meme.

Ititatso 9:21

Aba ya ande ti wen, ti kisi ti ru, ti amae ti nae ti iyag ti nae, ti riyib ti yib, ta-ba be.