Ititatso 17:14 - Kutsingken Ira Rimam ti Saen Kyag

¹⁴ Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 17:14 Iomraidhean Croise

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 2:47

Ukwe ri te Daniyel baa, “Kubenti, Rimam-fu skeb pu wu apxin, u si Itsekuru ana abikwe. Awu ti ku tatso ande iken ti kitam ikyaen ti, afu fxir tu pu fu imbyi kurwa yine.”

Daniyel 7:21

Ti ame sae, ishin wune tā rika te ande ti saen kyag na Rimam u ci ba rika,

Matiyu 22:14

“Ayi a si ira Kujwokwe Rimam, a kunn ande ko timambe, amaa ande ti a tsitsab kpang.”

Matiyu 25:40

“Ukwe-ba wu ama u cwe baa, ‘Ame ku ri te ni kubenti, ti ani nde iken yine te unde ti yib siskeb uwae ameinja-m abane, ani nde yi te m.’

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Yohana 15:16

I si-yi ani ti tsab m be. Ame ti tsab ni u tom ni atom baa, ani na ru ka waen awaen, awaen ti u tsi kukunn. Ayine si ikyaen ti Itse-m u nda ni iken meme ti ani jwam uwae rinyi-m.

Roma 1:6

Ani fa atang ama, ani ande ti Rimam kunn ni baa, ani na si ana Yesu Kristi.

Roma 8:30

Aba ande ti Rimam tsab ba tsab tsi, awu kunn ba ira ba. Ande ti awu kunn ba ba, awu nda ba kafe ande ti kubenti uwe-wu. Ande ti kafe pu ba ande ti kubenti, awu nda ba rurob.

Roma 8:37

Kubenti, ati ci pu ti rika risu iken yine meme yi uwae wande na unde wu ti ye ure te ti.

1 Korinti 15:24

Isim ayine tiri, usir ti ricwunnkyi ku ba. Uwae usir wu, Yesu u twenji akwe ti ande tiyang ti iken ti site kuko uwae utense wune. Tiri awu u sa Kujwokwe-wu na Itse-wu Rimam.

1 Timoti 6:15

Rimam u tom wu ru ba na ti uwae kiye ti awu sa tsi baa, ayi na pang atang. Ati teb rinyi Rimam ti si ti tinyang, awu kinjo-wu ti ta risu iken meme, awu ti si Ukwe na akwe ti Itsekuru na itsekuru meme.

2 Timoti 2:4

Akyirten ti ku sha ti unde ti uwe-wu na tsen utob te wu, ku cwe-wu ira ti wu sa risu sang fa wande na ande ti ukaen be.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 11:7

Isim ti ande-m ifaen bane a ya mam pu ba iskin ira-m, ibye titibi iki u tsoye uwae kukwae ti itikunntsi-yi ta-yi be. Awu u ta rika te ba, u ci ba rika, u wen ba.

Ititatso 16:14

Ayi si asung titibi ti ku nde iken ti kimbag u ku ru yi uwog abikwe meme ti ta utense, ti a ka kunn byir ba ikyaen ti a na ka ta rika usir tiyang na Rimam ti site kuko patag.

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”