Ititatso 16:18 - Kutsingken Ira Rimam ti Saen Kyag

¹⁸ Ti ritsen imam ku jaen wur wur, ritum ku tum, imam ku taen, utense ama ku kyi ijwe. Ti ti Rimam kyae unde, utense kyi ji-wu ijwe pangma ti awu kyi kiye wune be.

Ititatso 16:18 Iomraidhean Croise

Daniyel 12:1

“Kiye wu Mikayel, unde ti uwe atom ti apupwen ti ku nungkyi ande-fu, u nwunn. Ayi u si kiye rikaen tí ngwa, itso rikaen ti tu ji-yi ande ti ti uten wu bag be. Amaa, kiye wu, ande-fu u tu itinwangru, ko aye ti rinyi-wu baesi uwae kutsingken.

Matiyu 24:21

Ikyaen ti, rikaen uwae kiye wune u skeb tag rikaen ti ande ngwa ti ti Rimam mam utense ru ba ti usir ti yaka ne.

Ititatso 11:13

Uwae kiye wu, utense kyi ijwe u taen punn. Kujwo kyab kinjo uwae rijwe na uka wu mbub si u yata kujwo ikyab itsongnje. Ande kumbub itsongfaen twenji, ikyaen utense ti kyi ijwe. Ikyenricwu ye ande ti tsitsi si-yi ti ti ri be. Ama aba teb rinyi Rimam ti apupwen amam.

Ititatso 11:19

Isim ayine, ufu kusog Rimam ti apupwen mbubta, ama a sae akpati unju ti yer na Rimam tsi uwae atang. Imam ku taen u ku jaen wur wur, utense kyikyá, ama upwen ku ta ibu.

Ititatso 4:5

Imam ku jaen wur wur, ku taen, ritum ku tum uwog kutxomkwe atang. Amunn urwa ka itsongfaen ku cwé piin uwe kutxomkwe wu, ti si Asung Rimam itsongfaen.

Ititatso 6:12

Ama ti Mbae utam wu mbubta kupwa ti a fxifxeb ti fa ti itsongnjo, ame sae, ti m nunung, utense kyi ijwe, riben taen punn punn, usir kafe tibyir kang cwurr, ushaen ama kafe tibyaen pangma anying.

Ititatso 8:5

Cwucwo atom Rimam ti apupwen wune pu urwa risu kuta ti a ku twen iken atang, si munn kuseb wu, u ye jwunnsi uwae utense. Ama imam ku taen, ku jaen wur wur, ritum ku tum, uwog fxaekyi, utense meme kyi ijwe, tang tang tang tang.