Ititatso 16:17 - Kutsingken Ira Rimam ti Saen Kyag

¹⁷ Isim ayine, atom ti itsongfaen yaen ikenti ta uwae kuseb-wu si ufunn, ama afxenjwin ti ribom iki ruye uwog kutxom ukwe uwae kusog Rimam baa, “Ayi nde mam pu yi!”

Ititatso 16:17 Iomraidhean Croise

Yohana 19:30

Kiye ti wu shib ambyi ti fifab yine, awu ri baa, “Wande-m mam pu yi!” Tiri awu fur risu-wu si riben u sa cwu.

Afisa 2:2

Kiye wu, ani ku kyang ikyin uwae fengo titibi na utense ike. Ani ku nae risu riben na awu unde ti uwe asung titibi, awu ti ku nde wande uwae utob na ande ti kpag risu te Rimam ba kwar ti yaka ne.

Afisa 6:12

Rika yi ti ati ku ta ne si-yi rika ti ati ku ta te ande ti site rimenn ijwe ti anying be. Ati ku ta rika te abikwe, ti ande ti kpakang, ti kujwokwe kufub, ti akyirten asung titibi ti ta apupwen.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 11:19

Isim ayine, ufu kusog Rimam ti apupwen mbubta, ama a sae akpati unju ti yer na Rimam tsi uwae atang. Imam ku taen u ku jaen wur wur, utense kyikyá, ama upwen ku ta ibu.

Ititatso 14:15

Tiri atom iki ruye kusog Rimam, u ri ira ti ribom te unde wu ti som tsa kubyi wune baa, “Sa kisim ti wuwob-fu ka bunn wuci, ikyaen ti, kiye wuci ti bunn nde pu yi. Utense ben tag pu wu ti ti bunn.”

Ititatso 14:17

Cwucwo ame nung kyi atom iki ruye kusog Rimam ti apupwen. Awu ama ye su kisim ti wuwob, ti cin timambe.

Ititatso 16:1

Isim ayine, ame fxen afxenjwin ku ri ira ti ribom uwae kusog Rimam. A ri te atom itsongfaen bane baa, “Ni ru ti ni ka yaen rinae Rimam ti ta uwae kuseb itsongfaen yine si utense.”

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.