Ititatso 16:15 - Kutsingken Ira Rimam ti Saen Kyag

¹⁵ “Nung, ame ru ku ba pangma unde ti riyib! Itinyang ā si ana unde ti som ti ujwin u sī arun-wu ti atang, ikyaen ti wu kyang-wu ribam u wae-wu rukwae uwe ande be!”

Ititatso 16:15 Iomraidhean Croise

Itiruye 32:25

Musa nung baa, Aruna na nda ande ba jwe byinn, u kafe pu ba iken akyaen ti skaen uwog ande rika-ba.

Matiyu 25:13

Isim ira yine Yesu ri baa, “Ni som usom ti ujwin ikyaen ti ani nung-ni usir wu ti kiye wu be.

Matiyu 26:41

Ni ya kicwag ti cwag ta ti ni jwam Rimam, be, ani u jwunnsi uwae kumyae. Ame nung pu m baa, kusung-ni cwe, amaa, ijwe-ni jijim.”

Markus 14:38

Ni som ti ujwin. Ni jwam Rimam, be, ani u pu kutxae Shetann. Kubenti, kusung cwe, amaa, ijwe namtur.”

Luka 21:36

Ni tsi ti ujwin ko kiye titini. Ni jwam Rimam ti wu nda ni ribom ijwe ti ni nwangruye uwae iken yine meme ti ku ba, ti ani u ru ba tsi kutxuwe Umbae Unde.”

Wande Atom 20:31

Ikyaen na yine ni som ti ujwin, ti ni tangsom baa, uwae asang ita, ame ku kwen na ni iken usirtaen ti utitang, fa ti ira ti jwub.

2 Korinti 5:3

ikyaen ti kiye ti a burkyi pu ba ati te wu, ande ā nung-ba ati ti ribam be.

1 Tesalonika 5:4

Amaa ana-ni, ameinja, ani ta-ni uwae kufub be. Ayi u nde tu-yi ti usir wu u ba kpugfa ni fa pangma unde ti riyib be.

1 Tesalonika 5:6

Ikyaen yine, ti cwag-ti kicwag pangma ti ariki ku cwag be. Ti som usom ti ujwin, u ye su ijwe-ti nyinyang.

1 Bitrus 4:7

Ricwunnkyi iken meme ko ku yaen pu yi. Ikyaen yine, ni ye su risu-ni, ti ni som ti ujwin, ikyaen ti ni u ndetu ti ni u jwam Rimam ko kiye titini.

2 Bitrus 3:10

Amaa, usir na Itsekuru-ti u ru ba kpugfa ni pangma unde ti riyib. Ti ritum ti tum, apupwen u yafe ru, ama urwa u ye meme iken ti ta apupwen, ayi u yagsur. Utense ama, ti kujwo wande ti a nde uwae-yi meme, a u shaen yi nae ise.

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 3:11

Ame u tsi-m tsi be u ba. Ye su iken ti afu site nyinyang, ti unde iki ā fxaen mbe ra-wu ubur ukwe-fu be.

Ititatso 3:18

“Tine, kumyae-m si ti, afu na jaeb ayib zinariya uwog-m, zinariya ti a fufug te urwa, ikyaen ti fu kafe unde ti rifunn. Jab atupwa ti tsen ti fu pu cwunnkyi ribam-fu, ikyaen ti ande ā sae-ba rukwae-fu be. Jab acin ti fu kam si ayib-fu, ikyaen ti fu sae uwog paenine.