Ititatso 16:14 - Kutsingken Ira Rimam ti Saen Kyag

¹⁴ Ayi si asung titibi ti ku nde iken ti kimbag u ku ru yi uwog abikwe meme ti ta utense, ti a ka kunn byir ba ikyaen ti a na ka ta rika usir tiyang na Rimam ti site kuko patag.

Ititatso 16:14 Iomraidhean Croise

Matiyu 24:14

Usir ti ricwunnkyi u ba-wu be se iken ti a sa ira ti tinyang Rimam ri te tag pu ba ande uwae utense meme. Unde titini u tu riyae u fxen yi, itawe usir ti ricwunnkyi u ba.”

Matiyu 24:24

Ikyaen ti, ande tikong ti ande ti ku ya iskin ira Rimam tikong u nwunn u nde wande ti ku fur ayib ti yang-yi ti a u kyaefa ande, kwer ti ande ti Rimam tsitsab.

Markus 13:22

ikyaen ti, aba Kristi tikong ti ande ti ku ya iski ira Rimam tikong u nwunn u nde iken ti ku fur ayib, ikyaen ti a u kyaefa ande, kwer ti ande ti Rimam tsitsab, asiti a u nde tu.

Luka 2:1

Uwae kiye wune, Ukwe Kaisar Agusita sa icwe ruye baa, ande ti utense meme na ru ba ti ande ti uwe uten na bae rinyi-ba.

Yohana 8:44

Ani si ana itse-ni, awu Ukwe Kukyaefa. Iken ti ani ku sha si iken ti nyang uwae-wu, awu itse-ni. Ti kucang-yi awu si unde ti ku wen ande. Awu ku putsa-wu kubenti ama be. Kiye ti awu a ku yer rifen, ayi si-yi iken tishe be, ayi si wande-wu ti kucang-yi akwen, ikyaen ti, awu ku yer kob rifen. Ira titikong meme ku ru uwog-wu ba.

Roma 1:8

Tawe, ame ku nde fxaefa na Rimam uwae rinyi Yesu Kristi risu-ni meme, ikyaen ti, ko aka uwae utense, ande ku fxen iten uwae kinjo-ni.

2 Tesalonika 2:9

Awu Unde Titibi wune, awu u ba ti kuko na Shetann u nde iken ti ku fur ayib ti tsotso ti wu u kyaefa ande.

1 Timoti 4:1

Kusung ti Saen Kyag ri te ti paenine baa, kiye ti ricwunnkyi, ande iki na u ya ira Rimam ta u sa utob-ba na asung titibi ti ku kyaefa ande. Aba u putsa iken ti kwen ti tikong ti ru uwog asung titibi ba.

Yakubu 3:15

Itso ben-ayib yine sī-yi apupwen ba be, ayi si ana utense, Kusung Rimam ta-yi atang be. Ayi si ana Shetann.

1 Yohana 5:19

Ati nung pu ti baa, ati na ru uwog Rimam ba, utense meme ama na ta kujwo Shetann.

Ititatso 12:9

Awu usang ti ricwu titibi, ti si ikentibi wu ti kute, ti a ku kunn wu baa, ukwe kukyaefa, Shetann, awu ti ku kyaefa ande ti utense, a ye ra wu ti atom ti imbyi-wu meme jwunnsi ba utense.

Ititatso 13:3

Kinjo uwae risu ibye titibi wune mbub ribang bebebeb, amaa, ribang-wu ben ra, ama ayib fur ande ti utense meme ti ku putsa ibye wu.

Ititatso 16:16

Tiri, asung ita yine kunn byir akwe bane uwog iki ti a ku kunn wu ti unju Mbaibrane baa, Armagedon.

Ititatso 16:7

Ame fxen kyi kuta cwe baa, “Itsekuru-m Rimam ti kuko, rikwen-fu, si rikwen ti kubenti.”

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 20:8

Awu u ruye kaa kyaefa ambukwen ande ti ta ikub inje ana utense, aba ti si Gog ti Magog. Awu u kunnbyir ba ikyaen rika ti ta. Ujwunn-ba pangma isa ti tsen ti ta unju uyinn.

Ititatso 3:10

Afu putsa pu fu ira ti ame ri te fu baa afu na ye utob uwae rikaen. Ikyaen yine, ame u nungkyi fu kiye kumyae ti ku ba risu utense meme.

Ititatso 6:17

Ikyaen ti, usir rinae-ba ba pu yi. Aye wu ti u tsi tu?”