Ititatso 16:11 - Kutsingken Ira Rimam ti Saen Kyag

¹¹ Aba txunmbeb Rimam ti ta apupwen ikyaen rikaen, ti ribang mbyìr ti tso kyife ba rimenn. Ko ti iken yine tu ba, aba kafe isim ta-ba kujwo wande titibi-ba be.

Ititatso 16:11 Iomraidhean Croise

Nehemiya 1:4

Ti ame fxen tag ira yine, ame som riben u jwub ira. Ame jwub ira yi uwae usir yang-yi, u tsikunn ti ku cwe unju ku jwam Rimam ti apupwen.

Nehemiya 2:4

Ukwe rang m baa, “Imi ti afu ku sha ti m na nde na fu?” Tiri ame jwam itijwam uwog Rimam ti ta apupwen,

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Jona 1:9

Jona ri te ba baa, “Ame si Mbaibrane. Ame ku fen Yaweh, Rimam ti apupwen, ti kyae uyinn ti riben.”

2 Timoti 3:13

Amaa ande titibi ti ande ti ku ndub ijwe ku kyaefa ande, ikentitibi-ba u ko ku fufa ru fife yi uwe. Aba u kyaefa ande. Ande u ku kyaefa ba ama.

Ititatso 11:13

Uwae kiye wu, utense kyi ijwe u taen punn. Kujwo kyab kinjo uwae rijwe na uka wu mbub si u yata kujwo ikyab itsongnje. Ande kumbub itsongfaen twenji, ikyaen utense ti kyi ijwe. Ikyenricwu ye ande ti tsitsi si-yi ti ti ri be. Ama aba teb rinyi Rimam ti apupwen amam.

Ititatso 16:2

Atom ti kucang ru ka yaen ana-wu ti ta uwae kuseb-wu si utense, ama ribang mbyìr tso kyife rimenn ande bane meme ti site iwaen ibye titibi wune, ti ande ti ku fen apxin ti awu mbye tsi.

Ititatso 16:21

Akóng upwen ti rikem ti rikem jwunnsi ba risu ande, ama aba txunmbeb Rimam ikyaen kubyagkwa rikaen ti aba ta uwae-yi, ikyaen ti, rikaen yi beb, si-yi ti ti ri be.

Ititatso 16:9

Ayam usir fxab ande bane, ama ijwe-ba ku wuwaen. Aba txun mbeb rinyi Rimam ti site kuko risu rikaen titibi ti tsotso yine. Aba kafe isim ta-ba ikentitibi-ba, u nda Rimam kuko be.

Ititatso 2:21

Ame nda wu riyae ti wu na ya ikentitibi-wu ta, amaa, awu shaen-wu ti wu ya iyag ti nae ta.