Ititatso 16:10 - Kutsingken Ira Rimam ti Saen Kyag

¹⁰ Ama atom ti itsong yaen ana-wu si risu kutxom ukwe ibye titibi wu. Kufub sikyi tag kujwokwe-wu. Ande ba ti ta atang kub kujwo anyi ikyaen na rikaen ti aba ku ngwa.

Ititatso 16:10 Iomraidhean Croise

Matiyu 13:42

Awu u pu ba ru ka jwunnsi uwae urwa uwog ti a u jwub ira u kub nger.

Matiyu 13:50

Aba u pu aba ti ku nde ikentitibi jwunnsi uwae urwa uwog ti ande u jwub ira u kub nger.”

Matiyu 22:13

Tiri ukwe ri te apyi-wu baa, ‘Ni yir wu afxen ti ajwo ti ni sa wu jwunnsi uwog ti byitang, uwog ti a u jwub ira u kub nger!’ ”

Matiyu 24:51

Unde ti kununn wu u ba ye wu byinn yer byinn yer u ye wu sang uwog ti ande ti kufur ku sang atang. Uwog atang, ande u jwub ira u kub kujwo anyi.”

Matiyu 8:12

Amaa, ande ti si ti a ú sang Kujwokwe Rimam, a u pu ba jwunn sang uwae kufub uwog ti aba u jwub ira u kub kujwo anyi.”

Luka 13:28

Uwog atang ani u jwub ira u kub kujwo inyi ikyaen ti, ani u nung Ibrahim ti Ishaku ti Yakubu fa ti meme ande ti ya iskin ira Rimam som uwae Kujwokwe Rimam atang, amaa ani u som ti ise.

1 Bitrus 2:17

Ni nda ande meme kuko. Ni ye ure te ande na Rimam meme. Ni kyen Rimam ti ni nda ukwe tiyang kuko.

Ititatso 11:10

Ande ti utense u kam ashwu ti ipam ti pam risu iticwu ande ifaen bane, u kan na atso rinyangwae, ikyaen ti, ande ti ku ya iskin ira Rimam ifaen bane nda ande ti utense rikaen ko pang-ba.

Ititatso 11:2

Amaa, myae rishen ti pakob kusog Rimam fa-fu atang be. Ikyaen ti, a sa wu na pu ba ande ti nung-ba ira Rimam be. Aba u ceb pu uka ti sisaen na Rimam fa afxen ka ishaen mae ifaen asu ifaen.

Ititatso 11:8

Ama rukom-ba u shag kyife fengo uwae uka tiyang ti a sunn rinyi uten yi baa, Sodom, ti Ejib, uwog ti a kwer Itsekuru-ba atang.

Ititatso 17:17

Rimam sa yi si ba utob ti a na nde iken ti awu ku sha, u ren risu-ba, u sa kuko-ba ana ukwe na ibye titibi wune, se kiye ti ira Rimam a kumunn pu yi.

Ititatso 17:9

“Ayine ku sha ben-ayib. Imbyi ira yi ta re: Risu itsongfaen yine, si rikwen itsongfaen, uwog ti unda wu ku som atang.

Ititatso 18:2

Awu ri ira tso ti ribom baa, “Awu mbubsi! Uten Babila tiyang mbubsi pu wu! Babila kafe pu wu uwog ti asung titibi ti mbacwú ku som atang. Meme itso iken ti ku txi iyib, ti akako inung titibi, ti ibye ti rimang, ku som atang.

Ititatso 18:21

Ama atom ti rurob iki ye ra kutxom ti si pangma ricwo tiyang, u sa jwunnsi uwae uyinn, u ri baa, “Ayine si iken ti aba u nde te uka Babila tiyang. Aba u ye ra wu jwunnsi ti ribom, ama ande u nung kyi-ba awu cwucwo be.

Ititatso 18:23

Aba u nung-ba urwa fitila uwog-fu cwucwo be. Aba u fxen-ba afxenjwin unda ishe ti ubaen-wu uwog-fu cwucwo be. Ti kute ande ti kijab-fu si ande ti site kuko siskeb uwae utense. Uwae iken ti kimbag ti ku fur ayib, afu kyaefa meme ande ti ta utense patag.”

Ititatso 8:12

Ti atom ti inje kunn kutumu-wu, a byinn kujwo kyab kinjo na usir ti ana ushaen ti ana atitaen ti nda yi kang mbeb. Ama kufub sikyi kujwo ikyab na usirtaen ti utitang meme.

Ititatso 9:2

Ama ti awu mbub kukwae wu, akyang ku tso tsig tsig tsig, u kang cwurr, pangma akyang kuvum urwa tiyang. Usir ti uwog meme kafe itibyir, ikyaen akyang ti ruye uwae kukwae wu.