Ititatso 15:4 - Kutsingken Ira Rimam ti Saen Kyag

⁴ Itsekuru, Aye wu ti u kyen-wu afu be? Aye wu ti u pyir, u teb-wu riyinn-fu be? Afu amam ti si ti saenkyag. Meme ambukwen ande utense u ba fen fu. Kujwo wande-fu ti kubenti, tso pu yi ijwe-yi paenine.”

Ititatso 15:4 Iomraidhean Croise

Roma 15:9

Cwucwo Yesu ru ba ikyaen ti wu na nda ande ti si-ba Mbayawuda be fengo ti a u nde fxaefa na Rimam ama, ikyaen ayibrisi-wu uwog-ba. Pangma ti a bae uwae Kutsingken Rimam baa, “Ame u nda fu kuko kutampwa ande ti si-ba Mbayawuda be, ame u yang akyang u teb rinyi-fu.”

1 Bitrus 1:16

Ikyaen ti, a bae uwae Kutsingken Rimam baa, “Ni som usom ti sisaen, ikyaen ti, ame si Rimam ti sisaen.”

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 14:7

Awu ri ira ti ribom baa, “Ni kyen ikyenricwu Rimam, ti ni nda wu kuko, ikyaen ti, kiye rikwen-wu ta ajwo. Ni fen Rimam, awu ti mam apupwen ti riben ti uyinn ti ukab meme.”

Ititatso 16:5

Ame fxen atom ti ta risu ambyi ri baa, “Itsekuru-m ti Saen Kyag, afu ti si tine, u si ti kute. Afu nde kubenti uwae rikwén yi ti afu pwen risu ande bane.

Ititatso 16:7

Ame fxen kyi kuta cwe baa, “Itsekuru-m Rimam ti kuko, rikwen-fu, si rikwen ti kubenti.”

Ititatso 19:2

Rikwen-wu si rikwen ti kubenti u pang atang. Awu ye pu wu iyaen wune ti ye utense ndembeb u pwen wu rikwen. Awu ye pu wu upae anying apyi-wu ti unda wune tur yaenmbub.”

Ititatso 19:8

Rimam cwe na wu ti wu na kyae ijwe-wu ti atupwa tishe titsen porr porr.” Atupwa yi si wande ti tinyang na ande na Rimam.

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.

Ititatso 4:8

Iken inje yi ti ku nyang unyang, site asae itsongnjo itsongnjo, u site ayib ti ku shag shag shag shag yine. Usirtaen ti utitang, ayi tsi kunn akyang ti yang baa, “Saenkyag! Saenkyag! Saenkyag! Itsekuru-ti Rimam saen kikyag! Awu ti site kuko patag, ti ta atang tine, u si ti kute, u si ti ku ba uwe!”

Ititatso 6:10

Aba jwub ira te afxenjwin ti ribom baa, “Itsekuru ti skeb titag, ti si itisaen kyag, u si kubenti, isinn ti afu u ba pwen rikwen, u ye ripab anying-ti kujwo ande ti utense, ti tur yaenmbub?”