Ititatso 15:3 - Kutsingken Ira Rimam ti Saen Kyag

³ Aba yang akyang Musa, upyi Rimam, ti akyang Mbae Utam wu. Aba ku yang baa, “Itsekuru-ti Rimam ti skeb titag, wande ajwo-fu si iken ti kuko ti ku fur ayib, ku wub ijwe! Ukwe ambukwen ande meme, fengo-fu si ti kubenti u pang ti ande u putsa atang.

Ititatso 15:3 Iomraidhean Croise

Kucangtsi 17:1

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang,

Nehemiya 9:14

Afu nda ba icwe risu usir ikyinn-fu ti saen kyag. Afu nda upyi-fu Musa unju ti a na putsa meme icwe-fu, ti iken ti kwen-fu.

Daniyel 6:20

Kiye ti awu ba fer rukug itumu ti Daniyel ta atang, awu kunn ira ti ribom baa, “Daniyel, afu ti ku fen Rimam ti site unyang, Rimam-fu ti afu ku fen kob né sa ruye pu wu afu unju itumu a.”

Daniyel 9:11

Meme-ti Isirela nyatsa pu ti icwe-fu, u kafe isim ta pu ti afu, u shaen ti ti u nae risu riben te ira-fu. “Ikyaen yine, kufwag ti afu ta, ti uben ti ben ti upyi-fu Musa bae uwae kutsingken icwe ta risu-ti ikyaen ikentitibi ti ati nde uwe-fu.

Yohana 1:17

Uwog Musa ati tu Icwe Rimam, amaa uwog Yesu Kristi ati tu rinyangwae ti ira ti kubenti.

1 Timoti 1:17

Kuko ti riyinn ā si ana-wu Rimam, awu ti si ukwe ti tsi yiyer, awu ti ku cwu-wu cwu be, awu ti a ku nung-ba wu ti ayib be, awu Rimam kinjo-wu amam. Ayi ā si ahan.

Mbaibrane 3:5

Musa nde meme wande-wu ti utob kinjo uwae kusog Rimam. Awu si umbaefxen Rimam, u ri tso ira risu iken ti u ba nde uwe.

Ititatso 1:8

Itsekuru-ti Rimam ri baa, “Ame ti si itikucang u si itiricwunnkyi.” Awu ti ri ira yine si Rimam ti ta atang tine, u si Rimam ti kute, u si Rimam ti ku ba uwe. Awu si Rimam ti site kuko patag.

Ititatso 11:17

ku ri baa, “Ati ku nde na fu fxaefa, Itsekuru-ti Rimam, ti site kuko patag, Afu Rimam ti si ti tine, u si ti kute, Afu mbe pu fu kuko-fu, u bag pu fu itinae ukwe.

Ititatso 14:3

Aba ku yang kukyang tishe uwe kutxomkwe wu, uwe iken ti ku nyang unyang inje ti uwe ande ndufu ba ti ta atang. Unde iki u kwen tu-wu kukyang wu be, se aba ande kumbub rijwe asu ifaen atsepu rijwe asu ifaen ba ti a jaeb mbe ba uwae utense amam.

Ititatso 14:8

Atom iki ti fa ti ifaen putsa awu ti kucang, u ku ri baa, “Babila jwunnsi pu wu! Babila uka tiyang mbub si pu wu! Awu unda wu ti kyaefa meme ande utense u nda ba ngwa ambyi itu na amae ti nae-wu ti byag kukwan.”

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 19:16

Rimenn arun-wu ti kusa-wu, a bae rinyi atang baa, “Ukwe na akwe, Itsekuru na itsekuru.”

Ititatso 19:2

Rikwen-wu si rikwen ti kubenti u pang atang. Awu ye pu wu iyaen wune ti ye utense ndembeb u pwen wu rikwen. Awu ye pu wu upae anying apyi-wu ti unda wune tur yaenmbub.”

Ititatso 4:8

Iken inje yi ti ku nyang unyang, site asae itsongnjo itsongnjo, u site ayib ti ku shag shag shag shag yine. Usirtaen ti utitang, ayi tsi kunn akyang ti yang baa, “Saenkyag! Saenkyag! Saenkyag! Itsekuru-ti Rimam saen kikyag! Awu ti site kuko patag, ti ta atang tine, u si ti kute, u si ti ku ba uwe!”