Ititatso 15:2 - Kutsingken Ira Rimam ti Saen Kyag

² Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 15:2 Iomraidhean Croise

Matiyu 3:11

Ame ku nde na ni batisma ti ambyi. Ayi ku tatso baa, ani na ya ikentitibi-ni ta pu ni. Unde wu ti ku ba isim-m u ru ba nde na ande batisma ti Kusung Rimam, ti urwa. Awu skeb pu wu ame ti kuko. Ame ko-m ti m u pu ajwo-m ye apwafxen-wu be.

1 Bitrus 1:7

Ayine si ikyaen ti a u tatso paenine baa uwae kinjo-ni na si kubenti. Zinariya ti si iken ti ku ndembembeb, a ku myae yi te urwa. Ti mbwe-yi ama a ku myae uwae kinjo-ni, ti nyangskeb zinariya. Ricwunnkyi-yi, uwae kinjo-ni u shir na ni ititeb, ti rurob ti riyinn, kiye ti Yesu Kristi u ba tso risu-wu.

1 Bitrus 4:12

Ameinja, ayi ā fur-yi ani ayib asiti rikaen titibi a tu ni ti yi myae uwae kinjo-ni myae be. Ayi ā si-yi ira tishe uwog-ni be.

Ititatso 12:11

Ameinja-ti ci pu ba rika risu-wu ti anying Mbae Utam, ti ira ti kubenti ti a ri risu-wu, ikyaen ti, aba cwé iticwu, u sa unyang-ba tika ikyaen Yesu Kristi.

Ititatso 13:1

Isim ayine, ame sae ibye titibi iki tsoye uwae uyinn ba. Awu site ishin rijwe, risu-wu ama si itsongfaen, u site ubur ukwe rijwe risu ishin-wu ayine. Meme risu-wu ayine site rinyi ti ku txun mbeb Rimam.

Ititatso 13:14

Uwae iken yi ti ku fur ayib ti a nda wu nde uwe ibye titibi wu ti kucang, awu kyaefa tag ande meme ti ta utense baa, aba na kyae apxin ti ru ibye ti kucang wune ti a ter wu te kisim rika, amaa, awu cwu-wu be.

Ititatso 13:17

Ayine si ikyaen ti, unde iki ā jaeb-wu iken be, u jaebci-wu be, se ti awu a taen pu wu iwaen yine, ti si rinyi usang ti ricwu wu, numba rinyi-wu.

Ititatso 21:18

A mbye ukoh wu te atxom jaspa. Uwae uka ti kitaen-wu ama, a mbye wu te ayib zinariya ti tsen yag yag pangma kutxom ti ku jaen ku yênn yênn.

Ititatso 4:6

Uwe kutxomkwe wu, iken iki ta atang ti ku jaen wur wur pangma ambyi uyinn, u saen pangma iken ti ku sae uwe. Iken inje ti site unyang som pakob kutxomkwe wu, ayib-yi ku shag shag shag shag, uwe ti isim meme.

Ititatso 5:8

Ti awu mbe kupwa wune, ayi iken inje ti ku nyang unyang, ti ande ndufu rikom asu inje bane, jwunn ikyig uwe Umbae utam wu. Unde titini uwae-ba site kufwà ti kiticwae zinariya ti munn te iken ti ku nung kuyang, ti si itijwam ande Rimam.