Ititatso 15:1 - Kutsingken Ira Rimam ti Saen Kyag

¹ Tiri, ame sae iken iki ti ku fur ayib, ti ku wub ijwe, nde apupwen. Atom Rimam ti apupwen itsongfaen, ye su kujwūnn titibi itsongfaen ti si ti ricwunnkyi. Ayine ti u mam tag rinae na Rimam.

Ititatso 15:1 Iomraidhean Croise

Daniyel 6:27

Awu ku nwangru, ku sa ruye unde. Awu ku nde iken ti ku fur ayib yi apupwen ti utense ike, awu ti nwangruye Daniyel yi unju itumu.”

Ititatso 10:3

ama taen ira pangma ritum itumu. Ti awu taen ira yine, imam itsongfaen taen.

Ititatso 11:14

Iken ti ayae ti ifaen yafe pu wu, tsi tsi ti ita ti ku ba ti uwe.

Ititatso 14:10

awu ama u ngwa kang ambyi itu rinae Rimam ayib-yi, ti a fu-ba yi fu be. Awu u ngwa yi uwae kitu na utob ti ndembeb na Rimam. Meme ande ti a nde iken yine, a u nde ba rikaen uwae kumung urwa ti ku twen uwe atom Rimam ti sisaen, ti uwe Mbae Utam wu.

Ititatso 14:19

Ikyaen ayine, awu atom wu ndab ta kujwo-wu ba utense, u bunn pu awaen ituku anam, u pu jwunnsi uwog ti a ku kam ambyi-yi atang, ti si kukwae rinae Rimam.

Ititatso 16:1

Isim ayine, ame fxen afxenjwin ku ri ira ti ribom uwae kusog Rimam. A ri te atom itsongfaen bane baa, “Ni ru ti ni ka yaen rinae Rimam ti ta uwae kuseb itsongfaen yine si utense.”

Ititatso 17:1

Isim ayine, atom kinjo uwae atom itsongfaen ti ye su kuseb itsongfaen yine, ru ba, u ri te m baa, “Ba ti m tatso fu ititwenji iyaen tiyang wu ti somtsa risu ambyi yang-yi né.

Ititatso 19:15

Kisim wen ti cin isim ti uwe, ru ku ye unju-wu, ti wu u byinn ta ambukwen ande. Awu u nae ukwe risu-ba te ukum ukwe na kiser. Pangma ti a ku ceb, ku kam awaen anam uwae kukúm-ricwo, awu ama u ceb kukúm na rinae na Rimam ti skeb titag.

Ititatso 21:9

Tiri ame nung kinjo uwae atom itsongfaen ti ye su kuseb ti munn te kujwūnn kicaeb titibi ti tsotso itsongfaen. Awu ru ba ri te m baa, “Ba, ti m tso fu unda ishe na Mbae Utam.”

Ititatso 8:13

Tiri ame sae ikwen ti ku pinn apupwen. Ame fxen wu ku kunn ukunn baa, “Kukuuwu! Kukuuwu! Kukuuwu! Ande utense u nde rimang, isim ti atom ita ti tsitsi a kunn kutumu-ba?”

Ititatso 8:2

Ame sae atom Rimam ti apupwen itsongfaen, aba atom ti ku tsi uwe Rimam. A pu atumu itsongfaen na ba.

Ititatso 8:6

Ama atom Rimam ti apupwen itsongfaen aba ti ye su atumu itsongfaen, kyae ijwe-ba tsi ti ujwin ti a u kunn yi.

Ititatso 9:20

Ande ti tsitsi ti kujwūnn titibi yine twenji-yi aba be, kafe isim ta-ba kujwo wande titibi-ba ti a ku nde be. Aba tsikunn itifen apxin zinariya, ti ana azurfa, ti bronzi, ti atxom, ti ituku ti si iken ti ku sae-yi ayib be, ku fxen-yi ira be, u ku kyang-yi ikyin be.