Ititatso 14:8 - Kutsingken Ira Rimam ti Saen Kyag

⁸ Atom iki ti fa ti ifaen putsa awu ti kucang, u ku ri baa, “Babila jwunnsi pu wu! Babila uka tiyang mbub si pu wu! Awu unda wu ti kyaefa meme ande utense u nda ba ngwa ambyi itu na amae ti nae-wu ti byag kukwan.”

Ititatso 14:8 Iomraidhean Croise

Daniyel 4:30

Awu ri te ijwe-wu baa, “Awune si-wu Babila, uten tiyang wu ti ame mbye uwae rurob-m ti wu na si kuru ukwe ti ku tatso riyinn na kujwokwe-m be a.”

Ititatso 11:8

Ama rukom-ba u shag kyife fengo uwae uka tiyang ti a sunn rinyi uten yi baa, Sodom, ti Ejib, uwog ti a kwer Itsekuru-ba atang.

Ititatso 16:19

Uka tiyang wu kata ambub ita. A twenji tag uka tiyang tiyang ti ta utense patag. Rimam tangsom te uka Babila ti kuko, u nda wu ngwa tag ambyi itu na rinae-wu ikyaen ikentitibi ti awu nde.

Ititatso 17:18

“Unda wu ti afu sae, si uka tiyang ti ta risu akwe ti utense.”

Ititatso 19:2

Rikwen-wu si rikwen ti kubenti u pang atang. Awu ye pu wu iyaen wune ti ye utense ndembeb u pwen wu rikwen. Awu ye pu wu upae anying apyi-wu ti unda wune tur yaenmbub.”