Ititatso 14:7 - Kutsingken Ira Rimam ti Saen Kyag

⁷ Awu ri ira ti ribom baa, “Ni kyen ikyenricwu Rimam, ti ni nda wu kuko, ikyaen ti, kiye rikwen-wu ta ajwo. Ni fen Rimam, awu ti mam apupwen ti riben ti uyinn ti ukab meme.”

Ititatso 14:7 Iomraidhean Croise

Kucangtsi 22:12

Atom wu ri baa, “Ya ajwo ta ijwe mbae wune. Nde-fu awu iken iki be. Tine ame nung pu m baa, afu na site ikyenricwu Rimam, ikyaen ti, afu byang-fu ame umbae-fu ti si kum awu amam be.”

Nehemiya 9:6

“Afu ti si Yaweh, afu amam ti si Yaweh. Afu kyae apupwen, ti ujwunn aswer ti ta apupwen. Afu kyae utense ti iken ti ta uwae-yi meme, ti uyinn ti iken ti ta uwae-yi meme. Afu nda ba unyang meme. Atom ti apupwen ti iken ti tsitsi apupwen ku kú riben ku fen fu.

Itiruye 20:11

Ikyaen ti, uwae usir itsongnjo, Yaweh mam apupwen ti riben ti uyinn ti iken ti ta uwae-yi meme. Ama usir ti itsongfaen, awu pu unyang atang. Ikyaen yine Yaweh nde usir wu itinyang u sa wu tsi usir ti sisaen.

Daniyel 8:19

Awu ri baa, “Ame u ri te fu iken ti u ba nde uwe ike kiye rinae Rimam, ikyaen ti, kurwa yi ku ri ira risu kiye ti a sa tsi ti ricwunnkyi.

Matiyu 25:13

Isim ira yine Yesu ri baa, “Ni som usom ti ujwin ikyaen ti ani nung-ni usir wu ti kiye wu be.

Luka 17:18

Imi ti nde itawe kum unde ti rikyen wune kinjo-wu ti kafe ba ku tso Rimam fxaefa-wu?”

Wande Atom 14:15

“Ande-m! Ani nde rimang ku nde iken yine? Ati si ande pangma ani. Ati si-ti apxin be. Ati ba ike ti ti ri te ni Ira Tinyang na Rimam, baa, ani na ya iken ti ukaen yine ta, ti ni ba putsa Rimam ti site unyang, ti kyae apupwen ti riben, ti iyinn, ti iken ti ta uwae-yi meme.

1 Bitrus 4:7

Ricwunnkyi iken meme ko ku yaen pu yi. Ikyaen yine, ni ye su risu-ni, ti ni som ti ujwin, ikyaen ti ni u ndetu ti ni u jwam Rimam ko kiye titini.

Ititatso 11:13

Uwae kiye wu, utense kyi ijwe u taen punn. Kujwo kyab kinjo uwae rijwe na uka wu mbub si u yata kujwo ikyab itsongnje. Ande kumbub itsongfaen twenji, ikyaen utense ti kyi ijwe. Ikyenricwu ye ande ti tsitsi si-yi ti ti ri be. Ama aba teb rinyi Rimam ti apupwen amam.

Ititatso 11:18

Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 15:4

Itsekuru, Aye wu ti u kyen-wu afu be? Aye wu ti u pyir, u teb-wu riyinn-fu be? Afu amam ti si ti saenkyag. Meme ambukwen ande utense u ba fen fu. Kujwo wande-fu ti kubenti, tso pu yi ijwe-yi paenine.”

Ititatso 16:9

Ayam usir fxab ande bane, ama ijwe-ba ku wuwaen. Aba txun mbeb rinyi Rimam ti site kuko risu rikaen titibi ti tsotso yine. Aba kafe isim ta-ba ikentitibi-ba, u nda Rimam kuko be.

Ititatso 18:10

Ikyaen ikyenricwu, aba u tsi ti fengo ti rwen ku ri baa, “Kukuuwu, kukuuwu! Afu uka tiyang, afu uka ti kpakang, Babila! Uwae kiye kpang, a twenji-fu!”

Ititatso 18:17

Uwae kiye kpang, meme rifunn yi twenji.” Meme ande ti uwe na ayae tiyang ti ta uwae uyinn, ti ande ti ta uwae-yi, fa ti ande ti ku jwo ayae, ti ande ti tsitsi ti ku tu itici ti itingwa-ba uwae uyinn, aba tsi rurwen.

Ititatso 18:19

Aba mbub ibung risu-ba, u jwub ira u ten ri ten, u ku ri baa, “Kukuuwu, kukuuwu, awu uka tiyang ti meme ande ti site ayae, u ku kyang uwae uyinn, kafe ande ti rifunn ikyaen-wu. Uwae kiye pang, meme rifunn-wu ayine twenji tag.”

Ititatso 19:5

Tiri afxenjwin ruye kutxomkwe atang ku ri baa, “Ni teb rinyi Rimam, meme-ni apyi-wu, anyisu tinying ti ande ndufu, meme-ni ti ku nda wu rurob.”

Ititatso 4:11

“Rimam Itsekuru-ti, afu pang pu fu ti fu paembe riyinn ti kuko, ti a u nung fu te rurob. Afu ti mam iken meme, ayi si utob-fu nee afu mam yi, ama ayi tsi.”

Ititatso 4:9

Iken ti site unyang yine ku teb Awu ti somtsa kutxomkwe, ti tsi yiyer wune, u ku nda wu kuko ti riyinn ti fxaefa. Ko kiye titini ti aba a ku nde ahan,

Ititatso 8:10

Ama atom ti ita kunn kutumu-wu, kititaen tiyang jwunnsi apupwen ba, u ku cwé piin pangma amunn urwa kakongka. Awu jwunnsi kujwo ikyab iki na unyim, ti isatsub ambyi.