Ititatso 14:6 - Kutsingken Ira Rimam ti Saen Kyag

⁶ Ama ame sae atom iki ku pinn apupwen akwen u ku ru te Ira Tinyang ti tsi kukunn ti wu kaa tsag te ande ti utense. Awu sa ira yi ku ba ikyaen utso ande meme ti kumbub ande meme ti rishi ande meme ti ande ti unju-ba txi txi txi uwae utense.

Ititatso 14:6 Iomraidhean Croise

Kucangtsi 1:6

Ama Rimam ri baa, “Apwa tiyaen ā nae kutampwa ambyi, ti ayi ā kata ambyi ifaen.”

Daniyel 4:1

Ira ti ru uwog ukwe Nebukanezar ba uwog meme ande, ti ambukwen ande, ti unju uten uten ti ta utense ta re. Kujimshwur-ni ā ko ra fufa.

Daniyel 9:21

Jibirilu, unde ti ame sae pu m awu pu pu uwae kurwa kucang, pinn ba tu m kiye iken ti twen ti ureb.

Matiyu 10:27

Ira ti ame ku ri te ni uwae kufub tine, ucwe a fam pu yi, ni ri yi ayib jwunn ande wurr. Meme ira ti ani fxen uwae kitam tine, ni tso usen rukub u sa yi ya iskin atang.

Markus 16:15

Yesu ri te ba baa, “Ni ru ko aka uwae utense, ti ni ya iski ira-m ti tinyang te ande meme.

Roma 16:25

Ti sa kuko na Rimam! Awu site kuko ti wu nda ni tsi ting ting uwae ira-wu. I si ira yine ti ame ku ri te ande kiye ti ame ku tsag te ba ira tinyang risu Yesu Kristi. Ayi si sí ira Rimam ti kubenti ti a sa tam ande uwae asang yang-yi akwen ti wur ru.

Kolosi 1:23

Ayine u nde-yi be, se iken ti ani a tsi kunn ku ru uwae kinjo uwog Yesu Kristi ru ku fife yi uwe uwe. Ni tsi ting ting. Ni kab-ni uwae be. Ni sa uwae tsi risu iken ti ani fxen uwae ira tinyang na Yesu. I si ira tinyang wune ti a sa tsag te ande meme uwae utense, u si sí ira tinyang wune ti ame Bulus kafe pu m upyi-wu.

2 Tesalonika 2:16

Ameinja, ati ku jwam Itsekuru-ti Yesu Kristi risu-ni, ti Itse-ti Rimam ti site ure te ti, ama tatso ti itinyang-wu yi fengo na kpakang utob ti tsikukunn fa te uwae ti tsi risu iken ti tiyang ti ku ba uwe.

Mbaibrane 13:20

Rimam na kujimshwur, awu ti kunn nwunn Itsekuru-ti Yesu uwae iticwu, Rimam ti ku shi iwentam na-wu, uwae anying unju ti yer ti tsi kukunn,

1 Bitrus 1:25

Amaa ira na Itsekuru-ti Rimam u tsi kukunn ru fife yi uwe.” Ayine ti si Ira Tinyang ti a ya iski yi na ni.

Ititatso 10:11

Tiri a ri te m baa, “Afu u kafe ru kang kaa ya iskin risu utso ande yang-ba, ti ambukwen ande yang-ba, ti unju ande txi txi txi, ti abikwe.”

Ititatso 10:7

Amaa, kiye ti atom ti itsongfaen a kunn kutumu-wu, ira ti titam na Rimam u mbubta, pangma ti awu tsag te apyi-wu ti ku ya iskin ira-wu kute.

Ititatso 13:7

Ama a nda wu riyae ti wu na ta rika te ande Rimam, ti wu na ci ba rika. A nda wu kuko risu ande ti utense meme, ti unju ti tsotso ti meme kumbub ande ti utense pab.

Ititatso 3:10

Afu putsa pu fu ira ti ame ri te fu baa afu na ye utob uwae rikaen. Ikyaen yine, ame u nungkyi fu kiye kumyae ti ku ba risu utense meme.

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.

Ititatso 8:13

Tiri ame sae ikwen ti ku pinn apupwen. Ame fxen wu ku kunn ukunn baa, “Kukuuwu! Kukuuwu! Kukuuwu! Ande utense u nde rimang, isim ti atom ita ti tsitsi a kunn kutumu-ba?”