Ititatso 14:5 - Kutsingken Ira Rimam ti Saen Kyag

⁵ A tu ji-ba ira ti rifen unju-ba be, aba site-ba ti riraen be.

Ititatso 14:5 Iomraidhean Croise

Daniyel 6:4

Ikyaen yine, ande ti uwe aba sha fengo ti a u tu Daniyel te riraen yi uwog wande-wu ti a u ri ira titibi risu-wu, amaa, aba tu-ba ira iki ti a u sa kujwo kutsa atang u rimbeb wu be, ikyaen ti, awu si unde ti ku nde wande-wu uwae kubenti ama ande tu-ba awu te riraen iki be.

Matiyu 12:34

Ani anyisu kufwang, ani nde rimang u ri ira ti tinyang, ti utob uwae-ni munn ti ira titibi? Ira titang ti munn uwae utob unde, si si ayi ti awu ku ri tso unju-wu.

Luka 23:4

Tiri Bilatus ri te ande ti uwe ande ti ku fen Rimam ti ande ti tsitsi ti funn atang baa, “Ame tu-m riraen iki uwog unde wune be.”

Yohana 1:47

Ti Yesu nung Nataniyel ru ku ba yi uwog-wu, awu ri ira risu-wu baa, “Ni sae umbae Isirela ti kubenti. Ira ti kong ta-yi uwog-wu be.”

Afisa 5:27

ikyaen ti wu na pu ba ru ba yi uwog-wu pangma unda ishe ti tinyang ti ajib ko riraen iki ta-yi ijwe-wu be.

Kolosi 1:22

Amaa tine awu sa ni ren ure ti ijwe-wu yi fengo na iticwu na Umbae-wu Yesu Kristi. Awu nde ahan ikyaen ti kiye ti ani u ku tsi uwe wu, ani u si ande ti sisaen u si-ni ti riraen be. Unde iki u tu-wu iken iki titibi ti awu u ri risu-ni be.

Mbaibrane 9:14

Amaa, anying na Kristi u nde kang wande ikyaen ti, uwae itindeya Kusung ti Saen Kyag, awu ti si unde ti si-wu te riraen be, sa risu-wu na Rimam, ama jwo ru tag ajwo wande titibi uwae utob-ti ikyaen ti ti u fen tu Rimam ti site unyang.

1 Bitrus 1:19

Ayi si anying na Kristi ti bom kujaeb timambe. Kristi ti si umbae mbawen ti tsaen fufxer u si-wu ti ajib be ti a sa anying-wu jaeb mbe ni atang.

1 Bitrus 2:22

Awu nde ji-wu ikentitibi be. Awu wer-wu rifen usir iki be.

1 Bitrus 3:10

Pangma ti a bae uwae Kutsingken Rimam baa, “Unde ti a ku sha unyang ti rikob, u nung usir ti tinyang yang-yi, awu ā jwin ira ti ri-wu nyinyang, ti ira tikong ā tso-yi unju-wu be.

Yawuda 1:24

Ititeb ā si ana Rimam, awu ti site kuko ti wu nda ni ani u kyen-ni kufxen be, awu ti u ndetu ti wu tae ni kaa tsi uwae riyinn-wu, uwog ti ani u tsen utob u shwu ashwu, ama riraen iki u ta-yi uwog-ni be.