Ititatso 14:4 - Kutsingken Ira Rimam ti Saen Kyag

⁴ Aba si ande ti kam ndembeb-ba ijwe-ba yi anda ti nae be, ti som cwucwe. Ayi si abane ti ku putsa Mbae Utam ko aka ti wu a ku ru meme. A jaeb mbe pu ba ande bane uwae ande ti utense. Aba pangma usen wuci ti a pu na Rimam, u pu na Mbae Utam wu.

Ititatso 14:4 Iomraidhean Croise

Amos 6:1

“Ayae-ni ande ti som yagkaa yi Siyon, ti ani ti ku kab baa, ira iki na u tu-yi ani yi rikwen ti Samariya be. Ani ande tiyang tiyang uwae uten tiyang wune, ti ande ku ba sha itindeya uwog-ni.

Matiyu 19:12

Ikyaen ti, ira munnae munnae ti nde ne arom u mbe-ba anda be. Ariki cwu umbyi ru ti uwae rishwu iya-ba. Ariki ikyaen ti, ande ndembeb ba. Ariki ama ku mbe-ba anda be ikyaen wande na Kujwokwe Rimam ti apupwen. Unde ti a u nde tu, awu ā fxen iken ti kwen yine.”

Matiyu 25:1

“Kujwokwe ti apupwen si pangma anyisu wandab rijwe ti pu fitila-ba kaa kyangte ubaen unda ishe.

Matiyu 8:19

Ama unde iki uwae ande ndufu ti ku kwen na ande icwe ba uwog Yesu u ri te wu baa, “Unde ti uwe, ame u putsa fu ru yi uwog ti afu ku ru yi atang meme.”

Yohana 10:27

Iwen-m ku fxen afxenjwin-m, ame ama nung pu m aba, aba ama ku putsa m.

Yohana 12:26

Unde titini ti awu a baa, awu na u nde na m wande, awu ā putsa m, ikyaen ti, ko aka ti ame a kyang atang, awu umbae kufxen-m te me u ta te atso. Unde titini ti ru ba ku nde na m wande, Itse-m u nda wu kuko.”

Yohana 13:37

Bitrus rang wu baa, “Itsekuru-m, imi ti u nde titawe ame u putsa-m afu tine be? Ame cwe ti m u cwu ikyaen na fu!”

Yohana 8:12

Yesu ri te ande ti kumbub Farisi cwucwo baa, “Ame si uwog ti saen na utense, ko aye ti a putsa m u kyang-wu ikyin uwae kufub be. Ame u nda wu nung uwog paenine, u tu unyang.”

Wande Atom 20:28

Ni som ti ujwin ti ni nungkyi iken ti ti shi ti Kusung ti Saen Kyag nda ni kujwo. Ni si ande ti ku shi ande na Rimam, ti awu sa ba kafe ande-wu ikyaen iticwu na Umbae-wu Yesu.

1 Korinti 16:15

Ani nung pu ni ira risu Stefana, ti ande kununn-wu. Aba si ande ti tawe kyangte ira Rimam uten Akaya. Aba sa utob-ba tsi baa, aba na u ndeya ande na Yesu.

1 Korinti 6:20

a jaeb mbe ni mbe. Ikyaen yine, ni nda Rimam rurob te ijwe-ni.

1 Korinti 7:28

Amaa, ayi si-yi ikentitibi ti unde ti som ripaen u mbe unda be. Asiti unda ti baen-wu unde be a baen urom, ayi ama beb-yi be. Amaa, ni tangsom baa, ande ti mbe anda ti anda ti baen ande u ngwa rikaen ti tsotso yi uwae usom ti som-ba utense ne. Nee iken ti nde, uwog-m, ayi nyangskeb ti unde ú mbe-wu unda be, ikyaen ti awu ú sang-wu uwae rikaen yi be.

2 Korinti 11:2

Ame ku tsinn kitsinn risu-ni pangma ti Rimam ku nde ama. Ikyaen ti, ani pangma mbawandab ti nung-wu urom be u yer unju te nyáng unde ti awu ku sha ti awu u baen amam. Unde wu ti ame ku sha ti ani na baen si Kristi.

Afisa 1:14

Awu Kusung ti Saen Kyag wune, Rimam sa wu sang utob-ti ikyaen ti ti na nungye baa, rifunn ti awu sa tsika ikyaen-ti na ku ba isim, ati na u tu kang kutunn-ti isim kiye ti Rimam a nwangru tag ande ti si ana-wu, u teb rinyi-wu ikyaen kuko-wu.

Afisa 5:27

ikyaen ti wu na pu ba ru ba yi uwog-wu pangma unda ishe ti tinyang ti ajib ko riraen iki ta-yi ijwe-wu be.

1 Timoti 4:3

Ande bane ku kwen na ande baa, ayi na nyang-yi ti unde na mbe unda be. Cwucwo a ku kwen baa, wuci iki na ta atang, ande na ci-ba yi be ko ti Rimam kyae wuci yi ikyaen itici, ama ande ti ru uwae kinjo u nung ira ti kubenti, aba u nde tu ti a ci yi ti fxaefa.

Mbaibrane 12:23

Ani sang pu ni uwae itifunn anyisu rifen Rimam, ti a bae rinyi-ba uwae kutsingken unyang ti apupwen. Ani ba pu ni uwog Rimam, awu ti u pwen ande meme rikwen. Ani sangfa pu ni asung ande ti kubenti, ti Rimam kyae nyang pu utob-ba.

Yakubu 1:18

Ayi si utob-wu Rimam nee awu pu ni súnn utense yi fengo ira-wu ti kubenti, ikyaen ti ti na ta uwe meme iken ti tsitsi ti awu mam.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 21:22

Ame nung-m kusog Rimam uwae uka wune be, ikyaen ti, Rimam Itsekuru-ti ti site kuko patag, ti Mbae Utam, aba ti si kusog wu ti risu-ba.

Ititatso 21:23

Uka wu ku sha-wu uwog ti saen na usir ko ushaen be, ikyaen ti, riyinn na Rimam nda wu saen paenine. Mbae Utam wu ama ti si fitila uka wu.

Ititatso 3:4

Ko ti ayi si ahan, ariki ta uwae uten Sardis kpang, ti pu atupwa-ba kwan mbeb-ba uwae ajib be. Aba u si kutupwa ti tsen u putsa m, ikyaen ti aba pang pu ba ti a u nde ahan.

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.