Ititatso 14:3 - Kutsingken Ira Rimam ti Saen Kyag

³ Aba ku yang kukyang tishe uwe kutxomkwe wu, uwe iken ti ku nyang unyang inje ti uwe ande ndufu ba ti ta atang. Unde iki u kwen tu-wu kukyang wu be, se aba ande kumbub rijwe asu ifaen atsepu rijwe asu ifaen ba ti a jaeb mbe ba uwae utense amam.

Ititatso 14:3 Iomraidhean Croise

1 Korinti 1:18

Uwog na ande ti tu-ba itinwangru be, ira iticwu na Yesu Kristi risu kutuku ti cice si ira ti kuskwab. Amaa, uwog-ti ande ti Rimam nwangru, ati nung baa, ira iticwu na Yesu site kuko na Rimam.

1 Korinti 2:14

Unde ti utob-wu a tsi nyang risu iken ti utense, awu u kyangte tu-wu rinyangwae ti Kusung Rimam ku nda be. Awu u nungye-wu itso iken yine be. Awu ku tang baa, ayi na si iken ti kuskwab, ikyaen ti, itso iken yine, ayi si nyang Kusung Rimam amam ti ku nda unde nungye yi.

Ititatso 14:1

Ama ame sae ti m nunung, Mbae Utam wu tsi tsa risu Rikwèn Siyon, uka ti Urushelima. Ande ti funn atang te wu ka ande kumbub rijwe asu ifaen atsepu rijwe asu ifaen (144,000). Aba si ande ti a bae pu ba rinyi Mbae Utam wu ti rinyi Itse-wu kutxuwe ba.

Ititatso 15:3

Aba yang akyang Musa, upyi Rimam, ti akyang Mbae Utam wu. Aba ku yang baa, “Itsekuru-ti Rimam ti skeb titag, wande ajwo-fu si iken ti kuko ti ku fur ayib, ku wub ijwe! Ukwe ambukwen ande meme, fengo-fu si ti kubenti u pang ti ande u putsa atang.

Ititatso 2:17

“Unde ti a site atong, awu ā fxen ira ti Kusung ti Saen Kyag ku ri te ande Rimam! Unde ti a ci rika, ame u nda wu wuci ti ti tam, fa ti kutxom ti tsen ti a bae rinyi tishe atang, ti unde iki nung-wu rinyi wu be, nyáng unde ti mbe kutxom wu amam.”

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.

Ititatso 7:4

A pwen tatso m ujwunn apyi Rimam ti a kum ba sitami kutxuwe, ti ruye yi kumyaem na Isirela, aba ka ande kumbub rijwe asu ifaen atsepu rijwe asu ifaen (144,000).