Ititatso 14:2 - Kutsingken Ira Rimam ti Saen Kyag

² Ame fxen afxenjwin si apupwen ba ti ritum pangma ambyi ti ku si utae, ti imam ti ku taen. Ayi ru ritum ana ujwunn ande ti ku byinn kufwa.

Ititatso 14:2 Iomraidhean Croise

Itiruye 19:16

Ucwe fam kiskinn ana usir ti ita, imam ku táen ku jaen wur wur. Kubyi ti byi tititang kukyi risu rikwen wu. Ama a fxen kutumu ti a ku kunn ti ribom, ikyenricwu ye meme ande, ijwe-ba ku fu fwer.

Itiruye 20:18

Kiye ti meme ande ba sae imam ti ku táen ku jae wur wur, ti kutumu ti ku kunn, ti akyàng ti yaenkyi risu rikwèn atang, ikyenricwu ye ba, ijwe-ba ku fufwer, ama aba tsi ti fengo ti rwen,

1 Korinti 13:1

Asiti ame a ri tu tag unju ande ti utense meme ko ana atom Rimam ti apupwen, amaa, ame a site-m ure be, ira-m ayi si ukaen pangma kububong ko kyangkóng ti ku ri nyang ira amam.

Ititatso 1:10

Uwae usir Itsekuru, ame ta uwae Kusung ti Saen Kyag. Ame fxen afxenjwin pangma kutumu ti a kunn.

Ititatso 1:15

Afxen-wu ama jaen wur wur pangma kiser ti tibyaen ti a kyae yi ti urwa. Ufxenjwin-wu pangma ritum ambyi ti ku si utae.

Ititatso 11:12

Aba fxen afxenjwin si apupwen ba baa, “Ni tso ba ike!” Ama aba nwunn tso yi apupwen uwae kubyi, ande ti rika-ba ama, ku sae ba.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 15:2

Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 18:22

Babila! Ande u yang-ba akyang ti ikob ti guge ti kufwa ti kutumu uwae-fu cwucwo be. A u tu-ba unde iki ti ku kyae iken uwae-fu cwucwo be. Unde iki u fxen-wu ikya ricwo uwog-fu cwucwo be.

Ititatso 5:8

Ti awu mbe kupwa wune, ayi iken inje ti ku nyang unyang, ti ande ndufu rikom asu inje bane, jwunn ikyig uwe Umbae utam wu. Unde titini uwae-ba site kufwà ti kiticwae zinariya ti munn te iken ti ku nung kuyang, ti si itijwam ande Rimam.

Ititatso 6:1

Cwucwo ame sae Mbae utam wu mbubta kupwa kinjo uwae ayi ti a fxeb, u kum sitami atang itsongfaen yine, ama ame fxen kinjo uwae iken inje ti ku nyang unyang yine, taen ira pangma imam ti ku taen, baa, “Ba!”

Ititatso 8:7

Itikucang kunn ana-wu, ama akóng upwen ti urwa, naafa te anying, yaen si utense. Kujwo kyab iki na utense twen mbub, ya ta ajwo kyab ifaen. Kujwo kyab iki na ituku twen mbub, ya ta ajwo kyab ifaen. Meme irum ti tirisub twen mbub tag.