Ititatso 14:13 - Kutsingken Ira Rimam ti Saen Kyag

¹³ Tiri ame fxen afxenjwin si apupwen ba, ku ri baa, “Bae iken yine: Ti tinyang ā si ana ande ti cwu fengo Itsekuru-ti Rimam.” Kusung ti Saen Kyag cwe baa, “Een, kubenti! Ayi si ahan ara! Aba u pu unyang uwae wande-ba ti ribom, ikyaen ti, kujwo wande-ba u putsa ba.”

Ititatso 14:13 Iomraidhean Croise

Daniyel 12:13

“Amaa, ana-fu Daniyel, ru-fu iken-fu se usir ti ricwunnkyi. Afu u cwu, a u kunn nwunn fu u nda fu kujwojang.”

Matiyu 3:17

Ti a u nunung, afxenjwin si apupwen ba ku ri baa, “Awune si Umbae-m ti riyaen utob-m, ame ku tsen utob te wu.”

Luka 16:25

“Ama Ibrahim ri te wu baa, ‘Uyin-m, tangsom te kiye ti afu som te unyang. Uwae utense Rimam nda tag fu meme iken ti tinyang, ama Lazaru tu itibi. Ama tine awu ku tsen utob-wu ike, afu ama ta uwae rikaen.

Luka 16:9

Yesu ri ama baa, “Ikyaen yine, ame ku ri te ni, ni ye arwan te ande uwae rifunn-ni utense wune, ikyaen ti, kiye ti rifunn yi a ba mam pu yi, a u kyangte ni uwae kununn-ni apupwen.

Roma 14:8

Asiti ati a som ti unyang, ayi si ikyaen Itsekuru-ti. Asiti ati a cwucwu ama, ayi si ikyaen-wu. Ikyaen yine ko ati a som ti unyang ko ati a cwucwu, ati si ana Rimam.

1 Korinti 15:18

Cwucwo ayi ku tso baa, ande ti ta fengo Yesu Kristi kiye ti aba cwu, na twenji pu ba.

1 Korinti 15:20

Amaa, ayi si kubenti ti a kunn nwunn pu ba Kristi uwae iticwu. Awu ti si ti kucang tsi na ande meme ti nwunn uwae iticwu, pangma awaen ti kucang na risaen unde.

1 Korinti 15:58

Ikyaen yine, ameinja-m ti riyaen utob-m, ni tsi ti kubenti, ni yer-ni anying utob be, ni kwab ti ribom-ni meme uwae wande Rimam ko kiye titini, ikyaen ti ani nungye pu ni baa, wande ti ani na ku nde na si-yi ukaen uwog Rimam be.

2 Korinti 5:8

Ikyaen yine, ati ku bom utob. Ayi u nyang skeb uwog-ti ti ti u ya ijwe-ti yine ta u ru ka tu Itsekuru-ti uwae kuru-ti akwen.

Filipi 2:17

Iki be a u wen m pangma ti a ku yer wen iken na Rimam. Asiti aba a nde ahan u sa anying-m yaen si risu kuta na uwae kinjo-ni, ame ku tsen utob u ku kam ashwu te ni tetso.

1 Tesalonika 4:14

Ati ru uwae kinjo baa, Yesu na cwu u kafe ba ti unyang-wu. Ikyaen iken ti awu nde ne, ati ru kubenti baa, usir ti awu na u kafe ba, Rimam u kunn nwunn ande-wu ti cwucwu, aba te wu u putsa atso ru ba.

1 Tesalonika 4:16

Kiye wu, ati u fxen afxenjwin ti ribom ku ya iskin ira yi. Ukwe ande ti atom na Rimam u kunn ira. A u kunn kutumu na Rimam. Ama tiri, Itsekuru-ti Yesu ti risu-wu u si apupwen ba. Aba ande na Kristi ti cwu pu ba ti kucang-yi, aba ti tawe u shwur uwae iticwu.

1 Tesalonika 5:10

Awu cwu ricwu ikyaen ti, ikyaen ti ko asiti ati a tsi user ko ati a cwucwu, ati na te wu ta tetso kiye ti awu a kafe ru ba.

1 Timoti 5:24

Ikentitibi na ande iki nae paenine ahan u ku tso baa, rikwen na yir pu aba ti utense ike, amaa ana ariki titam, se usir ti a ba ku pwen rikwen titawe ayi u ru ba nae ise paenine.

1 Timoti 5:25

Ti mbwe-yi ama, wande ti tinyang tam-yi tam be. Ayi ti a nde pangma ayi na titam, a u sa yi nae ise paenine uwe ike.

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 10:4

Isim ti imam itsongfaen yine taen, ame ku pwen ti m bae ira yi ti ame fxen, ama ame fxen afxenjwin si apupwen ba baa, “Ira ti afu fxen uwae imam itsongfaen ti taen ne, ayi ku cwucwe, bae-fu ayi be.”

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 11:19

Isim ayine, ufu kusog Rimam ti apupwen mbubta, ama a sae akpati unju ti yer na Rimam tsi uwae atang. Imam ku taen u ku jaen wur wur, utense kyikyá, ama upwen ku ta ibu.

Ititatso 16:17

Isim ayine, atom ti itsongfaen yaen ikenti ta uwae kuseb-wu si ufunn, ama afxenjwin ti ribom iki ruye uwog kutxom ukwe uwae kusog Rimam baa, “Ayi nde mam pu yi!”

Ititatso 19:9

Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”

Ititatso 2:1

“Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.

Ititatso 2:7

Unde ti a site atong, awu ā fxen ira ti Kusung ti Saen Kyag ku ri te ande Rimam. “Unde ti a ci rika, ame u cwe ti wu na ci awaen kutuku na unyang ti tsikukunn uwae risaen na Rimam apupwen.”

Ititatso 20:6

Utob ti tsen ti itisaen kyag si ana ande ti fa uwae ti ti nwunn ti tawe yine. Iticwu ti apu-ifaen si-wu te kuko risu-ba be, amaa, aba u si akwen na Rimam ti ana Kristi. Aba te wu u nae ukwe uwae kuru Rimam ka asang kumbub kinjo.

Ititatso 21:5

Awu unde ti somtsa kutxom ukwe ri baa, “Nung, tine ame ku kyae meme iken, tishe.” Awu ri kyi baa, “Bae ira yine, ikyaen ti, ayi si ira ti kubenti, tikong ta-yi atang be.”

Ititatso 22:17

Kusung ti Saen kyag, ti Unda ishe, ri baa, “Ba.” Unde ti a ku fxen ira yine, awu ā cwe baa, “Ba.” Unde ti a ku fxen te unwaen, awu ā ba. Awu a ku sha, awu ā ba mbe ambyi unyang ti a ku jab-ba wu jab be.

Ititatso 6:11

Isim ayine, a nda ko unde titini uwae-ba arun ti titsen, u ri te ba baa, “Ni tsi tum titawe, se iken ti ujwunn arwan wande-ni ti ameinja-ni ti a u wen ba pangma ti a wen ni, a ren pu-yi.”