Ititatso 14:11 - Kutsingken Ira Rimam ti Saen Kyag

¹¹ Urwa ti akyang u fxab ba, u tso tsig tsig tsig yi apupwen, ititsikunn-yi ta-yi be. Unyang ti pu u ta-yi ikyaen na ande bane be. Utitang ti usirtaen aba u tsikunn rikaen ti ngwa, ikyaen ti, aba fen ibye titibi wune, ti apxin ti awu kyae tsi, u yer iwaen na ibye titibi wu rimenn-ba.”

Ititatso 14:11 Iomraidhean Croise

Kucangtsi 19:28

Awu sae ayib si uwe ti Sodom, ti Gomora, ti meme kubxab na Yordan, ama awu sae, u nung akyang ku tso uten atang cwurr pangma urwa ti ku twen kutur.

Itiruye 15:18

Yaweh u nae Ukwe ru fife yi uwe.”

Daniyel 3:6

Unde ti a fen-wu iken wu be, a u ye wu jwunn sang uwae uvum urwa.”

Matiyu 11:28

“Ni ba uwog-m, meme-ni ani ande ti ku ngwa rikaen, ti ani ande ti num pu ni ti usu rikaen-ni ti ti su, ame u nda ni unyang ti pu.

Matiyu 25:41

“Awu a ri mam ira yine, awu u ri te aba ande ti ta kujwo ife-wu baa, ‘Ni ko ru ru uwe-m ike, ani ande ti ku nde iken titibi! Ni ru yi uwog urwa ti tsi kukunn ti Rimam kyae tsiji Shetann ti atom-wu.

Matiyu 25:46

“Ande bane u ru yi kusog urwa ti tsikukunn, ama ande ti som usom ti ti kubenti u ru yi kusog unyang ti tsikukunn.”

Mbaibrane 1:8

Amaa, ana Umbae-wu, awu ri baa, “Kutxom ukwe-fu Rimam, ititsikunn-wu ta-yi be. Ukum kujwokwe-fu si ti kubenti.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 13:12

Awu sa kuko ibye titibi ti kucang, u ku nde wande te yi. Awu nda meme ande ti ta utense fen ibye titibi ti kucang wu ti ribang-wu ben ra pu wu.

Ititatso 13:15

A nda ibye ti ifaen wune riyae ti wu na jwu unyang na sang ruwen apxin wune, ti awu ndetu ti wu ri ira, u wen ande ti ku fen-ba apxin wu be.

Ititatso 13:17

Ayine si ikyaen ti, unde iki ā jaeb-wu iken be, u jaebci-wu be, se ti awu a taen pu wu iwaen yine, ti si rinyi usang ti ricwu wu, numba rinyi-wu.

Ititatso 14:9

Atom iki ti fa ti ita rwae rifab ayi ifaen ti kucang. Awu ku taen ira baa, “Unde ti a fen ibye titibi wune, ti apxin wu ti awu kyae, u yer iwaen-wu kujwo-wu ko kutxuwe-wu,

Ititatso 18:18

Kiye ti a sae akyang urwa ti ku tso uwog ti a ku twen wu atang, aba taen ira u ri baa, “Uka iki ta atang ti pangma uka wune a!”

Ititatso 18:9

Abikwe ti utense ti nae amae, u ci rifunn amae yi te wu, aba u pù nae ukunn ricwu kiye ti aba a sae akyang urwa ti ku tso uwog ti a ku twen wu atang.

Ititatso 19:3

Aba taen kyi ira cwucwo baa, “Haleluya! Akyang urwa ti ku twen ku tso tsig tsig tsig tine, ititsikunn-yi ta-yi be.”

Ititatso 20:10

Ama awu fáen-ra Shetann wu ti kyaefa ba, u ye wu jwunnsi uvum urwa ti ku ten ku jim-wu jim be, uwog ti ibye titibi wune, ti unde ti ku ya iskin ira ti tikong ta atang. Aba u ngwa rikaen atang usirtaen ti utitang, ititsikunn-yi ta-yi be.

Ititatso 22:5

Utitang u ta-wu atang cwucwo be. Aba u sha-ba urwa fitila ko ana usir cwucwo be, ikyaen ti, Itsekuru-ti Rimam ti u si urwa-ba. Aba u som usom ukwe ti ititsikunn-yi ta-yi be.

Ititatso 7:12

u ku ri baa, “Ayi ā si ahan! Itinyang ti riyinn ti ben-ayib ti fxaefa ti rurob ti kuko ti kpakang ā si ana-fu Rimam-ti. A teb rinyi-fu ru fife yi uwe! Ayi ā si ahan.”