Ititatso 13:6 - Kutsingken Ira Rimam ti Saen Kyag

⁶ Awu mbubta unju-wu, ku txunmbeb Rimam, u ku ri unju titibi risu rinyi Rimam fa ti uwog ti som Rimam apupwen, ti aba ti som atang.

Ititatso 13:6 Iomraidhean Croise

Daniyel 11:36

“Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Daniyel 7:25

Awu u rimbeb Rimam ti skeb ti tag, u nde ande-wu ti saen kyag rikaen, ama u kab ti wu kafe kiye ukwab-ba ti icwe-ba. Aba u ta kujwo-wu ka asang ita ti ripye.

Daniyel 7:8

“Ti ame ku kab ira risu ishin yi, ti m nunung ishin tikiyib iki mbug tsoye kutampwa-yi. Isim-yi, a sub ishin ita uwae-yi tsoye ti ipab-yi. Ishin tikiyib wune site ayib pangma ayib unde, ti unju ti ku ri ira uwae ijwe ti ndub.

Matiyu 12:34

Ani anyisu kufwang, ani nde rimang u ri ira ti tinyang, ti utob uwae-ni munn ti ira titibi? Ira titang ti munn uwae utob unde, si si ayi ti awu ku ri tso unju-wu.

Matiyu 15:19

Ikyaen ti, ira ti kab ti ku tso uwae utob unde si ira ti kab titibi, ande ti wen, iyag ti nae, amae ti nae, riyib ti yib, ucwé tikong, rinyi unde ti ti rimbeb.

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Roma 3:13

Unju-ba si kuskab ti tsi rubwen. A ku kyaefa ande te ira tikong ti munn unju-ba. Ira ti ku tso unju-ba si rikàen ukob.

Kolosi 1:19

Ayi nyang uwae Rimam ti awu ti rimunn-wu na u tso ijwe-wu ruye uwog Kristi.

Kolosi 2:9

Ikyaen ti, ayi si uwae Yesu Kristi ti Rimam ti risu-wu ku som si atang uwae utense ike.

Mbaibrane 9:2

A sim kufug u kag ye wu uwae ifaen. Uwae ti tawe, a sa fitila tiyang, ti tebur tsi atang, u pu kubyí ti a ku fen Rimam atang cwutsa risu tebur wu. A kunn rishwu kusog wune baa, Uwog ti ku Cwucwe.

Mbaibrane 9:24

Ufug itifen ti Kristi sang atang si-wu ufug ti ande kyae ti ajwo be. Awu ti ike ru kusog Rimam ti kubenti ti ta apupwen. Uwog ti Kristi sang atang si uwog ti Rimam ta atang apupwen. Tine awu tsi uwe Rimam kutunn unju-ti.

Ititatso 11:12

Aba fxen afxenjwin si apupwen ba baa, “Ni tso ba ike!” Ama aba nwunn tso yi apupwen uwae kubyi, ande ti rika-ba ama, ku sae ba.

Ititatso 12:12

Ikyaen yine, ni kam ashwu ti ipam ti pam, ani atom ti som apupwen, te iken ti ta uwae-yi meme! Amaa ayi u si iken ti ku nde risi uwog utense ti uyinn! Ikyaen ti, ricwu titibi wune si ba tu pu wu ani uwae rinae ti byagkwan wu, ikyaen ti, awu nung pu wu baa, usir-wu na ba pu wu kumae.”

Ititatso 15:5

Isim ayine, ame sae kufug úfunn ti apupwen mbub tita,

Ititatso 18:20

Ni kam ashwu ti ni pam ipam, ani ti ta apupwen, risu ititwenji na uka wune, fa ti ani ande Rimam, ti atom, ti ande ti ku ya iskin ira Rimam. Nung! Rimam yir pu wu rikwen ikyaen iken ti awu nde te ni.

Ititatso 21:3

Cwucwo ame fxen ujwin tiyang ru kutxomkwe ba, ku ri baa, “Nung! Uwog ti som na Rimam ti ande ta tetso. Awu u te ba som tetso. Aba u si ande-wu, awu ama u si Rimam-ba.

Ititatso 4:1

Isim ayine, ame sae, ama ti m nunung, ufu iki mbub tita apupwen! Ame fxen afxenjwin pangma ti ame fxen ti kucang ma kutumu. Awu ri te m baa, “Tso ba ike, ti m tatso fu iken ti u ba nde kang uwe ike.”

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 5:13

Ama ame fxen meme iken ti ku nyang unyang ti ta apupwen ti riben, ti uwae kinjag, ti uyinn, ti meme iken ti ta uwae atang, ku ri baa, “Itinyang, ti kuko, ti rurob, ti riyinn, ti kpakang, ā si ana Awu ti somtsa kutxomkwe ru fife yi uwe.”

Ititatso 7:15

Nee iken ti nde, aba ba tsi uwe kutxomkwe Rimam, ku fen wu usirtaen ti utitang, uwae kusog-wu. Ama Awu ti somtsa kutxomkwe ne u nungkyi ba, u si uwog awùm-ba.

Ititatso 7:9

Isim ayine ame sae ujwunn ande ti funn, ti unde u pwen tu-wu aba be, ti ruye uwae utso ande meme, ti uwae rishi ande meme, ti uten ti ta uwae utense patag ti unju-ba txi txi. Aba tsi uwe kutxomkwe ti uwe Mbae utam wu. Aba si arun titsen u ye su asaen itu ajwo-ba.