Ititatso 13:4 - Kutsingken Ira Rimam ti Saen Kyag

⁴ Patag ande fen usang wune ikyaen ti, awu sa kuko-wu na ibye titibi wune, ama aba fen ibye wune, u ri baa, “Aye wu ti pangma ibye wune? Aye ti u ta tu rika te wu?”

Ititatso 13:4 Iomraidhean Croise

Itiruye 15:11

“Yaweh, aye ti si pangma afu uwae apxin meme? Aye ti te fu pang atso uwae riyinn na itisaenkyag-fu? Uwae kuko-fu, afu ku nde iken ti ku fur ayib.

2 Korinti 4:4

Aba si ande ti ru-ba uwae kinjo be, ikyaen ti, Shetann ukwe utense wune byi kyi pu wu utob-ba, ikyaen ti aba ā nung-ba uwog ti paenine ti ku ba uwog-ba be. Uwog ti saen kyag ne si Ira Tinyang risu Yesu Kristi, awu ti site kuko, ku tso ti itso unde ti Rimam tsi.

2 Tesalonika 2:4

Awu u nwunn, u ndub ijwe, u ta rika te iken meme ti ande ku fen yi, ti iken meme ti ande sa tsi uwe-ba baa, ayi na si Rimam-ba. Awu u ru ka sang kusog Rimam tiyang u som u kunn ijwe-wu baa, awu ti na si Rimam.

Ititatso 12:3

Iken ti ku fur ayib iki gbug nwunn kyi apupwen. Ti m nunung, Usang ti ricwu, ti byaen nwameme, u site risu itsongfaen ti ishin rijwe, u bur ubur ukwe, ba tsi.

Ititatso 12:4

Ukyén-wu shir pu atitaen kujwo kyab kinjo jwunnsi ba yi utense u yata kujwo kyab ita tsi ti atang. Usang ti ricwu titibi wu, tsi uwe unda wu ti ku pwe umbae wune ikyaen ti, kiye ti unda wu a mbae pu wu, awu na u kwerra umbae wu menn si.

Ititatso 13:11

Ama ame nung kyi ibye titibi iki ndub tsoye riben ba. Awu site ishin ifaen pangma umbae iwentam, ku ri ira ti ufxenjwin na usang ti ricwu titibi.

Ititatso 13:15

A nda ibye ti ifaen wune riyae ti wu na jwu unyang na sang ruwen apxin wune, ti awu ndetu ti wu ri ira, u wen ande ti ku fen-ba apxin wu be.

Ititatso 13:2

Ibye wu ti ame sae, ru icwu, afxen-wu pangma ana mbuku, unju-wu ama pangma ana itumu. Ama tiri usang ti ricwu wu, sa ribom-wu, ti kutxom ukwe-wu, ti kuko na utense, na ibye titibi wune.

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 18:18

Kiye ti a sae akyang urwa ti ku tso uwog ti a ku twen wu atang, aba taen ira u ri baa, “Uka iki ta atang ti pangma uka wune a!”

Ititatso 9:20

Ande ti tsitsi ti kujwūnn titibi yine twenji-yi aba be, kafe isim ta-ba kujwo wande titibi-ba ti a ku nde be. Aba tsikunn itifen apxin zinariya, ti ana azurfa, ti bronzi, ti atxom, ti ituku ti si iken ti ku sae-yi ayib be, ku fxen-yi ira be, u ku kyang-yi ikyin be.