Ititatso 13:2 - Kutsingken Ira Rimam ti Saen Kyag

² Ibye wu ti ame sae, ru icwu, afxen-wu pangma ana mbuku, unju-wu ama pangma ana itumu. Ama tiri usang ti ricwu wu, sa ribom-wu, ti kutxom ukwe-wu, ti kuko na utense, na ibye titibi wune.

Ititatso 13:2 Iomraidhean Croise

Amos 3:12

Ira ti Yaweh ri ta re: “Pangma ti unde ti ku shi asinn ku kwab ti wu shir mbe asinn-wu unju ibye anyi, awu tu nyáng afxen ifaen ko ikyab kutong amam, ti bara-yi ama, ande ti Isirela ti som uwae uten ti Samariya u ter nwang ti iken kpang ahan ajwo-ba amam.”

Amos 5:19

Usir wu u si pangma ti unde ku ter icwu, u ka purug itumu. Ko pangma ti awu ku sang yi uwae kusog u ka sa kujwo ta kupwe, ama ikentibi pyer wu ti kujwo.

2 Timoti 4:17

Amaa, Itsekuru te m ta tetso u nda m ribom utob ti m na tsag Ira Tinyang-wu te ande ti si-ba Mbayawuda be, ti meme-ba ā fxen. Rimam nwangru m unju itumu.

1 Bitrus 5:8

Ni tsi ti ujwin! Ikyaen ti, unde ti rika-ni, ukwe kukyaefa, ku paen ritum ku kyang pangma itumu, ku sha unde ti wu ye wen kub.

Ititatso 12:13

Ti usang ti ricwu titibi wune nung baa, a na fur ra wu jwunnsi ba pu ba utense, awu nwunn u rwaetsa unda wu ti mbae umbae ti urom wune.

Ititatso 12:15

Tiri usang wune mbub unju ta, u yaen ambyi ru pangma uyinn, ti ambyi na pang ra unda wu na ru.

Ititatso 12:9

Awu usang ti ricwu titibi, ti si ikentibi wu ti kute, ti a ku kunn wu baa, ukwe kukyaefa, Shetann, awu ti ku kyaefa ande ti utense, a ye ra wu ti atom ti imbyi-wu meme jwunnsi ba utense.

Ititatso 13:12

Awu sa kuko ibye titibi ti kucang, u ku nde wande te yi. Awu nda meme ande ti ta utense fen ibye titibi ti kucang wu ti ribang-wu ben ra pu wu.

Ititatso 13:4

Patag ande fen usang wune ikyaen ti, awu sa kuko-wu na ibye titibi wune, ama aba fen ibye wune, u ri baa, “Aye wu ti pangma ibye wune? Aye ti u ta tu rika te wu?”

Ititatso 16:10

Ama atom ti itsong yaen ana-wu si risu kutxom ukwe ibye titibi wu. Kufub sikyi tag kujwokwe-wu. Ande ba ti ta atang kub kujwo anyi ikyaen na rikaen ti aba ku ngwa.

Ititatso 17:12

“Ishin rijwe ti afu sae né, si abikwe rijwe ti tso-ba kutxom ukwe-ba khika be. Amaa, a nda ba kuko ti aba te ibye ti ricwu wune ā nae ukwe kiye kpang.

Ititatso 19:20

Aba ye ibye titibi-wu fa ti unde wu ti ku ya iskin ira ti tikong, awu ti nde iken ti ku fur ayib uwe ibye titibi, u kyaefa ande ba ti yer iwaen ibye wu, ti ande ti fen apxin yi ti awu kyae. Awu ibye wu ti unde wu ti ku ya iskin ira ti tikong, a ye ba ti user jwunnsi uwae uvum urwa ti ku ten ku jim-yi jim be.

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 20:2

Awu atom wune faén ra usang ti ricwu wu, awu ikentibi ti kute, awu ukwe kukyaefa, Shetann, u cwong wu nae, ka asang kumbub kinjo.