Ititatso 13:17 - Kutsingken Ira Rimam ti Saen Kyag

¹⁷ Ayine si ikyaen ti, unde iki ā jaeb-wu iken be, u jaebci-wu be, se ti awu a taen pu wu iwaen yine, ti si rinyi usang ti ricwu wu, numba rinyi-wu.

Ititatso 13:17 Iomraidhean Croise

Galatiya 6:17

Ira-m ti ricwunnkyi, tsikunn ike ru fe yi uwe, unde iki ā nda-wu ame rikaen cwucwo be, ikyaen ti ayi amimyim ribang ti ta rimenn-m ku tso baa, ame na si upyi na Rimam.

Ititatso 13:16

Cwucwo, awu nda ti meme ande ti rurob ti ande ti rob-ba rob be, ande ti rifunn ti ande ti rikaen, apyi ti ande ti si-ba apyi be, a site iwaen kujwo rici ko kutxuwe-ba.

Ititatso 13:18

Ayine ku sha ben-ayib. Unde ti a site itinungye, awu ā pwen numba ibye wune, ti si numba unde. Numba wu si ukob itsongnjo ti mae ita asu itsongnjo (666).

Ititatso 14:11

Urwa ti akyang u fxab ba, u tso tsig tsig tsig yi apupwen, ititsikunn-yi ta-yi be. Unyang ti pu u ta-yi ikyaen na ande bane be. Utitang ti usirtaen aba u tsikunn rikaen ti ngwa, ikyaen ti, aba fen ibye titibi wune, ti apxin ti awu kyae tsi, u yer iwaen na ibye titibi wu rimenn-ba.”

Ititatso 14:9

Atom iki ti fa ti ita rwae rifab ayi ifaen ti kucang. Awu ku taen ira baa, “Unde ti a fen ibye titibi wune, ti apxin wu ti awu kyae, u yer iwaen-wu kujwo-wu ko kutxuwe-wu,

Ititatso 15:2

Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 17:5

A bae rinyi iki kutxuwe-wu, ti unde iki nung-wu imbyi-yi be. Rinyi wu si: babila, uka ti kuko, iya na iyaen meme ti ana iken ti ku txi iyib na utense.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 22:4

Aba u nung uwe-wu. Rinyi-wu ama u bae kutxuwe-ba.

Ititatso 3:12

Unde ti a ci rika, ame u sa wu sim pangma kufwá uwae kusog Rimam-me. Awu u ruye-wu ye atang be. Ame u bae rinyi Rimam-me rimenn-wu, ti rinyi uka na Rimam-me, ti si Urushelima tishe, ti u sī apupwen uwog Rimam-me ba. Ame u bae rinyi-m ti tishe rimenn-wu ama.”

Ititatso 7:3

u ri te ba baa, “Ni ndembeb-ni utense ti uyinn ti ituku khika be, se ti ati a kum pu ti sitami kutxuwe apyi Rimam-ti titawe.”