Ititatso 13:16 - Kutsingken Ira Rimam ti Saen Kyag

¹⁶ Cwucwo, awu nda ti meme ande ti rurob ti ande ti rob-ba rob be, ande ti rifunn ti ande ti rikaen, apyi ti ande ti si-ba apyi be, a site iwaen kujwo rici ko kutxuwe-ba.

Ititatso 13:16 Iomraidhean Croise

Itiruye 13:9

Itinde na ukwab wune u si pangma iji ti a sa kya fa fu kujwo, ko awaen ti a taen kutxuwe-fu baa, icwe Yaweh na u tsikunn unju-fu, ikyaen ti, yi kuko-wu, awu sa ruye fu uwae Ejib.

Wande Atom 26:22

Amaa, Rimam ndeya m ba ku sang ti yaka ne. Iken ti Musa te ande ti ku ya iskin ira Rimam ti tsitsi ri baa, ayi na u ba nde uwe, si sí ayi ti ame ku ri te ni, ani ande ndufu ti ande ti tsitsi.

1 Korinti 12:13

Meme-ti Mbayawuda ti ande ti si-ba Mbayawuda be, apyi, ti ande ti si-ba apyi be, ati kafe pu ti ijwe kinjo, ama a nde na ti batisma uwae kuko na Kusung Rimam kinjo-wu. Ayi si uwog Kusung Rimam kinjo-wu ti ati ku ngwa.

Galatiya 3:28

Ama yi fengo na itiren te Kristi, ko unde a si urae Mbayawuda ko awu a si urae Helene, ayi si-yi ira iki cwucwo be. Itikata ta-yi be, ko kutampwa apyi ti ande ti som usom ti risu-ba, ko kutampwa arom ti anda. Ikyaen ti, uwae itiren-ni ti Yesu Kristi, meme-ni si itso unde kinjo.

Galatiya 6:17

Ira-m ti ricwunnkyi, tsikunn ike ru fe yi uwe, unde iki ā nda-wu ame rikaen cwucwo be, ikyaen ti ayi amimyim ribang ti ta rimenn-m ku tso baa, ame na si upyi na Rimam.

Afisa 6:8

Ani nung pu ni baa, Itsekuru-ti na u ru ba nda unde titini kujwojang wande ti tinyang ti awu nde. Ko awu a si upyi ko awu a si-wu upyi be, i si iken kinjo.

Kolosi 3:11

Ikyaen na yine, uwog-ni ande ti site utob tishe, itikanta ta-yi kutampwa-ni cwucwo be. Ko unde a si unde ti Yawudiya ko awu a si unde ti ise, ko awu a tsen kutxin, ko awu a tsen-wu be, ko awu a si unde ti rikyen ko unde ti kutur, ko awu a si upyi ko awu a si unde ti ku som usom ti risu-wu, ayi si iken kinjo. Ikyaen ti, Kristi amam ti si iken tiyang. Awu ta uwae-ni meme.

2 Timoti 3:8

Pangma ti Yanes ti Yambires tsi ikub te ira Musa ti kute, ti mbwe-yi ama, abane ku shaen ira ti kubenti. Utob-ba ku tang nyang ira titibi amam. Uwae kinjo-ba si rifen.

Ititatso 11:18

Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 15:2

Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 19:18

Ni ru ba kub ibye rimenn akwe, ti ana ande ti uwe akyirten, ti ibye rimenn akyirten-ba, ti ana kakum, ti ana ande ti ku tso yi tso, fa ti ibye ande meme, apyi ti ande ti si-ba apyi be, ande ti rurob ti ande ti rob-ba rob be.”

Ititatso 19:20

Aba ye ibye titibi-wu fa ti unde wu ti ku ya iskin ira ti tikong, awu ti nde iken ti ku fur ayib uwe ibye titibi, u kyaefa ande ba ti yer iwaen ibye wu, ti ande ti fen apxin yi ti awu kyae. Awu ibye wu ti unde wu ti ku ya iskin ira ti tikong, a ye ba ti user jwunnsi uwae uvum urwa ti ku ten ku jim-yi jim be.

Ititatso 19:5

Tiri afxenjwin ruye kutxomkwe atang ku ri baa, “Ni teb rinyi Rimam, meme-ni apyi-wu, anyisu tinying ti ande ndufu, meme-ni ti ku nda wu rurob.”

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 6:15

Isim yine meme ande ti utense, akwe, ande ti uwe uten, ande ti uwe akyirten, ande ti rifunn, ande ti kuko, apyi ti ande ti si-ba apyi be, a pu atso meme ka tam uwae inya atxom ti uwae uwáe rikwen.

Ititatso 7:3

u ri te ba baa, “Ni ndembeb-ni utense ti uyinn ti ituku khika be, se ti ati a kum pu ti sitami kutxuwe apyi Rimam-ti titawe.”