Ititatso 13:11 - Kutsingken Ira Rimam ti Saen Kyag

¹¹ Ama ame nung kyi ibye titibi iki ndub tsoye riben ba. Awu site ishin ifaen pangma umbae iwentam, ku ri ira ti ufxenjwin na usang ti ricwu titibi.

Ititatso 13:11 Iomraidhean Croise

Daniyel 7:8

“Ti ame ku kab ira risu ishin yi, ti m nunung ishin tikiyib iki mbug tsoye kutampwa-yi. Isim-yi, a sub ishin ita uwae-yi tsoye ti ipab-yi. Ishin tikiyib wune site ayib pangma ayib unde, ti unju ti ku ri ira uwae ijwe ti ndub.

Daniyel 8:3

Ame pu ayib tso ama sae ye Iwentam tishir iki tsi yi unju uyinn wu. Awu site ishin ifaen, meme ishin yi wuwae, amaa, kinjo wae skeb kinjo skeb. Awu ti wae siskeb ne ba tsoye isim.

Matiyu 7:15

“Ni nung nyinyang ti ande ti ku ya iskin ti rifen. Aba ku ru ba uwog-ni pangma iwentam rimenn ijwe ise ike, amaa uwae utob-ba, aba si ibye anyi.

Roma 16:18

Ikyaen ti, abane si-ba apyi na Itsekuru-ti Yesu Kristi be. Aba ku fen iken ti ijwe-ba ku sha. Ira unju-ba nyang ti fxen timambe, amaa, aba ku kyaefa ande ti nung-ba ira iki be.

2 Tesalonika 2:4

Awu u nwunn, u ndub ijwe, u ta rika te iken meme ti ande ku fen yi, ti iken meme ti ande sa tsi uwe-ba baa, ayi na si Rimam-ba. Awu u ru ka sang kusog Rimam tiyang u som u kunn ijwe-wu baa, awu ti na si Rimam.

Ititatso 11:7

Isim ti ande-m ifaen bane a ya mam pu ba iskin ira-m, ibye titibi iki u tsoye uwae kukwae ti itikunntsi-yi ta-yi be. Awu u ta rika te ba, u ci ba rika, u wen ba.

Ititatso 12:17

Ama tiri usang wu tso rinae te unda wu, u pur nwunn ti wu na kaa ta rika te anyisu unda wu ti tsitsi, ti aba ti ye su icwe Rimam, u tsikunn ti ku cwe ira Yesu.

Ititatso 13:1

Isim ayine, ame sae ibye titibi iki tsoye uwae uyinn ba. Awu site ishin rijwe, risu-wu ama si itsongfaen, u site ubur ukwe rijwe risu ishin-wu ayine. Meme risu-wu ayine site rinyi ti ku txun mbeb Rimam.

Ititatso 13:17

Ayine si ikyaen ti, unde iki ā jaeb-wu iken be, u jaebci-wu be, se ti awu a taen pu wu iwaen yine, ti si rinyi usang ti ricwu wu, numba rinyi-wu.

Ititatso 13:4

Patag ande fen usang wune ikyaen ti, awu sa kuko-wu na ibye titibi wune, ama aba fen ibye wune, u ri baa, “Aye wu ti pangma ibye wune? Aye ti u ta tu rika te wu?”

Ititatso 16:13

Ama ame sae asung titibi ita ti pangma arukum. Aba ruye unju usang ti ricwu wu, ti unju ibye titibi wu, ti unju unde ti ku ya iskin ira tikong.

Ititatso 17:6

Ame nung unda wu ngwa ku shishaen te anying ande Rimam, ti anying ande ti a wen ba ikyaen ira Yesu. Kiye ti ame sae wu, tiyinn si m ijwe wabibi.

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.