Ititatso 13:10 - Kutsingken Ira Rimam ti Saen Kyag

¹⁰ Asiti a u ye unde upyi, awu u ru kang usom upyi. Asiti a u wen unde te kisim rika, a u wen kang unde wu te kisim rika ama.” “Ayine si itikunn uwog ande Rimam ti sisaen, ti a ye kang utob u tsi kunn ti ku ru uwae kinjo ru ka furu.”

Ititatso 13:10 Iomraidhean Croise

Matiyu 26:52

Yesu ri te wu baa, “Sa kisim-fu si ti uwae kubur-wu. Unde titini ti a ku nde wande ti kisim, si si kisim ti u ba wen wu usir iki.

Matiyu 7:2

Ikyaen ti, a u pwen ni rikwen ti fengo ti ani pwen ariki, u myae na ni te kitu kumyae ti ani myae na ariki.

Luka 21:19

Asiti ani a yer-ni anying utob be, ani u nwangru.

Kolosi 1:11

Ati ku jwam baa, ani na u tu kpakang ru ye uwae kuko Rimam ti ko skeb tag, ikyaen ti ni tsi ting ting u ye utob uwae ira titibi ti ku tu ni, ama ti ni tsen utob

Mbaibrane 6:12

Ni nde-ni uyáng be, amaa, ni putsa afxen ande ti ru uwae kinjo, u ye utob, u tu kutunn-ba uwae rifunn ti Rimam yer unju risu-yi.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 11:18

Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 14:12

Ayine si itikunn uwog ande Rimam ti sisaen, aba ti ku ye su icwe Rimam u tsi kukunn ti ku ru uwae kinjo uwog Yesu.

Ititatso 16:6

Aba yaenmbub anying ande Rimam, ti ana ande ti ku ya iskin ira-fu Rimam, ikyaen ayine, afu ye anying na ba ti a na ngwa. Ayi si kujwojang ti pang atang.”

Ititatso 17:11

Ana ibye tibyaen wune, ti ku nyang unyang kute, ku nyang-wu tine be, awu ti si ukwe ti itsongta, amaa, awu si sí kinjo uwae itsongfaen yi. Awu ama ku ru ti wu kaa twenji.

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.

Ititatso 2:19

Ame nung pu m itikwab-fu, ti ure ti afu site, u nung pu m uwae kinjo-fu, ti itindeya ti afu ku nde na ariki, ti utob ti ye-fu uwae rikaen. Ame nung itikwab-fu ti tine skeb pu yi itikucang.

Ititatso 2:2

Ame nung pu m itikwab-fu uwae wande, te ti afu tsikunn utob ti ye, te ti afu ku cwe-fu ira ande titibi be, ama u myae nung pu fu aba ti ku kunn ijwe-ba baa, aba na si atom, u nungye pu fu baa, aba na si ande ti tikong.

Ititatso 3:10

Afu putsa pu fu ira ti ame ri te fu baa afu na ye utob uwae rikaen. Ikyaen yine, ame u nungkyi fu kiye kumyae ti ku ba risu utense meme.

Ititatso 3:3

Tine, tangsom te ira ti afu fxen u paembe yi ti kucang. Ye su yi, ti kafe isim ta ikentitibi-fu. Asiti afu a shwu-fu be, ame u ba purug fu pangma unde ti riyib, afu u nung-fu usir ti ame u ba be.