Ititatso 13:1 - Kutsingken Ira Rimam ti Saen Kyag

¹ Isim ayine, ame sae ibye titibi iki tsoye uwae uyinn ba. Awu site ishin rijwe, risu-wu ama si itsongfaen, u site ubur ukwe rijwe risu ishin-wu ayine. Meme risu-wu ayine site rinyi ti ku txun mbeb Rimam.

Ititatso 13:1 Iomraidhean Croise

Daniyel 11:36

“Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Daniyel 2:41

Pangma ti afu sae afxen-wu ti akyikyin afxen-wu, ikyab iki si ikyabser, ikyab iki ama si ariben né, ayine ku tso baa, kujwokwe wu na u ba kata, amaa, awu u site ra kpakang ikyaen ikyabser pangma ti afu sae ikyabser naafa te ariben.

Ititatso 11:7

Isim ti ande-m ifaen bane a ya mam pu ba iskin ira-m, ibye titibi iki u tsoye uwae kukwae ti itikunntsi-yi ta-yi be. Awu u ta rika te ba, u ci ba rika, u wen ba.

Ititatso 12:3

Iken ti ku fur ayib iki gbug nwunn kyi apupwen. Ti m nunung, Usang ti ricwu, ti byaen nwameme, u site risu itsongfaen ti ishin rijwe, u bur ubur ukwe, ba tsi.

Ititatso 13:11

Ama ame nung kyi ibye titibi iki ndub tsoye riben ba. Awu site ishin ifaen pangma umbae iwentam, ku ri ira ti ufxenjwin na usang ti ricwu titibi.

Ititatso 13:14

Uwae iken yi ti ku fur ayib ti a nda wu nde uwe ibye titibi wu ti kucang, awu kyaefa tag ande meme ti ta utense baa, aba na kyae apxin ti ru ibye ti kucang wune ti a ter wu te kisim rika, amaa, awu cwu-wu be.

Ititatso 13:15

A nda ibye ti ifaen wune riyae ti wu na jwu unyang na sang ruwen apxin wune, ti awu ndetu ti wu ri ira, u wen ande ti ku fen-ba apxin wu be.

Ititatso 15:2

Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 16:13

Ama ame sae asung titibi ita ti pangma arukum. Aba ruye unju usang ti ricwu wu, ti unju ibye titibi wu, ti unju unde ti ku ya iskin ira tikong.

Ititatso 17:16

Ishin rijwe ti afu sae, ti ibye titibi wune, aba u sa iyaen wu kukà. Aba u nde wu iyìb, u waen wu ribam. Aba u kub ibye rimenn-wu, u twenmbub wu te urwa.

Ititatso 17:3

Ama uwae Kusung, a ye ra m ru yi kutur khika. Ama ame ka nung unda iki somtsa risu ibye tibyaen iki ti patag ijwe-wu kum asu ti a ku txumbeb Rimam. Ibye wu site risu itsongfaen, ishin-wu ama si rijwe.

Ititatso 17:5

A bae rinyi iki kutxuwe-wu, ti unde iki nung-wu imbyi-yi be. Rinyi wu si: babila, uka ti kuko, iya na iyaen meme ti ana iken ti ku txi iyib na utense.

Ititatso 19:19

Ama ame nung ibye ti ricwu wu, ti abikwe ti utense, fa ti akyirten-ba, pu funn atso ti a u ta rika te unde wu ti somtsa kakum wune, ti akyirten-wu.