Ititatso 12:9 - Kutsingken Ira Rimam ti Saen Kyag

⁹ Awu usang ti ricwu titibi, ti si ikentibi wu ti kute, ti a ku kunn wu baa, ukwe kukyaefa, Shetann, awu ti ku kyaefa ande ti utense, a ye ra wu ti atom ti imbyi-wu meme jwunnsi ba utense.

Ititatso 12:9 Iomraidhean Croise

Kucangtsi 3:1

Uwae ibye kutur ti Yaweh Rimam kyae meme, ikentibi site itsab tí kufur ti skeb titag. Awu rang unda wu baa, “Kubenti ti Rimam fa ni kusen baa, ani na ci-ni awaen ituku iki ufang ike be né?”

Kucangtsi 3:13

Yaweh rang unda wu baa, “Imi ti afu nde ne?” Unda wu ri baa, “Mbaa ikentibi ti kyaefa m, nee ame ci awaen kutuku wu re.”

Matiyu 13:39

Unde ti rika wu ti tso iken yi ama si Shetann. Kiye itibunn ama si ricwunnkyi na utense wune. Ande ti ku bubunn ama si atom Rimam ti apupwen.

Matiyu 24:24

Ikyaen ti, ande tikong ti ande ti ku ya iskin ira Rimam tikong u nwunn u nde wande ti ku fur ayib ti yang-yi ti a u kyaefa ande, kwer ti ande ti Rimam tsitsab.

Matiyu 25:41

“Awu a ri mam ira yine, awu u ri te aba ande ti ta kujwo ife-wu baa, ‘Ni ko ru ru uwe-m ike, ani ande ti ku nde iken titibi! Ni ru yi uwog urwa ti tsi kukunn ti Rimam kyae tsiji Shetann ti atom-wu.

Matiyu 4:1

Isim yine Kusung Rimam sa Yesu ru yi uwog iki uwae kutur khika. Kusung Rimam ti sa wu ru yi atang ti ukwe kukyaefa na ka myae wu kumyae.

Matiyu 4:10

Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”

Matiyu 4:5

Awu Ukwe Kukyaefa nwunn atang u pu Yesu ru yi Uka ti Saen Kyag, Urushelima, u sa wu ru ka tsi tsa risu kusog Rimam tiyang

Matiyu 4:8

Ukwe kukyaefa pu wu nwunn kyi atang cwucwo u tso yi kitaen rikwen iki ti kob timambe u ka tatso tag wu ajwo ukwe utense ti riyinn-yi meme.

Luka 10:18

Yesu ri te ba baa, “Kiye ti ani ku nde wande-ni ame nung Shetann jwunnsi apupwen ku ba pangma imam ti jaen wur.

Luka 13:16

Asiti ani a ku nde itso iken yine, ama unda wune ti si umbae Ibrahim, ti nde ka asang rijwe asu itsongta ne, awu ko-wu ti a nwangru wu Usir ikyinn be a?”

Luka 22:3

Tiri Shetann sang utob Yawuda ti a ku kunn wu baa Iskariyoti, kinjo uwae ande ti putsa Yesu rijwe asu ifaen.

Luka 22:31

“Siman! Naa kutong! Shetann mbe pu wu riyae ti wu skae ni pangma ti unda ku skae ru ifwen uwae ayaen awum.

Luka 8:12

Ayaen awum ti ta ka si fengo si ande ti fxen ira Rimam, amaa Shetann ka ru ba u ba kwerra ira yi ruye uwae utob-ba ikyaen ti, aba na ru-ba kubenti uwae ira yi be, u tu-ba itinwangru be.

Yohana 12:31

Ayine ti si kiye ti a u pwen utense rikwen. Tine a u mbe ra ukwe na utense wune kujwo Shetann, u rwae wu ru ye.

Yohana 14:30

Ame u ri-m ira kuko te ni cwucwo be, ikyaen ti, awu Shetann, awu ti ku nae ukwe uwae utense ne, ru ku ba. Awu site-wu kuko iki risu-m be,

Yohana 16:11

Awu u tatso ba baa, Rimam na u pwen utense wune rikwen ikyaen ti, awu pwen mam pu wu rikwen risu unde wu ti nae ukwe uwae utense wune.

Yohana 8:44

Ani si ana itse-ni, awu Ukwe Kukyaefa. Iken ti ani ku sha si iken ti nyang uwae-wu, awu itse-ni. Ti kucang-yi awu si unde ti ku wen ande. Awu ku putsa-wu kubenti ama be. Kiye ti awu a ku yer rifen, ayi si-yi iken tishe be, ayi si wande-wu ti kucang-yi akwen, ikyaen ti, awu ku yer kob rifen. Ira titikong meme ku ru uwog-wu ba.

Wande Atom 26:18

Afu ti u mbubta ayib-ba u shir ba ruye uwog kufub ba uwog ti sisaen. Afu u nwangru ba uwae kujwo Shetann ba uwog Rimam ikyaen ti wu na ya ta na ba ikentitibi-ba u nda ba kutunn-ba kutampwa ande ti ana-wu ti ku ru uwae kinjo uwog m!’ ”

Wande Atom 5:3

Bitrus ri te wu baa, “Ananiya, afu kyang rimang ya ta ti Shetann sang utob-fu u nda fu yer rifen te Kusung ti Saen Kyag na Rimam? Afu mbe aser risaen-fu ayi u ka aser-yi iki titam.

Roma 16:18

Ikyaen ti, abane si-ba apyi na Itsekuru-ti Yesu Kristi be. Aba ku fen iken ti ijwe-ba ku sha. Ira unju-ba nyang ti fxen timambe, amaa, aba ku kyaefa ande ti nung-ba ira iki be.

Roma 16:20

Itse-ti Rimam ti ku nda ti kujimshwur, awu u tsi-wu tsi be u twenji kuko na Shetann u nda wu nae riben afxen-ni. Itinyang na Itsekuru-ti Yesu Kristi ā te ni som tetso.

2 Korinti 11:14

Ayine si-yi iken ti ku fur ayib uwog-m be, ikyaen ti, Shetann ti risu-wu ku kafe ijwe-wu pangma awu na si atom Rimam ti apupwen ti ku jaen ayib.

2 Korinti 11:3

Ame ku si anying utob baa, ko iki be, unde iki u sa ni kafe ti isim uwae fengo Rimam, u nda ni ya ure ti ani site ikyaen Kristi ta u putsa-ni awu ti utob kinjo cwucwo be, pangma ti awu ikentibi ru itsab u kyaefa Awa.

2 Korinti 12:7

Rimam ku sha-wu ti m na ndub pang-m ijwe risu iken ti ku fur ayib ti awu tatso m be. Ikyaen yine, a tom ra ikajwo ba ter sang m ijwe. Ayi si atom na Shetann ti wu tom ba ti wu na nde m rikaen, ti ayi ā byangkyi m ijwe ti ndub.

2 Korinti 2:11

ikyaen ti Shetann ā ci-wu rika risu-ti be. Ati nung pu ti itsab ti ana-wu.

2 Korinti 4:4

Aba si ande ti ru-ba uwae kinjo be, ikyaen ti, Shetann ukwe utense wune byi kyi pu wu utob-ba, ikyaen ti aba ā nung-ba uwog ti paenine ti ku ba uwog-ba be. Uwog ti saen kyag ne si Ira Tinyang risu Yesu Kristi, awu ti site kuko, ku tso ti itso unde ti Rimam tsi.

Afisa 4:14

Tiri ati u si-ti pangma anyisu tinying cwucwo be. Aba ande ti kyang ku kyaefa ande ti iken ti kwen-ba, pangma ufunn ti ribom ti ku kae kuyae kafe kafe uwae uyinn, itsab-ba ayi u nde fob-yi iken iki uwog-ti cwucwo be.

2 Tesalonika 2:3

Ni cwe-ni ti unde iki ā kyaefa ni be, ko ti fengo ti rimang. Ikyaen ti, ani u nung-ni itiba na usir wu be, se iken ti ande yang akwen u kpag risu te Rimam titawe. Cwucwo, awu unde ti sae ru icwe, awu ti a ye tsika iyen ikyaen urwa ti tsi kukunn, awu u tso risu-wu titawe.

1 Timoti 2:14

Cwucwo, ayi si-yi Adamu ti Shetann tawe kyaefa wu be, ayi si Awa ti jwunnsi u nyatsa icwe Rimam.

2 Timoti 3:13

Amaa ande titibi ti ande ti ku ndub ijwe ku kyaefa ande, ikentitibi-ba u ko ku fufa ru fife yi uwe. Aba u kyaefa ande. Ande u ku kyaefa ba ama.

Mbaibrane 2:14

Ti anyisu Rimam bane si ande ti si anying ti ibye ijwe, awu ti risu-wu ama sa rimenn ijwe unde, ikyaen ti uwae iticwu-wu, awu u twenji Shetann, awu ti site kpakang iticwu,

1 Bitrus 5:8

Ni tsi ti ujwin! Ikyaen ti, unde ti rika-ni, ukwe kukyaefa, ku paen ritum ku kyang pangma itumu, ku sha unde ti wu ye wen kub.

1 Yohana 5:19

Ati nung pu ti baa, ati na ru uwog Rimam ba, utense meme ama na ta kujwo Shetann.

Yawuda 1:9

Mikayel ti si ukwe rika atom Rimam ti apupwen ri-wu itso ira yine be, kiye ti awu te Shetann ku txwa rukom Musa. Awu txun-wu Shetann asu be, awu ri nyáng baa, “Rimam ā byinn fu kimbab.”

Ititatso 12:12

Ikyaen yine, ni kam ashwu ti ipam ti pam, ani atom ti som apupwen, te iken ti ta uwae-yi meme! Amaa ayi u si iken ti ku nde risi uwog utense ti uyinn! Ikyaen ti, ricwu titibi wune si ba tu pu wu ani uwae rinae ti byagkwan wu, ikyaen ti, awu nung pu wu baa, usir-wu na ba pu wu kumae.”

Ititatso 12:3

Iken ti ku fur ayib iki gbug nwunn kyi apupwen. Ti m nunung, Usang ti ricwu, ti byaen nwameme, u site risu itsongfaen ti ishin rijwe, u bur ubur ukwe, ba tsi.

Ititatso 12:7

Isim ayine, rika pu apupwen! Mikayel te atom ti ta imbyi-wu, ta rika ti usang wune ti afaen ti imbyi-wu.

Ititatso 12:8

Aba ta rika ta ta ta, amaa usang wu ti ande-wu ci-ba rika be, ama uwog ti som ta-yi apupwen ikyaen-ba cwucwo be.

Ititatso 13:14

Uwae iken yi ti ku fur ayib ti a nda wu nde uwe ibye titibi wu ti kucang, awu kyaefa tag ande meme ti ta utense baa, aba na kyae apxin ti ru ibye ti kucang wune ti a ter wu te kisim rika, amaa, awu cwu-wu be.

Ititatso 16:14

Ayi si asung titibi ti ku nde iken ti kimbag u ku ru yi uwog abikwe meme ti ta utense, ti a ka kunn byir ba ikyaen ti a na ka ta rika usir tiyang na Rimam ti site kuko patag.

Ititatso 18:2

Awu ri ira tso ti ribom baa, “Awu mbubsi! Uten Babila tiyang mbubsi pu wu! Babila kafe pu wu uwog ti asung titibi ti mbacwú ku som atang. Meme itso iken ti ku txi iyib, ti akako inung titibi, ti ibye ti rimang, ku som atang.

Ititatso 18:23

Aba u nung-ba urwa fitila uwog-fu cwucwo be. Aba u fxen-ba afxenjwin unda ishe ti ubaen-wu uwog-fu cwucwo be. Ti kute ande ti kijab-fu si ande ti site kuko siskeb uwae utense. Uwae iken ti kimbag ti ku fur ayib, afu kyaefa meme ande ti ta utense patag.”

Ititatso 19:20

Aba ye ibye titibi-wu fa ti unde wu ti ku ya iskin ira ti tikong, awu ti nde iken ti ku fur ayib uwe ibye titibi, u kyaefa ande ba ti yer iwaen ibye wu, ti ande ti fen apxin yi ti awu kyae. Awu ibye wu ti unde wu ti ku ya iskin ira ti tikong, a ye ba ti user jwunnsi uwae uvum urwa ti ku ten ku jim-yi jim be.

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 2:24

“Amaa, ani ande ti tsitsi uten Tiyatira, ti putsa-ni iken ti kwen titibi ayine be, u kwen-ni iken ti ariki ku kunn baa, ‘Iken ti rurong na Shetann’ be, ame ku ri te ni, ame u ye isu ti rurob iki su-m ani be.

Ititatso 2:9

Ame nung pu m rikaen ti afu ku ngwa, te ti afu si unde ti rijang. Amaa, kubenti, afu si unde ti rifunn. Ame nung ira ande ti ku txun mbeb Rimam, ama ku kunn ijwe-ba baa, ande Rimam, ira titibi ti aba ku ri risu-fu, ame fxen tag pu m ayi. Ama aba si-ba ande Rimam ti kubenti be. Aba si kusog Shetann.

Ititatso 20:10

Ama awu fáen-ra Shetann wu ti kyaefa ba, u ye wu jwunnsi uvum urwa ti ku ten ku jim-wu jim be, uwog ti ibye titibi wune, ti unde ti ku ya iskin ira ti tikong ta atang. Aba u ngwa rikaen atang usirtaen ti utitang, ititsikunn-yi ta-yi be.

Ititatso 20:8

Awu u ruye kaa kyaefa ambukwen ande ti ta ikub inje ana utense, aba ti si Gog ti Magog. Awu u kunnbyir ba ikyaen rika ti ta. Ujwunn-ba pangma isa ti tsen ti ta unju uyinn.

Ititatso 3:9

Naa atong! Ande ba ti ta kusog Shetann, ti ku kunn ijwe-ba baa, aba na si ande Rimam, amaa, a si-ba ande Rimam be, ku wer rifen, nung, ame u nda ba, aba u ba ku riben uwe-ni, ama u nung baa, ame na ye ure te ni.

Ititatso 9:1

Ti atom ti itsong kunn kutumu-wu, ame sae kititaen iki jwunnsi apupwen ba yi utense. A nda wu iken ufu na kukwae ti itikunntsi-wu ta-yi be.

Ititatso 9:20

Ande ti tsitsi ti kujwūnn titibi yine twenji-yi aba be, kafe isim ta-ba kujwo wande titibi-ba ti a ku nde be. Aba tsikunn itifen apxin zinariya, ti ana azurfa, ti bronzi, ti atxom, ti ituku ti si iken ti ku sae-yi ayib be, ku fxen-yi ira be, u ku kyang-yi ikyin be.