Ititatso 12:7 - Kutsingken Ira Rimam ti Saen Kyag

⁷ Isim ayine, rika pu apupwen! Mikayel te atom ti ta imbyi-wu, ta rika ti usang wune ti afaen ti imbyi-wu.

Ititatso 12:7 Iomraidhean Croise

Daniyel 10:13

Kiye ti ame si ku ba, ukwe na kujwokwe Pasiya kwab ukwab te m ka usir rikom asu kinjo, amaa, Mikayel, kinjo uwae atom ti uwe atom ti apupwen si ba ndeya m ikyaen ti, ame amam ti fa abikwe na Pasiya.

Daniyel 10:21

Amaa, ame u ri te fu ira ti a bae uwae kutsingken ti kubenti. Unde iki ta-wu ti u ndeya m be, si nyang Mikayel atom ti ku nungkyi anyisu Isirela amam.

Daniyel 12:1

“Kiye wu Mikayel, unde ti uwe atom ti apupwen ti ku nungkyi ande-fu, u nwunn. Ayi u si kiye rikaen tí ngwa, itso rikaen ti tu ji-yi ande ti ti uten wu bag be. Amaa, kiye wu, ande-fu u tu itinwangru, ko aye ti rinyi-wu baesi uwae kutsingken.

Matiyu 13:41

Umbae Rimam u tom atom-wu ti apupwen kyang kyi fe uwae Kujwokwe-wu, ama aba u byir tag ande ti ku nda ni nde ikentitibi ti ande ti ku nde wande titibi meme.

Matiyu 16:27

I kyang ku yaen pu yi ti Umbae Unde u ru ba uwae kuko ti riyinn na Itse-wu. Atom Rimam ti apupwen te wu u ba tetso. Awu a ba pu wu, awu u ba pae unde titini kujwofwa wande ti awu nde.

Matiyu 24:31

A u kunn kutumu ti ribom, ama awu u tom atom-wu ti apupwen kaá byir tag ande Rimam ti awu tsab tsi uwae utense meme.”

Matiyu 25:41

“Awu a ri mam ira yine, awu u ri te aba ande ti ta kujwo ife-wu baa, ‘Ni ko ru ru uwe-m ike, ani ande ti ku nde iken titibi! Ni ru yi uwog urwa ti tsi kukunn ti Rimam kyae tsiji Shetann ti atom-wu.

Matiyu 26:53

Afu ku tang baa, ame na nde nunum ti m na u jwam itindeya uwog Itse-m Rimam a. Á baa, ame na jwam wu, awu ú tom ande ti rika ti apupwen kumbub rijwe asu ifaen ti a ba ndeya m.

2 Korinti 12:7

Rimam ku sha-wu ti m na ndub pang-m ijwe risu iken ti ku fur ayib ti awu tatso m be. Ikyaen yine, a tom ra ikajwo ba ter sang m ijwe. Ayi si atom na Shetann ti wu tom ba ti wu na nde m rikaen, ti ayi ā byangkyi m ijwe ti ndub.

Afisa 6:12

Rika yi ti ati ku ta ne si-yi rika ti ati ku ta te ande ti site rimenn ijwe ti anying be. Ati ku ta rika te abikwe, ti ande ti kpakang, ti kujwokwe kufub, ti akyirten asung titibi ti ta apupwen.

2 Tesalonika 1:7

Ama ani ande ti ta uwae rikaen tine, ti ati ama, awu u nda ti unyang ti pu usir ti Itsekuru-ti Yesu u ba tso risu-wu. Awu te atom Rimam ti apupwen u si ba tetso

Mbaibrane 2:10

Rimam ti mam meme iken, u ye su yi, tsab sa ti wu nda anyisu-wu yang-ba riyinn. Ama ayi pang atang ti awu tom Yesu ba ngwa rikaen, ikyaen ti, yi fengo wune, awu unde ti nda ba nwangru, u si kang unde ti uwe-ba ti kumumunn.

2 Bitrus 2:4

Rimam ya atom ti apupwen ti nde ikentitibi ta-wu be, u pu ba jwunn sang uvum urwa, u cwong ba afxen te ajwo som uwae kufub, som ku ji usir na rikwen.

Yawuda 1:9

Mikayel ti si ukwe rika atom Rimam ti apupwen ri-wu itso ira yine be, kiye ti awu te Shetann ku txwa rukom Musa. Awu txun-wu Shetann asu be, awu ri nyáng baa, “Rimam ā byinn fu kimbab.”

Ititatso 12:8

Aba ta rika ta ta ta, amaa usang wu ti ande-wu ci-ba rika be, ama uwog ti som ta-yi apupwen ikyaen-ba cwucwo be.

Ititatso 12:9

Awu usang ti ricwu titibi, ti si ikentibi wu ti kute, ti a ku kunn wu baa, ukwe kukyaefa, Shetann, awu ti ku kyaefa ande ti utense, a ye ra wu ti atom ti imbyi-wu meme jwunnsi ba utense.

Ititatso 13:7

Ama a nda wu riyae ti wu na ta rika te ande Rimam, ti wu na ci ba rika. A nda wu kuko risu ande ti utense meme, ti unju ti tsotso ti meme kumbub ande ti utense pab.

Ititatso 20:2

Awu atom wune faén ra usang ti ricwu wu, awu ikentibi ti kute, awu ukwe kukyaefa, Shetann, u cwong wu nae, ka asang kumbub kinjo.