Ititatso 12:17 - Kutsingken Ira Rimam ti Saen Kyag

¹⁷ Ama tiri usang wu tso rinae te unda wu, u pur nwunn ti wu na kaa ta rika te anyisu unda wu ti tsitsi, ti aba ti ye su icwe Rimam, u tsikunn ti ku cwe ira Yesu.

Ititatso 12:17 Iomraidhean Croise

Kucangtsi 3:15

Ame u sa kuka tsi kutampwa-fu, ti unda wu, kutampwa utso-fu, ti utso unda wu. Afu u pye wu ti ukyig kufxen, awu ama u jwog mbub risu-fu.”

Daniyel 11:36

“Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

Yohana 8:44

Ani si ana itse-ni, awu Ukwe Kukyaefa. Iken ti ani ku sha si iken ti nyang uwae-wu, awu itse-ni. Ti kucang-yi awu si unde ti ku wen ande. Awu ku putsa-wu kubenti ama be. Kiye ti awu a ku yer rifen, ayi si-yi iken tishe be, ayi si wande-wu ti kucang-yi akwen, ikyaen ti, awu ku yer kob rifen. Ira titikong meme ku ru uwog-wu ba.

1 Korinti 2:1

Ameinja-m, kiye ti ame ka uwog-ni ti ame u ri te ni ira ti kitam ti Rimam mbubta na m, ame ri-m ira yi ti unju ti tsab ko ben-ayib ti ana-m be.

1 Bitrus 5:8

Ni tsi ti ujwin! Ikyaen ti, unde ti rika-ni, ukwe kukyaefa, ku paen ritum ku kyang pangma itumu, ku sha unde ti wu ye wen kub.

1 Yohana 2:3

Iken ti u tso paenine baa, ati na nung Rimam si ti ati a ku ye su Icwe-wu.

1 Yohana 5:10

Unde ti a ru uwae kinjo uwog Umbae Rimam, awu site ira yine uwae utob-wu. Unde ti a ru-wu uwae kinjo uwog Rimam be, awu sa Rimam kafe Rimam ti rifen, ikyaen ti, awu ru-wu uwae kinjo risu ira ti Rimam ri risu Umbae-wu be.

1 Yohana 5:2

Fengo ti ati u nung baa, ati na site ure te anyisu Rimam si ti, ati a site ure te Rimam, u ku putsa icwe-wu.

Ititatso 1:2

Yohana ama tsag tag meme iken ti awu sae te ayib-wu, u ri tan ira na Rimam fa ti ira ti kubenti ti Yesu Kristi ri.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 11:7

Isim ti ande-m ifaen bane a ya mam pu ba iskin ira-m, ibye titibi iki u tsoye uwae kukwae ti itikunntsi-yi ta-yi be. Awu u ta rika te ba, u ci ba rika, u wen ba.

Ititatso 12:16

Amaa, riben ndeya unda wune, u taen ta, u ngwa wam ra ambyi ti ruye unju usang wune.

Ititatso 13:7

Ama a nda wu riyae ti wu na ta rika te ande Rimam, ti wu na ci ba rika. A nda wu kuko risu ande ti utense meme, ti unju ti tsotso ti meme kumbub ande ti utense pab.

Ititatso 14:12

Ayine si itikunn uwog ande Rimam ti sisaen, aba ti ku ye su icwe Rimam u tsi kukunn ti ku ru uwae kinjo uwog Yesu.

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 17:6

Ame nung unda wu ngwa ku shishaen te anying ande Rimam, ti anying ande ti a wen ba ikyaen ira Yesu. Kiye ti ame sae wu, tiyinn si m ijwe wabibi.

Ititatso 18:20

Ni kam ashwu ti ni pam ipam, ani ti ta apupwen, risu ititwenji na uka wune, fa ti ani ande Rimam, ti atom, ti ande ti ku ya iskin ira Rimam. Nung! Rimam yir pu wu rikwen ikyaen iken ti awu nde te ni.

Ititatso 19:10

Ame jwunn ikyig uwe-wu, ti m na fen wu, amaa, awu ri te m baa, “Ya ta! Fen-fu ame be, ame ama si sí upyi pangma afu, u si kinjo uwae ameinja-fu meme ti ku putsa ira ti kubenti ti Yesu ri. Fen Rimam.” Ikyaen ti, ira Yesu ku nda ande ya iskin ira Rimam ti kpakang.

Ititatso 19:19

Ama ame nung ibye ti ricwu wu, ti abikwe ti utense, fa ti akyirten-ba, pu funn atso ti a u ta rika te unde wu ti somtsa kakum wune, ti akyirten-wu.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 22:14

Itinyang ā si ana ande ti jwo arun-ba sisaen. Aba u tu kuko ti a u putsa ufu sang ka uwae uka, u ci awaen kutuku na unyang.

Ititatso 6:9

Ama ti Mbae utam wu mbubta kupwa ti a fxeb ti fa ti itsong, ame sae kuta itifen Rimam tsi, ama imbyi-yi, ame nung unyang ande ti a wen ba ikyaen ira Rimam, ti ira risu Rimam ti a ri.