Ititatso 12:1 - Kutsingken Ira Rimam ti Saen Kyag

¹ Isim ayine, iken ti ku fur ayib gbug nwunn apupwen. Unda iki tsi atang. Kutupwa ti si-wu si usir, ama ushaen ta askab kufxen wu. Awu bur ubur ukwe ti site atitaen rijwe asu ifaen.

Ititatso 12:1 Iomraidhean Croise

Matiyu 12:38

Ariki uwae ande ti ku kwen na ande icwe Rimam, ti ariki uwae ande ti kumbub Farisi tu wu. Aba ri baa, “Unde ti uwe, ati ku sha ti fu na nde na ti iken ti ku tso kuko na Rimam.”

Matiyu 24:30

Isim yine ani u nung iken iki yi apupwen ti u tatso itiba Umbae Unde. Ande ti utense meme u jwub ira u sae Umbae Unde ku ba uwae abyi ti apupwen. Awu u ba ti kuko ti riyinn.

Markus 13:25

Atitaen ti ta apupwen ama u jwunnsi ba yi riben. Iken ti site kuko ti apupwen ama meme u kyi ijwe.

Luka 21:11

Utense u kyi ijwe kyi fe uwog meme. Rimenn u pu uten ti tsotso. Acaeb u munn kyi uwog meme. Ani u nung iken apupwen ti u nda ande ikyenricwu ti iken ti u tso kuko Rimam ti ande nung-ba usir iki be.

Luka 21:25

“Kiye wu usir, ti ushaen, ti atitaen ti ta apupwen u tso iken ti ku fur ayib ti tsotso. Ikyenricwu u ye ambukwen ande utense. Ira ti kab-ba u shag faa ikyaen ambyi uyinn ti u kyeb tso ba mbub shag, ku túm ka ikyae ne ba ikyae ne.

Yohana 3:29

Uwog ukwab unda ishe, ayi si ubaen unda ishe ti ku mbe unda ishe wu. Urwan ubaen unda ishe tsi te wu atang u ku fxen wu amam. Awu ku tsen utob kiye ti awu a ku fxen afxenjwin ubaen unda ishe wu. Utob ti tsen yine si ana-m tine. Ijwe-m si fa pu yi.

Wande Atom 2:19

Ame u nde iken ti ku tso kuko Rimam apupwen. Riben ama, ani u nung iken ti ku tso kuko na Rimam. Ani u nung anying, ti urwa, ti akyang.

Roma 13:14

Atupwa rika-ni ā si Itsekuru-ti Yesu Kristi, ti ni munnji te ira ti kab-ni ti kucang ti ku sha nyáng iken na risu-ni amam.

Roma 3:22

Tine, ati u tu usom ti kpang atang uwe Rimam yi fengo na uwae kinjo uwog Yesu Kristi. Fengo yi si kinjo ikyaen meme ande ti ru kubenti. Rimam kata-wu ande ta be.

2 Korinti 11:2

Ame ku tsinn kitsinn risu-ni pangma ti Rimam ku nde ama. Ikyaen ti, ani pangma mbawandab ti nung-wu urom be u yer unju te nyáng unde ti awu ku sha ti awu u baen amam. Unde wu ti ame ku sha ti ani na baen si Kristi.

Galatiya 3:27

Ikyaen ti, a pu meme-ni ren te Kristi uwae batisma ti a nde na ni. Tine Kristi bur kyi ni pangma atupwa ti ani pu si ijwe-ni.

Galatiya 4:26

Amaa, Urushelima ti si ana apupwen ta-wu uwae apyi be. Awu ti si iya-ti Saratu.

Galatiya 6:14

Ana-m, ame u ndub-m ijwe risu iken iki be, ame u pam ipam risu iken kinjo amam, ayi si iticwu na Itsekuru-ti Yesu Kristi risu kutuku ti cice. Yi fengo na iticwu-wu ayine, iken na utense kafe pu yi iken ti cwucwu uwog-m. Ame si pangma iken ti cwucwu uwog-yi ama! Ayi ku taen-yi ame ayib cwucwo be.

Afisa 5:32

Iken ti kwen ti jijang ta uwae ira yine. Ame tang baa, ira yine ta risu Kristi ti ande ti putsa ira-wu. Aba ti si uwa-wu.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 11:19

Isim ayine, ufu kusog Rimam ti apupwen mbubta, ama a sae akpati unju ti yer na Rimam tsi uwae atang. Imam ku taen u ku jaen wur wur, utense kyikyá, ama upwen ku ta ibu.

Ititatso 12:3

Iken ti ku fur ayib iki gbug nwunn kyi apupwen. Ti m nunung, Usang ti ricwu, ti byaen nwameme, u site risu itsongfaen ti ishin rijwe, u bur ubur ukwe, ba tsi.

Ititatso 15:1

Tiri, ame sae iken iki ti ku fur ayib, ti ku wub ijwe, nde apupwen. Atom Rimam ti apupwen itsongfaen, ye su kujwūnn titibi itsongfaen ti si ti ricwunnkyi. Ayine ti u mam tag rinae na Rimam.

Ititatso 21:14

Atxom ti a tā imbyi kupwe wu te yi, ka rijwe asu ifaen, ama a bae rinyi atugbug Mbae Utam rijwe asu ifaen ijwe-yi.

Ititatso 21:23

Uka wu ku sha-wu uwog ti saen na usir ko ushaen be, ikyaen ti, riyinn na Rimam nda wu saen paenine. Mbae Utam wu ama ti si fitila uka wu.