Ititatso 11:7 - Kutsingken Ira Rimam ti Saen Kyag

⁷ Isim ti ande-m ifaen bane a ya mam pu ba iskin ira-m, ibye titibi iki u tsoye uwae kukwae ti itikunntsi-yi ta-yi be. Awu u ta rika te ba, u ci ba rika, u wen ba.

Ititatso 11:7 Iomraidhean Croise

Daniyel 7:25

Awu u rimbeb Rimam ti skeb ti tag, u nde ande-wu ti saen kyag rikaen, ama u kab ti wu kafe kiye ukwab-ba ti icwe-ba. Aba u ta kujwo-wu ka asang ita ti ripye.

Luka 13:32

Yesu ri te ba baa, “Ni ru ka ri te ujwong wune baa, ame ku jim acaeb ande yaka ne. Ucwe ame u ku jae rijwen titibi ruye ande. Se utsowen titawe ame u nde tag wande-m.

Luka 8:31

Aba jwam Yesu baa, awu na jae ba ruye-wu uwae unde wu be.

Yohana 17:4

Uwae utense wune, ame tatso pu m ande rurob ukwe-fu. Ame nde tag pu m wande ti afu nda m baa, ame na nde.

Yohana 19:30

Kiye ti wu shib ambyi ti fifab yine, awu ri baa, “Wande-m mam pu yi!” Tiri awu fur risu-wu si riben u sa cwu.

Wande Atom 20:24

Amaa, ame sa-m unyang-m baa, awu na si iken iki be. Iken kinjo ti ame ku sha si ti, ame u nde tag wande-m ti Itsekuru-m Yesu nda m, ti si ti ame na sa ira tinyang na ayibrisi Rimam na ri te ande meme.

2 Timoti 4:7

Ame kwab pu m ti kpakang-m meme uwae utense wune. Ame ter inyae ka furu pu m. Ame ye su pu m uwae kinjo ti ira Rimam.

Ititatso 11:3

Ande ifaen ti ku ri ira-m, ame u nda ba ti a u sī arae atupwa, u ya iskin ira-m ka usir kumbub kinjo ti ukob ifaen ti mae ita.”

Ititatso 12:17

Ama tiri usang wu tso rinae te unda wu, u pur nwunn ti wu na kaa ta rika te anyisu unda wu ti tsitsi, ti aba ti ye su icwe Rimam, u tsikunn ti ku cwe ira Yesu.

Ititatso 13:11

Ama ame nung kyi ibye titibi iki ndub tsoye riben ba. Awu site ishin ifaen pangma umbae iwentam, ku ri ira ti ufxenjwin na usang ti ricwu titibi.

Ititatso 13:7

Ama a nda wu riyae ti wu na ta rika te ande Rimam, ti wu na ci ba rika. A nda wu kuko risu ande ti utense meme, ti unju ti tsotso ti meme kumbub ande ti utense pab.