Ititatso 11:19 - Kutsingken Ira Rimam ti Saen Kyag

¹⁹ Isim ayine, ufu kusog Rimam ti apupwen mbubta, ama a sae akpati unju ti yer na Rimam tsi uwae atang. Imam ku taen u ku jaen wur wur, utense kyikyá, ama upwen ku ta ibu.

Ititatso 11:19 Iomraidhean Croise

Ititatso 11:13

Uwae kiye wu, utense kyi ijwe u taen punn. Kujwo kyab kinjo uwae rijwe na uka wu mbub si u yata kujwo ikyab itsongnje. Ande kumbub itsongfaen twenji, ikyaen utense ti kyi ijwe. Ikyenricwu ye ande ti tsitsi si-yi ti ti ri be. Ama aba teb rinyi Rimam ti apupwen amam.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 12:1

Isim ayine, iken ti ku fur ayib gbug nwunn apupwen. Unda iki tsi atang. Kutupwa ti si-wu si usir, ama ushaen ta askab kufxen wu. Awu bur ubur ukwe ti site atitaen rijwe asu ifaen.

Ititatso 16:1

Isim ayine, ame fxen afxenjwin ku ri ira ti ribom uwae kusog Rimam. A ri te atom itsongfaen bane baa, “Ni ru ti ni ka yaen rinae Rimam ti ta uwae kuseb itsongfaen yine si utense.”

Ititatso 16:18

Ti ritsen imam ku jaen wur wur, ritum ku tum, imam ku taen, utense ama ku kyi ijwe. Ti ti Rimam kyae unde, utense kyi ji-wu ijwe pangma ti awu kyi kiye wune be.

Ititatso 16:21

Akóng upwen ti rikem ti rikem jwunnsi ba risu ande, ama aba txunmbeb Rimam ikyaen kubyagkwa rikaen ti aba ta uwae-yi, ikyaen ti, rikaen yi beb, si-yi ti ti ri be.

Ititatso 19:11

Isim ayine ame sae apupwen mbubta, ama kakum ti tsen tsi! Rinyi unde wu ti ku tso wu tso si KUBENTI. Awu ku pwen rikwen, ku ta rika uwae kubenti.

Ititatso 4:1

Isim ayine, ame sae, ama ti m nunung, ufu iki mbub tita apupwen! Ame fxen afxenjwin pangma ti ame fxen ti kucang ma kutumu. Awu ri te m baa, “Tso ba ike, ti m tatso fu iken ti u ba nde kang uwe ike.”

Ititatso 4:5

Imam ku jaen wur wur, ku taen, ritum ku tum uwog kutxomkwe atang. Amunn urwa ka itsongfaen ku cwé piin uwe kutxomkwe wu, ti si Asung Rimam itsongfaen.

Ititatso 7:15

Nee iken ti nde, aba ba tsi uwe kutxomkwe Rimam, ku fen wu usirtaen ti utitang, uwae kusog-wu. Ama Awu ti somtsa kutxomkwe ne u nungkyi ba, u si uwog awùm-ba.

Ititatso 8:5

Cwucwo atom Rimam ti apupwen wune pu urwa risu kuta ti a ku twen iken atang, si munn kuseb wu, u ye jwunnsi uwae utense. Ama imam ku taen, ku jaen wur wur, ritum ku tum, uwog fxaekyi, utense meme kyi ijwe, tang tang tang tang.

Ititatso 8:7

Itikucang kunn ana-wu, ama akóng upwen ti urwa, naafa te anying, yaen si utense. Kujwo kyab iki na utense twen mbub, ya ta ajwo kyab ifaen. Kujwo kyab iki na ituku twen mbub, ya ta ajwo kyab ifaen. Meme irum ti tirisub twen mbub tag.