Ititatso 11:18 - Kutsingken Ira Rimam ti Saen Kyag

¹⁸ Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 11:18 Iomraidhean Croise

Daniyel 11:44

Amaa, awu u tu kutsa ti ru usir ti kiskinn, ti kujwo isku ba ti u nda wu ikyenricwu, ama awu u nwunn ti uwae rinae ti byagkwan kaa wen ande yang-yi akwen.

Daniyel 7:26

“Amaa, ande ti ku pwen rikwen u pwen wu rikwen, ama mbe ra kuko-wu kaa twenji.

Daniyel 8:25

Awu u ru itsab, u nda itikyaefa-wu ru yi uwe, ama awu u sa tsi uwae-wu baa, awu na skeb titag. Awu u purug ande u wen ba, ama u nwunn tsi ikub te Ukwe ti skeb abikwe. Awu u cwuji, i si-yi unde iki ti u wen wu be.

Matiyu 5:12

Ni tsen utob ti ni shwu ashwu, ikyaen ti, rinyangwae tiyang tsi ku ji ni apupwen. A nde pu ba iken yine te ande ti ya iskin ira Rimam ti kute ama.”

Luka 1:50

Ande ti ku kyen ikyenricwu wu, awu ku sae ba ti ayibrisi. Anyisu-ba ama u tu rinyangwae-wu, ti anyisu ti ku ba isim-ba ru fife yi uwe.

Mbaibrane 9:27

A sa tsi baa, unde na u cwu ricwu kipaen kinjo, ti somtsa, si rikwen ti pwen.

Ititatso 10:7

Amaa, kiye ti atom ti itsongfaen a kunn kutumu-wu, ira ti titam na Rimam u mbubta, pangma ti awu tsag te apyi-wu ti ku ya iskin ira-wu kute.

Ititatso 11:2

Amaa, myae rishen ti pakob kusog Rimam fa-fu atang be. Ikyaen ti, a sa wu na pu ba ande ti nung-ba ira Rimam be. Aba u ceb pu uka ti sisaen na Rimam fa afxen ka ishaen mae ifaen asu ifaen.

Ititatso 13:10

Asiti a u ye unde upyi, awu u ru kang usom upyi. Asiti a u wen unde te kisim rika, a u wen kang unde wu te kisim rika ama.” “Ayine si itikunn uwog ande Rimam ti sisaen, ti a ye kang utob u tsi kunn ti ku ru uwae kinjo ru ka furu.”

Ititatso 13:16

Cwucwo, awu nda ti meme ande ti rurob ti ande ti rob-ba rob be, ande ti rifunn ti ande ti rikaen, apyi ti ande ti si-ba apyi be, a site iwaen kujwo rici ko kutxuwe-ba.

Ititatso 14:10

awu ama u ngwa kang ambyi itu rinae Rimam ayib-yi, ti a fu-ba yi fu be. Awu u ngwa yi uwae kitu na utob ti ndembeb na Rimam. Meme ande ti a nde iken yine, a u nde ba rikaen uwae kumung urwa ti ku twen uwe atom Rimam ti sisaen, ti uwe Mbae Utam wu.

Ititatso 15:1

Tiri, ame sae iken iki ti ku fur ayib, ti ku wub ijwe, nde apupwen. Atom Rimam ti apupwen itsongfaen, ye su kujwūnn titibi itsongfaen ti si ti ricwunnkyi. Ayine ti u mam tag rinae na Rimam.

Ititatso 15:7

Tiri kinjo uwae iken inje ti ku nyang unyang yine, nda atom itsongfaen bane, kitu itsongfaen, ti munn te rinae Rimam, awu ti tsi yiyer.

Ititatso 18:6

Ni pae na wu pangma ti awu pae na ariki. Ni pae na wu atsepu ifaen, kujwo wande-wu. Iken ti ngwa ti awu fxaen na ni, ni fxaen na wu atsepu ifaen.

Ititatso 19:15

Kisim wen ti cin isim ti uwe, ru ku ye unju-wu, ti wu u byinn ta ambukwen ande. Awu u nae ukwe risu-ba te ukum ukwe na kiser. Pangma ti a ku ceb, ku kam awaen anam uwae kukúm-ricwo, awu ama u ceb kukúm na rinae na Rimam ti skeb titag.

Ititatso 19:18

Ni ru ba kub ibye rimenn akwe, ti ana ande ti uwe akyirten, ti ibye rimenn akyirten-ba, ti ana kakum, ti ana ande ti ku tso yi tso, fa ti ibye ande meme, apyi ti ande ti si-ba apyi be, ande ti rurob ti ande ti rob-ba rob be.”

Ititatso 19:5

Tiri afxenjwin ruye kutxomkwe atang ku ri baa, “Ni teb rinyi Rimam, meme-ni apyi-wu, anyisu tinying ti ande ndufu, meme-ni ti ku nda wu rurob.”

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:15

Unde ti rinyi-wu ta-yi uwae kutsingken na unyang ne be, a ye wu jwunnsi uwae uvum urwa wune.

Ititatso 22:12

“Nung, ame u tsi-m tsi be u ba, u pu kujwojang kyangsu ti m kan na unde titini, pang te iken-wu ti awu nde.