Ititatso 11:15 - Kutsingken Ira Rimam ti Saen Kyag

¹⁵ Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 11:15 Iomraidhean Croise

Itiruye 15:18

Yaweh u nae Ukwe ru fife yi uwe.”

Daniyel 7:14

Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Daniyel 7:18

Amaa, ande ti saen kyag na Rimam ti skeb ti tag u tsokyi kujwokwe yine, ama u nae ukwe risu-yi ru fife yi uwe.’

Daniyel 7:22

se kiye ti Awu ti ta atang ti Kute ka ba pwen rikwen ikyaen ande ti saen kyag ti si ana Rimam ti skeb ti tag, ama kiye wu ande ti saen kyag tsokyi kujwokwe wu.

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Matiyu 24:31

A u kunn kutumu ti ribom, ama awu u tom atom-wu ti apupwen kaá byir tag ande Rimam ti awu tsab tsi uwae utense meme.”

Matiyu 6:13

Pu ti ka-fu uwae kumyae be, amaa, nwangru ti uwae ira titibi.’

Luka 1:33

Awu u nae ukwe risu rishi Yakubu tsi kukunn ike ru fife yi uwe. Itinae na ukwe-wu, ricwunnkyi-yi u ta-yi be.”

Luka 15:10

Yesu ri baa, “Ayi si ahan ama atom Rimam ti apupwen ku tsen utob risu unde kinjo rikaen ti ku nde ikentitibi ti kafe isim ta ikentitibi-wu u kafe ba uwog Rimam!”

Luka 15:6

u su wu ru ka yi kununn u ru ka kunn byir arwan-wu ti ande ice-wu u ri te ba baa, ‘Ni tsen yae m utob ikyaen na mbawen-m ti yag bibyinn né ame tu pu me awu.’ ”

Wande Atom 4:26

Akwe ti utense kyae ijwe-ba tsi, ande ti uwe utense byir atso, ikyaen ti a tsi ukub te Itsekuru ti Unde wu ti Awu Tsab Tsi.’

Mbaibrane 1:8

Amaa, ana Umbae-wu, awu ri baa, “Kutxom ukwe-fu Rimam, ititsikunn-wu ta-yi be. Ukum kujwokwe-fu si ti kubenti.

Ititatso 10:7

Amaa, kiye ti atom ti itsongfaen a kunn kutumu-wu, ira ti titam na Rimam u mbubta, pangma ti awu tsag te apyi-wu ti ku ya iskin ira-wu kute.

Ititatso 12:10

Isim ayine ame fxen afxenjwin ti ribom apupwen ku ri baa, “Tine Rimam-ti tso pu wu kuko-wu, u nwangru pu wu ande-wu, u ye kujwokwe-wu tsi pu wu. Kristi mbe pu wu kuko-wu. Ikyaen ti, a fur ra ukwe kufxaen, ti tsikunn rikwén ti kunn risu ameinja-ti uwe Rimam, utitang ti usirtaen, jwunnsi pu ba yi riben.

Ititatso 15:4

Itsekuru, Aye wu ti u kyen-wu afu be? Aye wu ti u pyir, u teb-wu riyinn-fu be? Afu amam ti si ti saenkyag. Meme ambukwen ande utense u ba fen fu. Kujwo wande-fu ti kubenti, tso pu yi ijwe-yi paenine.”

Ititatso 16:17

Isim ayine, atom ti itsongfaen yaen ikenti ta uwae kuseb-wu si ufunn, ama afxenjwin ti ribom iki ruye uwog kutxom ukwe uwae kusog Rimam baa, “Ayi nde mam pu yi!”

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 19:1

Isim ayine, ame fxen ritum iki ti pangma ana ujwunn ande ti funn apupwen ku ri baa, “Haleluya! Itinwangru ru uwog Rimam-ti ba. Kuko ti riyinn si ana-wu.

Ititatso 19:6

Ama, ame fxen afxenjwin ujwunn ande ti funn apupwen ti ku tum pangma ritum ambyi ti ku si utae, ti ana imam ti ku taen, ku ri baa, “Haleluya! Ikyaen ti, Itsekuru-ti Rimam, ti skeb titag, si Ukwe.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 8:12

Ti atom ti inje kunn kutumu-wu, a byinn kujwo kyab kinjo na usir ti ana ushaen ti ana atitaen ti nda yi kang mbeb. Ama kufub sikyi kujwo ikyab na usirtaen ti utitang meme.

Ititatso 9:1

Ti atom ti itsong kunn kutumu-wu, ame sae kititaen iki jwunnsi apupwen ba yi utense. A nda wu iken ufu na kukwae ti itikunntsi-wu ta-yi be.

Ititatso 9:13

Tiri atom Rimam ti apupwen ti fa ti itsongnjo kunn kutumu-wu, ame fxen ujwin ruye ishin inje na kuta zinariya ti tsi uwe Rimam.