Ititatso 11:1 - Kutsingken Ira Rimam ti Saen Kyag

¹ Isim ayine a nda m ukum kumyae, u ri te m baa, “Sunwunn ti myae kusog Rimam, ti kuta itifen Rimam, ti fu pwen ande ti ku fen Rimam atang.

Ititatso 11:1 Iomraidhean Croise

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

2 Korinti 6:16

Imi ti ren kusog Rimam te kufug apxin? Ati ande Rimam si kusog Rimam, awu Rimam ti si Rimam ti site unyang. Pangma ti awu ri baa, “Ame u som usom te ba; ame u kyang ikyin kutampwa-ba. Ame u si Rimam-ba; aba ama u si ande-m.”

1 Bitrus 2:5

Ani ama si pangma atxom ti site unyang ti a ku nde wande te yi u ku mbye kusog atang ikyaen Rimam. Ani u si akwen ti sisaen ana Rimam ti ku yerwen iken ti pang atang na awu Rimam, ruye uwog Yesu Kristi ti nwangru ti.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.

Ititatso 10:11

Tiri a ri te m baa, “Afu u kafe ru kang kaa ya iskin risu utso ande yang-ba, ti ambukwen ande yang-ba, ti unju ande txi txi txi, ti abikwe.”

Ititatso 21:15

Atom wu ti ri ira te m, ye su ukum kumyae na zinariya ti wu kaa myae uka wu, ti kupwe-wu, ti ufu-wu meme.