Ititatso 1:8 - Kutsingken Ira Rimam ti Saen Kyag

⁸ Itsekuru-ti Rimam ri baa, “Ame ti si itikucang u si itiricwunnkyi.” Awu ti ri ira yine si Rimam ti ta atang tine, u si Rimam ti kute, u si Rimam ti ku ba uwe. Awu si Rimam ti site kuko patag.

Ititatso 1:8 Iomraidhean Croise

Kucangtsi 17:1

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang,

Kucangtsi 28:3

Rimam ti site kuko patag ā nde fu itinyang, ti fu mbae jwunn, u jwunn ama u kafe mbukwen ande.

Kucangtsi 35:11

Ama Rimam ri te wu baa, “Ame si Rimam ti site kuko patag. Mbae jwunn! Mbukwen mbukwen ande u ru ye utso-fu. Abikwe u ruye rimenn ijwe-fu.

Kucangtsi 43:14

Rimam ti site kuko patag ā sae ni ti ayib risi-wu uwe unde wu, ti awu ā ya Simeyon ti Benjamin ta, ti aba ā kafe ba te ni. Asiti ame a shanum anyisu-m, ame ā shanum-m aba.”

Kucangtsi 48:3

Ama Yakubu ri te Yusufu baa, “Rimam ti kuko ba tu m yi Luzi uwae uten ti Kanana u wae ira na m baa,

Kucangtsi 49:25

Rimam itse-fu ti u ndeya fu, Rimam ti skeb titag ti u nde fu tinyang, titinyang ti apupwen, ti titinyang ti ta uwae riben, ti titinyang itimbae na ande ti ana asinn.

Itiruye 3:14

Rimam ri te Musa baa, “AME TI SI AME TI TANE. Ri te ba ira yine baa, ‘AME TI SI AME TI TANE, tom m ba uwog-ni.’

Itiruye 6:3

Ame tso risu-m uwog Ibrahim ti Ishaku ti Yakubu baa, ame na si Rimam ti site kuko patag, amaa ame tso-m aba rinyi-m ti si Yaweh be.

2 Korinti 6:18

Ame u si Itse-ni, ani ama u si anyisu-m ti arom te ti anda. Ayine si ira Itsekuru-ni Rimam ti kuko ti ri.”

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 1:17

Kiye ti ame sae wu, ame jwunnsi uwe-wu mbyog, pangma rukom. Awu sa kujwo rici-wu naetsa m, u ri te m baa, “Kyen-fu ikyenricwu be. Ame ti si itikucang, u si itiricwunnkyi,

Ititatso 1:4

Ame Yohana ti bae ira yine na ande na Rimam ti ta uwae uten itsongfaen na uten ti Asiya. Rinyangwae ti kujimshwur ā si ana-ni ru ye uwog Rimam, awu ti ta atang tine, u si Rimam ti kute, u si Rimam ti ku ba uwe, ama ru ye uwog Kusung itsongfaen ti ta uwe kutxomkwe-wu,

Ititatso 11:17

ku ri baa, “Ati ku nde na fu fxaefa, Itsekuru-ti Rimam, ti site kuko patag, Afu Rimam ti si ti tine, u si ti kute, Afu mbe pu fu kuko-fu, u bag pu fu itinae ukwe.

Ititatso 15:3

Aba yang akyang Musa, upyi Rimam, ti akyang Mbae Utam wu. Aba ku yang baa, “Itsekuru-ti Rimam ti skeb titag, wande ajwo-fu si iken ti kuko ti ku fur ayib, ku wub ijwe! Ukwe ambukwen ande meme, fengo-fu si ti kubenti u pang ti ande u putsa atang.

Ititatso 16:14

Ayi si asung titibi ti ku nde iken ti kimbag u ku ru yi uwog abikwe meme ti ta utense, ti a ka kunn byir ba ikyaen ti a na ka ta rika usir tiyang na Rimam ti site kuko patag.

Ititatso 16:7

Ame fxen kyi kuta cwe baa, “Itsekuru-m Rimam ti kuko, rikwen-fu, si rikwen ti kubenti.”

Ititatso 19:15

Kisim wen ti cin isim ti uwe, ru ku ye unju-wu, ti wu u byinn ta ambukwen ande. Awu u nae ukwe risu-ba te ukum ukwe na kiser. Pangma ti a ku ceb, ku kam awaen anam uwae kukúm-ricwo, awu ama u ceb kukúm na rinae na Rimam ti skeb titag.

Ititatso 19:6

Ama, ame fxen afxenjwin ujwunn ande ti funn apupwen ti ku tum pangma ritum ambyi ti ku si utae, ti ana imam ti ku taen, ku ri baa, “Haleluya! Ikyaen ti, Itsekuru-ti Rimam, ti skeb titag, si Ukwe.

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 21:22

Ame nung-m kusog Rimam uwae uka wune be, ikyaen ti, Rimam Itsekuru-ti ti site kuko patag, ti Mbae Utam, aba ti si kusog wu ti risu-ba.

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.

Ititatso 22:13

Ame ti si itikucang u si itiricwunnkyi, ame si iti uwe u si iti isim.”

Ititatso 4:8

Iken inje yi ti ku nyang unyang, site asae itsongnjo itsongnjo, u site ayib ti ku shag shag shag shag yine. Usirtaen ti utitang, ayi tsi kunn akyang ti yang baa, “Saenkyag! Saenkyag! Saenkyag! Itsekuru-ti Rimam saen kikyag! Awu ti site kuko patag, ti ta atang tine, u si ti kute, u si ti ku ba uwe!”