Ititatso 1:5 - Kutsingken Ira Rimam ti Saen Kyag

⁵ ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 1:5 Iomraidhean Croise

Daniyel 2:2

Ikyaen yine, ukwe nda unju ti a kunn byir ande ti ipwen, ti ande ti ben ayib, ti ande ti ku sae ayib, ti ande ti ku ri imbyi ira meme yi fikyi-wu.

Daniyel 7:14

Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Matiyu 20:28

pangma ti Umbae Unde ti ba-wu ikyaen ti a u nde wande na wu be, amaa ti wu u nde wande ama u cwu ricwu ikyaen ti wu u nwangru ande yang-ba.”

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Yohana 13:1

Ayi tsitsi usir kpang ti Mbayawuda u ci Ukwab Itiyafe. Yesu nungye pu wu baa, kiye na ru ba pu yi ti awu na u ya utense wune ta, u kafe tso tí uwog Itse-wu. Ti ti kucang awu site ure risu ande-wu ti ta utense ike, amaa tine awu u tatso ba baa, ure-wu ayi na site-yi itikunntsi be.

Yohana 13:34

Icwe tishe ti ame sa ku na ni si ti ni ye ure tetso. Pangma ti ame ye ure te ni, ni ye itso ure wune tetso ama.

Yohana 15:9

Ame site ure te ni pangma ti Itse ye ure te m. Ni tsikunn ti uwae ure ti ana-m yine.

Yohana 18:37

Bilatus rang wu baa, “Ayi a si ahan, afu si ukwe a?” Yesu ri te wu baa, “Afu ti ri ira yi. Iken ti nde titawe a mbae m sang ba uwae utense wune si ikyaen ti m na ri ira ti kubenti. Unde titini ti si unde ti kubenti, awu ku naa kutong ku fxen m.”

Yohana 3:11

“Ame ku ri te fu kubenti baa, ati ku ri ira risu iken ti ati nungye u ku ri te ni ira risu iken ti ati sae ti ayib-ti, amaa ani paembe-ni ira-ti ayi be.

Yohana 3:16

“Rimam ye ure te ande ti utense ko timambe, ne iken ti nde awu nda ba Umbae-wu ti si nyáng kinjo-wu amam, ikyaen ti unde titini ti a ru uwae kinjo uwog-wu, awu ā twenji-wu be, amaa, awu ā tu unyang ti tsi kukunn.

Yohana 3:32

Awu ku ri ira risu iken ti awu nung ti ayib, ti iken ti awu fxen ti atong, ama ande kyangte-ba ira-wu ayi be.

Wande Atom 20:28

Ni som ti ujwin ti ni nungkyi iken ti ti shi ti Kusung ti Saen Kyag nda ni kujwo. Ni si ande ti ku shi ande na Rimam, ti awu sa ba kafe ande-wu ikyaen iticwu na Umbae-wu Yesu.

Wande Atom 26:23

A ri baa, Unde wu ti Rimam Tsab Tsi na u ngwa kang rikaen. Awu ti na u si unde ti tawe u nwunn uwae iticwu u ya iskin ira Rimam uwog Mbayawuda te ande ti si-ba Mbayawuda be baa, Rimam na u pu ba ba uwog ti sisaen-wu.”

Roma 3:25

Rimam sa Yesu Kristi tsi baa, yi fengo anying-wu, unde ti a paembe Yesu ti uwae kinjo, awu u tu itiyata ikentitibi-wu. Ayine ku tatso kubenti na Rimam, ikyaen ti, uwae kiye ti wur ru ru, Rimam ye utob te ande, u sae ru ikentitibi-ba.

Roma 8:37

Kubenti, ati ci pu ti rika risu iken yine meme yi uwae wande na unde wu ti ye ure te ti.

1 Korinti 6:11

Kute ariki uwae-ni ta uwae utso ande bane. Amaa, Rimam jwosaen pu wu ani uwae ikentitibi-ni u nda ni kafe ande-wu. Ikyaen wande na Itsekuru-ti Yesu Kristi ti kuko na Kusung Rimam, ani kafe ande ti tinyang uwe Rimam.

Galatiya 2:20

Kiye ti a kwer wen Kristi risu kutuku ti cice, ame te wu ta tetso. Unyang ti ame ta te wu tine si-yi ana-m be, ayi si unyang na Yesu Kristi ti ta utob-m. Usom ti som ti ame som uwae ijwe-m ne, si ikyaen ti ame ru uwae kinjo uwog Kristi, Umbae Rimam, awu ti ye ure te me u cwu ricwu ikyaen-m.

Afisa 2:4

Amaa ayibrisi na Rimam ko timambe. Ure-wu uwog-ti si-yi ti ti ri be.

Afisa 5:2

Ni nde iken-ni meme te ure, pangma ti Kristi ye ure te ti, u cwu ricwu ikyaen na ti. Awu sa unyang-wu na Rimam pangma iken ti a ye yerwen ti ku nung kuyang uwog Rimam.

Kolosi 1:18

Uwae ande na Rimam, Kristi ti si risu, aba si rimenn. I si awu ti cangtsi kumbub ande Rimam. Awu ti tawe nwunn uwae iticwu. Né iken ti nde awu ta uwe iken meme patag.

1 Timoti 6:13

Uwe Rimam, awu ti ku nda iken meme nyang unyang, ti uwe Yesu Kristi, awu ti tsi ting ting u ri ira ti kubenti uwe Bilatus Buntus, ame ku ri te fu ben ben baa,

1 Timoti 6:15

Rimam u tom wu ru ba na ti uwae kiye ti awu sa tsi baa, ayi na pang atang. Ati teb rinyi Rimam ti si ti tinyang, awu kinjo-wu ti ta risu iken meme, awu ti si Ukwe na akwe ti Itsekuru na itsekuru meme.

Mbaibrane 10:29

Afu ku kab baa, ayi u beb rimang, asiti unde a saeru Umbae Rimam, u saesi anying unju ti yer ti jwosaen ti, u ri mbeb Kusung ayibrisi?

Mbaibrane 9:14

Amaa, anying na Kristi u nde kang wande ikyaen ti, uwae itindeya Kusung ti Saen Kyag, awu ti si unde ti si-wu te riraen be, sa risu-wu na Rimam, ama jwo ru tag ajwo wande titibi uwae utob-ti ikyaen ti ti u fen tu Rimam ti site unyang.

1 Bitrus 1:19

Ayi si anying na Kristi ti bom kujaeb timambe. Kristi ti si umbae mbawen ti tsaen fufxer u si-wu ti ajib be ti a sa anying-wu jaeb mbe ni atang.

1 Yohana 1:7

Amaa, asiti ati a ku kyang ikyin uwae itisaen pangma ti awu ta uwae itisaen, kubenti, ati ren ure tetso. Ama anying na Yesu, Umbae-wu, u jwo saen ti uwae ikentitibi-ti meme.

1 Yohana 4:10

Ure ti kubenti ta re. Ayi si-yi ti ati ti bag u ye ure te Rimam be, amaa, awu ti ye ure te ti, u tom Umbae-wu ba ti wu na si fengo ti ti na u tu itiyata na ikentitibi-ti.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 11:3

Ande ifaen ti ku ri ira-m, ame u nda ba ti a u sī arae atupwa, u ya iskin ira-m ka usir kumbub kinjo ti ukob ifaen ti mae ita.”

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 19:11

Isim ayine ame sae apupwen mbubta, ama kakum ti tsen tsi! Rinyi unde wu ti ku tso wu tso si KUBENTI. Awu ku pwen rikwen, ku ta rika uwae kubenti.

Ititatso 19:16

Rimenn arun-wu ti kusa-wu, a bae rinyi atang baa, “Ukwe na akwe, Itsekuru na itsekuru.”

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.